احسن عربيه لحد 70 الف جنية فقط لاغير

**mada_76** · 02-03-2012 03:40 PM

هيونداي النترا 2005
عربية مالهاش حل ومالهاش مشاكل وكوري 100% وبشهادة كل مهندسين غبور انها احسن عربية عملتها هيونداي حتى الان.

**rasmy28** · 02-03-2012 03:48 PM

هو طبعا راى لوجان سوء مانول ب 70 الف او اتوماتيك ب 80 الف ده احسن اختيار فى الفئه دى
ومكن اثبتلك ده من هنا لبكره لكن بما انك كاره الفرنساوى
وبما انك عايز عربيه شعبيه
فكمان اختيارى التانى الهوا الساجا مش هينفعك

عمتن الشعبى فى الرنج ده الفرنا والانوس "فى راى انا ميدفعشى فيهم فلوسو ومقدرشى ارشحلك مين احسن فيهم لكن ملاك العربيتين ممكن يرشحولك "

طبعا فى الرنج ده كمان فى عندك صينى زى byd و اسبرانزا جريت وال "عربيات ناس بتشكر فيها لكن انا مش حابب الصينى لكن ممكن تسالك وتلقى عليهم نظره "

لكن نصحيتى ليك بدام رفضت لوجان وساجا يبقى هات مستعمل حاجه نظيفه ممكن تجيب اوبترا ولا حاجه ودور على قد متقدر على اكتر عربيه ممكن تجبها بالسعر ده تكون كسر زيرو يعنى مبقلهاش كتير مش تجيب عربيه من 2000 وكده فانا اعتقد ان اوبترا او الانترا الشكل القديم افضل حلين ليك لان غير كده فى راى بتدفع فلوس على الفاضى

وربنا يوفقك فى الاختيار والشره
تحياتى
محمد رسمى

**Abdm** · 02-03-2012 04:11 PM

لو عايز يابانى فى عندك الكريستالة ووفر باقى الفلوس تعمل من 50 : 55 ألف وممكن تجيب لانسر بومة موديل حديث بعد 2000... أو نيسان صنى موديلات حديثة بعد 2000 بردة ولو عايز كورى أحسن حاجة فعلا الآلنترا أحدث حاجة حسب الفلوس اللى معاك

والله الموفق والمستعان

**shaddadfalcon1** · 02-03-2012 06:42 PM

اوبترا مانيوال 2009

**sadkoooi** · 02-03-2012 09:26 PM

لوجان بدون تفكير وماتتعبش نفسك الزيرو زيرو لان مافيش فى مصر حاجة تتركب اقل من 110 الف فدون ذللك هات اى زيروا احسن مليون مرة من احسن مستعمل

**seso100100** · 03-03-2012 01:42 AM

افضل لك ان تشترى النترا 2006 الشكل القديم سيارة من السيارات التى لا تتكرر عملية عائلية ثابتة و اقتصادية و سعر اعادة بيعها ثابت جدا

**waled_26** · 04-03-2012 01:11 AM

فى البداية احب اشكر كل من شارك بموضوعى وكلها اراء تحترم وصائبة
- انا عارف كويس ان المبلغ ده مش هيجيب عربيه عاليه زيرو عشان كده انا حابب اركب عربيه عاليه نوعا ما لكن مستعملة وانا بحثت وعاوز ارائكم معايا ادامى بومه 2006 وصنى 2007 والينترا 2008 لكن هتزيد حوالى الفين وابترا 2007 وكلهم كامله اتوماتيك ياريت تشتركو معايا ولو فى حاجه على نفس مستوى العربيات دى ياريت تلفتو انتباهى ليها ........*عارف انى تاعبكم معايا والله........* ونجاملكم فى الافراح يارب

**Dr'AhmZZong** · 04-03-2012 01:16 AM

صني 2007 بس اكشف عليها في التوكيل .. عربية حمالة قاسية اوييييييييييي ..

**samyyousef** · 04-03-2012 01:36 AM

السلام عليكم
اعتقد ان ما تفكر فيه هو السبب المنطقي لشراء سيارة مستعملة رغم خطورة شراء المستعمل
فشراء السيارة المستعملة يتيح لك ركوب فئة عالية و لكن فيه مجازفة
اما شراء الزيرو فليس فيه مجازفة و لكن تدفع مبالغ باهظة في سيارة لا تساوي ثمنها الحقيقي( في مصر )
ارشح لك ( ليس عن تجربة و لكن من خلال مطالعة المنتدى ) نيسان تيدا