الموضوع: نزول الفوكس الجديدة 2012

المشاركة الأصلية كتبت بواسطة ayabooy

حضرتك شوفت العربية عند ميكانيكي متخصص فورد و قالك ان قطع غيارها مش متوفرة ؟؟؟


+111111
انا بس نفسي افهم هو جنس التوكيل بتاع فورد ايه بالظبط
الناس دول مش عارف بيفكروا ازاي
اولا الفورد فوكاس ليها انتشار رهيب في اوروبا و امريكا و تعتبر حصان فورد الرابح و رغم كدة مش عارفين يسوقوها في مصر ليه اصل فيه سمعة طالعة على الفورد انها عربية وحشة
طيب نيجي نقيم السلعة
من حيث السعر العربية تعتبر رخيصة خصوصا لو اتقارنت باسعار الكورى من نفس الفئة او الاوروبي
من حيث اسعار قطع الغيار تعتبر ارخص من عربيات كتير في نفس الفئة و اعلى في الجودة
من حيث التصميم و الثبات و الاعتمادية انا شايف انها ممتازة برده
يبقي المفروض السادة في التوكيل يعملوا حملة دعائية ضخمة لمدة شهرين او 3 متصلين لحد ما الناس تبداء تفهم و تلتلفت للسلعة ديه
لكن حرام لما يكون كل تفكيرهم في الدعاية انهم يعملوا اعلان في اهرام السيارات و اعلان مهبب في نجوم اف ام و الصراحة لما سمعت الاعلان افتكرتة بتاع محل ادوات صحية مش فورد فوكاس

هههه، فعلا محتاجين دعاية جيدة
بالنسبة للميكانيكى، لا ليس متخصص فورد، و ده الأهم أن الميكانيكى العادى يكون يعرف يتصرف فى العربية خاصة بعد فترة الضمان.

لااسف الفكر المصرى انى اجيب عربيه اى حد يقدر يلعب فيها دا غريب اوى

المشاركة الأصلية كتبت بواسطة mohamedkordy

انا عايز ابيع عربيتى واجيبها انا معايا فورد ٢٠١١ عامله ٦٠٠٠ كيلو بس للاسف حبعها ومش حقدر اجيبها دلوقتى علشان مسافر

طيب ياريت تقولنا العربية عاملى معاك ايه
انا اسمع ان استهلاك البنزين بتاعها عالى
واخبار العزل بتاعها ايه يعنى وانت قافل الزجاج صوت الموتور وصوت احتكاك الكاوتش بالطريق وصوت احتكاك الهواء مسموعين لانهى درجة

المشاركة الأصلية كتبت بواسطة mohaismail

طيب ياريت تقولنا العربية عاملى معاك ايه
انا اسمع ان استهلاك البنزين بتاعها عالى
واخبار العزل بتاعها ايه يعنى وانت قافل الزجاج صوت الموتور وصوت احتكاك الكاوتش بالطريق وصوت احتكاك الهواء مسموعين لانهى درجة

واللهى ياباشا بما انى عايز ابيع فاكيد انتا حتحس انى مش حبقى موضوعى فى كلامى فلازم تسال حد معاه فورد وهوا يحكيلك حكايتها بس استهلاكها للبنزين معايا كويس اوى بس انا بحط ٩٥ مش ٩٢ وتقدر تسال وهما يقولولك يعنى ايه فورد فوكس

المشاركة الأصلية كتبت بواسطة mohamedkordy

والله ياباشا بما انى عايز ابيع فاكيد انتا حتحس انى مش حبقى موضوعى فى كلامى فلازم تسال حد معاه فورد وهوا يحكيلك حكايتها بس استهلاكها للبنزين معايا كويس اوى بس انا بحط ٩٥ مش ٩٢ وتقدر تسال وهما يقولولك يعنى ايه فورد فوكس

لا اتوكل على الله انا مصدقك والله والعربية الناس كلها شكرت فيها للامانة ما عدا نقطة استهلاك البنزين وبالنسبة للعزل فدى حاجة تهمنى جدا لان معايا نيسان صنى بحس انى راكب جرار من سوء العزل بتاعها وهبيعها وعاوز اجيب حاجة نضيفة ومريحة

المشاركة الأصلية كتبت بواسطة mohaismail

لا اتوكل على الله انا مصدقك والله والعربية الناس كلها شكرت فيها للامانة ما عدا نقطة استهلاك البنزين وبالنسبة للعزل فدى حاجة تهمنى جدا لان معايا نيسان صنى بحس انى راكب جرار من سوء العزل بتاعها وهبيعها وعاوز اجيب حاجة نضيفة ومريحة:s_thum1[1]:

العزل انا اديها ٧ من ١٠ بس انا بحب الدرجه ديه علشان ابقا متفاعل مع اللى حواليا بدرجه مناسبه