انا عايز اشتري نيون 2000-2004 اين اجدها و سعرها في حدود كام
عرض للطباعة
انا عايز اشتري نيون 2000-2004 اين اجدها و سعرها في حدود كام
تابع ContactCars وانت تلاقيها...
سعرها : من أول 38 ألف جنيه، بس دول بتبقي الحالة بتاعتهم زبالة و لا أنصح بشراءها مطلقا لأن الكرايسلر لما بتبقي حالتها وحشة هتكرهك في العربية و مش هتعرف ترجعها لحالة الفابريكة، لحد 45 ألف جنيه
في واحدة كويسة معروضة علي Contact Cars هتلاقيها علي اللينك دة :
[url=http://www.contactcars.com/UsedCars_Profile.asp?CarID=732296]ContactCars |
في ناس قالولي انها 2 زجاج كهرباءي بس ده فعلن ولا بينزل منها فل اوبشن و ايه رايك في كرايسلر
Stratus
2000 احسن ولا neon 2000
هو 65 ألف ج تجيبلك حاجات طبعا أعلي من النيون...عامة، النيون متدفعش فيها أكتر من 45 ألف ج و دة بالنسبة للحالات الجامدة...
بص أنا معرفش ازاز الكهربا ممكن يتكلف كام، بس أنا عادة مانصحش انك تركب ازاز ورا، بس لو مصمم ممكن تكلم واحد في الحرفيين تسأله لو عنده المكنة اللي ورا، هو اسمه مايكل نزيه : 0108509456
- اه طبعا ممكن تجيب Stratus بس هي مسألة أذواق : أنا مثلا مابيعجبنيش شكلها، بحس ان الشكل قديم، ممكن انت تكون شايف العكس.
قطع غيارها متوفرة بس أغلي حبة من Neon بس الفرق مش كبير، كلام فارغ.
اعادة بيعها هتلاقيها أصعب من Neon لأنها مش معروفة قوي، بس لو جيت حسبتها، في الأول أو في الاخر الأمريكي اعادة بيعه صعبة جدا في بلدنا بلد اللانوس و ال128.
- رخيصة عشان أمريكي. هتقول لي و ماله الأمريكي، هقول لك سمعته وحشة و في البلاد اللي زي مصر اللي فيها العربيات غالية، العربيات بصفة عامة بتبقي سمعة. ليه سمعتها وحشة ؟ ما تفهامش، شعبك كدة بيحب العك، يعشقوا اللانوس و الفيرنا و السيراتو، رغم ان أسعارهم بقيت غالية، لكن المستهلك المصري لسة بيبص علي سعر قطع الغيار من غير ما يبص علي العمر أو القدرة علي الاحتمال. فعقلية المستهلك المصري المعكوسة خللت عربيات ولا تسوي يبقي سعرها في السما و عربيات تانية ممتازة سعرها في الأرض. أنا طبعا عارف ان العربيات الكوري اتطورت، بس هل يعقل ان Elantra يوصل سعرها ل 150 ألف جنيه و 300M يوصل سعرها، حتي لو مستعملة ل 100 ألف جنيه، و مفيش مقارنة أصلا بين الاتنين.
انت عارف ان Neon تمنها زيرو ب 200 ألف جنيه ؟ طيب تعرف ان 300M زيرو كانت ب 650 ألف جنيه ؟ شوف دلوقتي سعرهم بقي كام...
طب باشا
يلريت تقولينا حضرتك ايه اخبار النيون معاك
انا من عشاق العربية دي
يعني مميزاتها و عيوبها و قطع غيارها و العربية بتاعة سفر و كدا؟
و الموتور بتاعها اخباره ايه و الفتيس الاتوماتيك بتاعها؟؟
بص، خللينا نتفق الأول علي حاجة : Neon أسوأ عربية أنتجتها Chrysler بس رغم كجة هي عربية كويسة و بالذات لو قارنتها بالعربيات المقرفة اللي موجودة في مصر.
- قطع غيارها متوفر في كل حتة، سواء جديد أو استيراد، ماعدا الاكسسوارات الرفيعة زي العلامة.
أسعارها كويسة بالنسبة لقدرتها علي الاحتمال و عمرها، بس طبعا أغلي مثلا من العربيات الكوري.
- هي أصلا معمولة علشان السفر، مريحة جدا و ثبات علي الطريق ممتاز، بص كأنك راكب C180 بس بسعر رخيص.
- الموتور بتاعها قوي، ماشاءالله 2000 سي سي و استهلاكه في البنزين جيد بالنسبة لل2000 سي سي.
- الفتيس بتاعها ملفيهوش أي مشاكل.
خللي بالك بس و انت بتشتريها انك تجيب واحدة حالتها حلوة، عشان لو استرخصت و جبت واحدة حالتها وحشة و قلت هتظبتها بعد كدة، هتقرفك في حياتك و هتكرهك فيها، فخللي بالك من الحالة. و برضه لازم تعمل ليها صيانة دورية كل 10000 كيلومتر.
أحد عيوبها اللي أنا فاكرها :
- طرومبة البنزين فيها حساسة، فلازم لما تيجي تحط بنزين ماتسيبش البنزين ينزل لأقل من نص التانك، يعني لما تيجي تفول تفول عند نص التانك و دة لازم.
متشكر اوي لحضرتك و هيا فعلا من العربيات الكتيره اللي مش واخده حقها في مصر
تعرف انا كل ما بشوف كمان ال 300 m مش عايز اقولك انا بيحصلي ايه انا لو وامش علي رجلي باخبط في الحيطة و لو راكب عربية كنت حلبس مره في اللي قدامي من كتر بحلقتي فيها
بس طبعا دي نادرة اكتر و اسمع كمان ان قطع غيارها ناااااااااار و طبعا اكيد حتتعامل مع توكيل
لأ زي Neon بالظبط في انتشار قطع الغيار، ما عدا طبعا في الاكسسوارات الرفيعة زي العلامة.
بص، قطع الغيار أغلي بس مش قوي، يعني قول أغلي مرة و نص من Neon و والله في قطع غيار أرخص، زي كنت مرة بسأل علي طرومبة البنزين لاقيتها ب 1200 ج و بتاعة Neon ب1350 ج
غير كدة، ممكن تلاقيها أغلي مرة و نص من قطع غيار Neon.
و لأ طبعا مش لازم تتعامل مع التوكيل، كل ميكانيكية الأمريكي بيشتغلوا فيها بس انت بس تعمل لها الصيانة الدورية و خلاص.