السايس ..... مشكله ملهاش اى حل فى بلدنا
السلام عليكم ورحمة الله وبركاته
الواحد خلاص زهق من البلطجيه اللى بيسموا نفسهم (سايس )
مفيش شارع فى مصر تيجى تركن الا وتلاقى واحد جاى جرى عليك ويقولك تعالى ياباشا وهات 5 جنيه
هى دى شغلانه يعنى؟ انك تقول لواحد تعالى وارجع ورا واطلع قدام
دى كده بلطجه لانه عايش ببلاش مش بيشتغل ميروح يشتغل اى شغلانه زى البنى ادميين
النهارده كنت فى العتبه وقولت اركن عند المطافى لاقيت واحد من اياهم جاى بيقولى هتقعد قد ايه ؟
قولته ربع ساعه قالى 5 جنيه وبيتكلم بكل ثقه
قولتله نعم؟ ليه ان شاء الله
قالى هنا جلااج قولتله انا راكن قدام المطافى مش فى جراج قالىلا انا مأجر المكان قولتله ورينى طيب مأجره من مين وركنت العربيه وسيبته ومشيت ورجعت بعدها ومشيت بلالعربيه ومفتحش بقه بس نرفزنى بصراحه
وبرضه عند الحسين الارصفه بتاعه الشارع تلاقيه يقولك 5 جنيه بصراحه الموضوع زاد اوى عن حده