النهاردة فى اهرام الجمعة كاتبين تفاصيل الفوكس الجديدة بس يا ترى الاسعار كام و الفئات ايه؟
عرض للطباعة
النهاردة فى اهرام الجمعة كاتبين تفاصيل الفوكس الجديدة بس يا ترى الاسعار كام و الفئات ايه؟
سبقنى ياباشا كنت لسه داخل اعمل موضوع
السيدان فى منها 4 فئات تريند وبلس وسبورت وسبورت بفتحة سقف
الاسعار 155 - 165 - 180 - 185
موتور 125 حصان 159 نيوتن اوتوماتيك 6 سرعات PowerShift
تقفيل امريكى على ما اعتقد
عفشه ملتى لينك
5 نجوم فى ال EuroNCAP
كاتبين فى الاهرام كماليات اعلى فئه اللى هو سبورت + فتحة سقف
طاره ملتى - حساس مطر - حساس نور - جنوط سبور 16 - تكييف اوتوماتيك بفتحات خلفيه - Follow Me - مثبت سرعه - 6 ايرباج - ABS EBD BA - باركنج سنسور - مرايات ضم باشارات - الازاز الخلفى فيميه - فتحة سقف
بصراحه العربيه تحفه :)
هي القديمه كانت كام حصان بالضبط؟
و ياترى ال 125 حصان دول على العجل؟
و الفتيس باور شيفت نظامه ايه؟
اسمع ان الفوكاس استهلاك البنزين فيها عالى بغباء :(
ودي التسارع بتاعا اخباره ايه ؟؟
والاسعار دي للسيدان ولا للهاتشباك ؟؟؟
القديمه كانت بتنزل مصر 100 حصان , الجديده 125 والموتورين نسبة انضغاطهم 11 يعنى بنزين 95
مش عارف تقصد ايه على العجل , لو قصدك قوة الموتور وهو راكب على العربيه اللى بتتقاس بال Dyno فطبعا لأ , مفيش شركه فى العالم بتقول قوة الموتور على العجل
الفتيس الباور شيفت بتاع فورد موجود من 2008 بينزل فى معظم عربيات فورد وفولفو وعلى فكره هو دوال كلتش نفس فكرة ال DSG بس 6 سرعات مش 7 , المفروض انه بيحسن التسارع وبيوفر استهلاك البنزين بنسبة 10 % عن الفتيسات العاديه
العفو ياباشا
اول فئه فيها الكماليات العاديه + ال ABS و 4 ايرباج
بالنسبه للتقفيل العربيه المفروض بتتقفل فى 3 دول امريكا والمانيا وروسيا , مش عارف اللى هاتنزل امريكى ولا المانى
جايز القديمه عشان كانوا منزلينها بموتور قليل عليها 100 حصان بس والعربيه وزنها تقيل فلازم تدوس جامد
لكن الموتور ال 125 متوسط استهلاكه للبنزين لو الفتيس مانيوال 6 لتر لكل 100 كم , والاوتوماتيك هاتبقى حوالى 6.5 لتر لكل 100 كم
وزن الجديدة حوالى 1350 كجم
هو Dual Clutch زى ال DSG على فكره :) بس مسمعتش عن شكاوى منه
تسارع المانيوال فى 11 ثانيه , الاوتوماتيك فى 11.8 تقريبا
دى اسعار السيدان , الهاتش باك والستيشن هاينزل منهم الكامله السبورت فقط , ب 185 و 190
هانعمل ايه بالاوتو بارك فى مصر هو اصلا فى ركنات :) وحتى لو لقيت ركنه على ماتشغل الاوتو بارك والعربيه تركن براحتها هاتلاقى 100 واحد رشق فى الركنه :)
بس للاسف الكاسيت ford touch مش نازل فى اى موديل خااالص
http://img594.imageshack.us/img594/313/clip20.jpg
ياترى فيه تست درايف؟
تحفه بس هل هتنجح في مصر؟
كاتبين إن فيه تست درايف فى الأهرام النهارده
شكلها كويس العربية دى
بعض الروابط
2012 Ford Focus | View Full Gallery of Photos | Ford.com
و ده تقرير أختارها كأحسن سيارة فى فئتها لعام 2012 و به أكثر من 250 صورة
2012 Ford Focus Reviews and Ratings - The Car Connection
يا ريت يا جماعة اللى معاكم فورد تقولوا رأيكم فى التوكيل و الصيانة
أنا كنت عند الميكانيكى من يومين و كان عنده عربية مونديو و سألته فقال لى قطع الغيار مش متوافرة فهل أيضا الفوكاس بها هذه المشكلة
العربية جميلة بس ليو فورد منزلتش الموتور التربو بتاعها ال180 حصان؟؟؟
السلام عليكم انا لسة راجع من اطارق فى الاسكندرية العربية يا جماعةمبهرة دا تحس انك راكب طيارة تابلوة طارة قمة فى الافترة :-) فخامة عجيبة الرجل هناك قالى ان فيها esp طبعا انا مش متأد بس دة ﻻمة الحجة التانية ان الكشاف الامامى بيلف مع اطارة يمين و شمال الشنطة فيها ضيقة شوية عشان اجنط واد مساحة محترمة زئ جنط الانسر الشارك الفل عالي ومضيق الشنطة غير دة مش شايف غير ابهار و على فكرة هية المانى حسب كلام اطارق ولاكن هل ممكن تنافس الفانتازيا ؟ هل التوكيل محترم ؟ يا ريت الملاك يفيدونا
أخبار التوكيل إيه يا شباب.....؟؟
مثلا السنة الأخيرة أخبار مالكى فورد إيه معاه....؟
انا عايز ابيع عربيتى واجيبها انا معايا فورد ٢٠١١ عامله ٦٠٠٠ كيلو بس للاسف حبعها ومش حقدر اجيبها دلوقتى علشان مسافر
من زمان وانا معجب بالفورد
بس للأسف مفيش انتشاار + سعر غالى شويه + توكيل منعرفش حاجه عنو ولا عن قطع الغيار ولا مدى انتشاره
كل الاسباب ي تخلى الناس تروح للكوري للأسف
ايه يا رجاله حد يقولنا شويه معلومات عن العربيه و التوكيل . و ايه حكاية فتيسها اللى زى ال dsg يعنى هما لازم يحطوا حاجه وحشه فيها . انا كنت ناوى اجيب فانتزيا رايكم ايه اجيها و لا استنى اشوف الفورد
هات فوذد طبعا بس العربيه للاسف مفهاش esp ودا اكيد
فعلا عشان السعر يا حسام
بس الفورد بالشكل والامكانيات والتعليق الخلفى بتاعها اعتقد انها صفقة رابحة
ان شاء الله فى اقرب وقت اعدى على التوكيل اجيب لستة باسعار قطع الغيار إذا كانت متوافرةز
شكرا على الردود يا رجاله بس يا ريت حد يقولنا شوية معلومات تفصيليه عنها. و بالنسبه لموضوع الفتيس انا عايز اتأكد منه لان بصراحه انا ححط الملغ اللى حيلتى فى العربيه و مش مستعد لمشكله زى دى
انا اقدر افيدك فى اى حاجه غير الفتيس لانو اتغير بس بصراحه تحفه فنيه
يا جماعة يالي في الاسكندرية
أنا سمعت أن توكيل فورد سحب فرعه من الإسكندرية
و أن مركز الصيانة إللي في الكيلو 26 بالطريق الصحراوي طريق الإسكندرية القاهرة غير تابع بالمرة
لتوكيل فورد في مصر
الكلام دا حاكلي عليه واحد صاحبي معاه فورد فوكاس 2008 راح هناك بعربيته فوجئ أن الفاتورة معلهاش أي حاجة لتوكيل
فورد فى مصر -فكري جروب- حاجة تقلق بجد و إللي يأكد الكلام الإعلان إللي نازل في الأهرام والأخبار
مفيش حس ولا خبر عن أي مركز صيانة في الإسكندرية
عربية جميلة وحلوة فخامة و ثبات وقوة بس التوكيل مش شايف شغله
العربية شكلها تحفة فنية واعتقد اسعارها كويسة جدا وخصوصا انها لسة جديدة يعني ممكن ترخص شويتين كمان وتبقي الفرق بينها وبين الكوري واليباني يكاد يكون معدوم.
والجيل القديم مكنشي فية مشاكل تذكر فاكيد الشكل الجديد هيمشي علي نفس النهج.
في انتظار رؤيتها في فورميولا الاهرام.
حضرتك شوفت العربية عند ميكانيكي متخصص فورد و قالك ان قطع غيارها مش متوفرة ؟؟؟
+111111
انا بس نفسي افهم هو جنس التوكيل بتاع فورد ايه بالظبط
الناس دول مش عارف بيفكروا ازاي
اولا الفورد فوكاس ليها انتشار رهيب في اوروبا و امريكا و تعتبر حصان فورد الرابح و رغم كدة مش عارفين يسوقوها في مصر ليه اصل فيه سمعة طالعة على الفورد انها عربية وحشة
طيب نيجي نقيم السلعة
من حيث السعر العربية تعتبر رخيصة خصوصا لو اتقارنت باسعار الكورى من نفس الفئة او الاوروبي
من حيث اسعار قطع الغيار تعتبر ارخص من عربيات كتير في نفس الفئة و اعلى في الجودة
من حيث التصميم و الثبات و الاعتمادية انا شايف انها ممتازة برده
يبقي المفروض السادة في التوكيل يعملوا حملة دعائية ضخمة لمدة شهرين او 3 متصلين لحد ما الناس تبداء تفهم و تلتلفت للسلعة ديه
لكن حرام لما يكون كل تفكيرهم في الدعاية انهم يعملوا اعلان في اهرام السيارات و اعلان مهبب في نجوم اف ام و الصراحة لما سمعت الاعلان افتكرتة بتاع محل ادوات صحية مش فورد فوكاس
لااسف الفكر المصرى انى اجيب عربيه اى حد يقدر يلعب فيها دا غريب اوى
الموضوع ابسط من كده
اللى كان ماسك التوكيل قبل فكرى جروب مكانش بيعرف يصلح العربيه الفوكس و كمان مكانش عنده كل قطع الغيار لما حاجه بتحتاج تتغير ده غير طبعا سعر قطع الغيار العالى
علشان كده الناس مش مقبله عليها
انما لو تفكتورا الاسكورت والكا , الفيستا كانوا منتشرين جدا