Valvoline و LIQUI MOLY بالنسبة للتويوتا

**Veroman** · 02-03-2012 01:57 AM

Valvoline و LIQUI MOLY المقارنة بنهم صعبة اوى دى حاجة الحاجة التانية انا قربت اغير زيت فاضلى بتاع 1000 كيلو كدة حاطط موبيل 1 بس مش حلو اسود من اول 5 الاف كم و هوا زيت ال10الاف اصلا
هل بقى فى حد هنا فى تويوتا غير حاط حاجة منهم و اى راية فيهم و حس بالتغير ولا لا مش شرط يكون كورلا اى موديل المهم عمل معاة اية و شايف اية الاحسن ؟؟؟

بس انا شايف ان فى اقبال اكتر على ليكوى مولى اكتر فى قسم المنتدى العام للسيارات مش عارف ليها علاقة بكدة ولا لا

ياريت كل واحد يدخل يقول راية او تجربتة للزيت

**Unendlich** · 02-03-2012 02:13 AM

غريبة موضوع ال 5000 ده عشان الموبيل 1 بيقعد في الكورولا 15000 كم و مش بيشتكي اطلاقا, جايز فرق اسلوب السواقة بقى
عامة أنا مجرب Valvoline (بس مش في الكورولا) و لغاية دلوقتي لطيف بس طبعا الحكم الصح في نهاية المدة
اللي فعلا رائع مع الكورولا موبيل 1 ال 0w40 و ده مش هتلاقيه غير في كام محطة بس, ال 5w50 اللي موجود في اغلب المحطات واللي التوكيل بيحطه تقيييييييييل قوي عليها

لو هتحط فالفولين جرب ال 5w30

**BLOODY_STONE** · 02-03-2012 02:13 AM

انا استعملت موبيل و ليكوي مولي و مش حاسس بفرق الصراحة ...

معني ان الزيت اسود انه شغال كويس و بينضف الموتور ...

بس انا بستعمل ليكوي مولي لانه ببساطة الماني و متصنع في المانيا مش زي الموبيل ... فأكيد نضيف
و برضه نفس سعر الموبيل و الشركة ناس محترمة و عندهم منتجات اضافات كتير كويسة و كده ..

فهو من الاخر موضوع تسويق و كل واحد و شطارته ... بس ..

**Veroman** · 03-03-2012 12:33 AM

انا عايز استعمل ليكوى مولى عشان نفس السبب و كمان انا عندى لما افتح الكوبت و اكبس بنزين اسمع صوت خشونة كدة فى الموتور

**M.FOUAD** · 03-03-2012 03:26 PM

انا كنت بستعمل علطول موبيل 1 اول مرة اغير لفالفولين 5w40 صوت الموتور بقى اهدى فعلا بشكل ملحوظ بس انا لسة مستعملتوش غير 2000 كيلو بس بس لحد دلوقتي كويس
ليكولي مولي مجربتوش حاسس انهم عندهم مشكلة في التوزيع خش على الموضوع اللي عاملينة و هتفقد الثقة فيهم مع ان سعرة احسن بكثير و فية بردة ميكانيكي كان عارفة بيقولي الاضافات بتاعتة هي اللي حلوة فعلا اما الزيت نفسة موبيل احسن منة

**M.FOUAD** · 03-03-2012 03:31 PM

المشاركة الأصلية كتبت بواسطة veroman

انا عايز استعمل ليكوى مولى عشان نفس السبب و كمان انا عندى لما افتح الكوبت و اكبس بنزين اسمع صوت خشونة كدة فى الموتور

صوت الخشونة دة طبيعي على فكرة في الجنوب افريقي و غالبا مش من الموتور من بلية الدينامو

**Veroman** · 03-03-2012 09:28 PM

خلاص هقولهم فى التوكيل قبل ماطلع من الضمان يمكن يغيرو الدنمو كلة عشان هما هيغيرو البلية بس

**Ahmod** · 09-03-2012 05:32 PM

المشاركة الأصلية كتبت بواسطة Veroman

انا عايز استعمل ليكوى مولى عشان نفس السبب و كمان انا عندى لما افتح الكوبت و اكبس بنزين اسمع صوت خشونة كدة فى الموتور

نفس السبب اللى هيخليني انزل الزيت مع انه عامل حوالي 2500 كيلو فقط ! ! والخشونة دي بدات تظهر من ساعت اخر مرة غيرت الزيت ! !

المشاركة الأصلية كتبت بواسطة M.FOUAD

صوت الخشونة دة طبيعي على فكرة في الجنوب افريقي و غالبا مش من الموتور من بلية الدينامو

انا مش متفق مع حضرتك في نقطة الخشونة دي لان الارجح بتبقى من الزيت ولو ماكنتش من الزيت بتكون من فلتر الهوا

لان انا حصل معايا نفس موضوع الخشونة ده اول ماغيرت الزيت وحطيت موبيل 1 ! شكيت في فلتر الهوا غيرته بفلتر اسبور ولسه فيه خشونة برضوا يبقى اكيد من الزيت !

عموما اانا جربت فالفولين ولسه حاطه في الفيرنا امبارح

حطيت زيت Max Life انا حسيت انه صوت الماتور هدي شوية عن الاول بس برضوا الزيت بيبان مع نهاية المدة

مع نهاية المدة بتاعته هعمل تقرير عنه وان شاء الله لو طلع كويس هحطه في الياريس

**Ahmod** · 10-03-2012 12:59 AM

المشاركة الأصلية كتبت بواسطة Veroman

و فى التويوتا حسيت اية اللى ريحيا

والله الياريس من ساعت ماجبتها وانا بقالي خمس سنين بحط موبيل 1

وزي الفل مافيش فيه مشكلة

بل اني اخر مرة نزلته عند 11 الف كيلو وماكنش نقص نهائي !

فقط كان استهلاك البنزين زاد شوية وصوت الماتور علي وده بدأ يحصل تقريبا بعد ال 8 الف كيلو ! وده طبيعي لاني اغلب سواقتي حرق على الغيارات !

لكن اول مانزلته وحطيت موبيل 1 تاني لثقتي فيه طبعا ولاني كنت شايفه ممتاز

غيب املي بصراحة ! صوت الماتور خشونة غير عادية ! ومش حاسس ان الماتور سلس وناعم زي الاول

وده بدات احس بيه بمجرد حطيت الزيت ! ويومها انا غيرت زيت + نضفت فلتر الهوا

قلت هي حاجة من اتنين يا من الزيت يا من فلتر الهوا

غيرت فلتر الهوا بفلتر اسبور وبرضوا لسه الخشونة دي موجودة وبتيجي من وقت للتاني ! عشان كدة قررت اني مش هحط موبيل 1 تاني وقلت اجرب فالفولين في الفيرنا ولو عجبني احطه في الياريس