بنشتري bmw الفئة الخامسة الجديدة وقلنا بدل مانجيبها زيرو نجيبها من قسم المستعمل في التوكيل وخصوصا إن معظم العربيات عاملة 4 و 5 الاف كم واقل بحوالي 50- 70 ألف من الزيرو

بالصدفة البحته واحد وصلنا إن في عربيتين من المعروضين دول واحدة منهم راشة باب ورفرف شمال والتانية راشة جنب كامل مع انهم ماشيين كلام فاضي واقسم على كلامه وبالمناسبه هو ليه باع في مجال bmw في مصر .

وطبعا بما إن الرش في التوكيل صعب جدا تلاحظها خصوصا إنك بتشتري عربية من توكيل bmw يعني نفسيا لاغي الفكرة دي من دماغك تماما وبتشتري وأنت حاطت في بطنك بطيخة صيفي !!

يعني أنا احنا نجيب العربية من التوكيل نكشف عليها فين؟ في ألمانيا ؟!!!!
إذا كان القاضي هو الحرامي !

العهدة على الراوي وأنا مش متأكد ومش هعرف أتأكد لإن العربيتين اتباعوا خلاص

بس اللي أكدلي الكلام ده إن واحد صاحبي قال لي بافاريا كانوا بيعملوا خبطة في اكصدام ال x6 اللي اتعرضت في المعرض اللي فات عند بتاع الفيبر طبعا علشان ترجع ورشتهم تترش وده شافه بعنيه واتاكد منه

وعجبي !