الموضوع: السايس ..... مشكله ملهاش اى حل فى بلدنا

الناس دى كتير منهم بيكون مربط مع عسكرى المرور اللى فى شارع و بيقسموا معاهم الفلوس.

المشكلة أصلها زى مشاكل كتير ان مفيش قوانين فى البلد و مفيش قواعد .. يعنى ولا تعرف المكان ده شارع ولا باركنج و لو اشتكيت محدش هيعبرك .. و هيقولك بتدفع ليه

المشكلة دى برضه من أسبابها سلبية الناس .. يعنى فى ناس بتدفع وخصوصا الستات .. فده بيخلى الناس دى تنتشر و تبلطج على اللى مبيدفعش.

كان زمان الناس دى بتمسح لك العربية و تتحايل عليك عشان تديها فلوس .. دلوقتى الموضوع تحول لبلطجة و كل واحد ماسك له منطقة و يقول لك احنا بندفع أرضية و بتاع.

الحل المؤقت ان كذا واحد يروح مع بعض و لما واحد يرفض انه يدفع الاتاوة دى .. الناس كلها تقف معاه ضد الناس دى.

و برضه نعمل جملة على الفيس بوك للتصدى للناس دى و كل فترة ناخد بعضنا و نروح مجموعة و كلنا نرفض ندفع.

و نعمل وقفة احتجاجية (بدون قطع طريق و لا وقف مصالح) عشان الشرطة تقوم بدورها فى التصدى للناس دى.

و ان شاء الله لما البلد حالها هينصلح الفئة دى هتختفى ان شاء الله.

بحييك على الموضوع ده ... وانا هديلو تقيمي بصراحة ... لأن الموضوع ده كرهني البلد بالي فيها باليوم الي هطلع فيه ... كل ماتوقف بحته يجيلك واحد ابو فوطة صفرة يجري وراك ... أتاوة كده ويحسسك انها بلد ابوهم مش بلدنا خالص ... والي تستغرلبلوو انو بيجو من الارياف ومن حتت في اخر الدنيا علشان يمسك الرصيف من اول النهار ... مش ناقص غير تنزل تحت بيتكم تلاقي واحد ماسك الرصيف ... ومرة اتناقشة مع واحد قالي مأجرو قلتلو مأجروو من مين قالي من المحفظة ... قلتلو ليه هو الرصيف ده ملك المحفظة ولا ملك البلد ... المحفظة دي من كبيرهم لصغيرهم مرتباتهم بتتاخد مننا ... علشان يخدمونا مش علشان يحجرو علينا ... دي بلدي ودي منطقتي انا مووووووووووولود هنا من قبل مايكون في رصيف حتى هنا ... دي حتتي ودي منطقتي جيه انتا بسلامتك هتعملي اتاوة في الطلعة وفي النازلة ؟

وفي ناس بتقدر تتكلم معاها وتحس انهم غلابة وفي ناس متقدرش تفتح بقك معاها لأنهم من الاخر بلطجية ومش هتدفع هترجع مش هتلاقي عربيتك ... ومع الامن والامان الي أحنا عايشين فيه ززززززغرطي يا أم أحمد وأرقصي يا سعاااااااااااااااد ... ده غير قانون حزمني يا بابا الي بقالو تلاتين ســــــــــــــــــــنة . وهو هو لا بيقدم ولا بيأخر .


وأعمل أيه أذا أنا بحب أجمع كل مشاويري مره وحده وبقوف في تلاتين حتة ... كل ماهقف في مكان ... يجري ورايا واحد كأني حرامي ... وكلت عليه عرقوو وأجرتوو ... ده حتى مرة واقف صف تاني لقيت واحد بيقولي اهلا وسهلا ياباشا ... حمدالله على السلامة ياباشا ... قلتلو عاوز ايه ... قالي يابيه انا بحميلك عربيتك قلتلووو بتحميها وهيا واقفه صف تاااااااااااااااااااااااا ااااااااااااااااني يعني لو جه الوينش يشيلها هتقلوو لأ دي تبعي متشلهاش ولا أول واحد هيفلسع أنتا .. بصيت لقيتو بيقولي متخفش يابية محدش يقدر يشيلها وانا موجود ...

ياحبيبي يا حبيبي ... ده حتى اروح شركة الكهربا علشان ادفع الاقي واحد واقفلي عند شركة الكهربا اروح شركة المية نفس الحكاية السنترال نفس الحكايه ... ده حتى المرور وقسم الشرطة في واحد واقف هنا ... أنزل اجيب علبة سجاير الاقي واحد وقفلي ... أنزل أشتري كرت شحن من ابو عشرة جنية على السريع ابص الاقي واحد وقفلي ... أنزل اي حته أسئل عن حاجه وأمشي على طول الاقي واحد واقفلي حت تحت البيت يالهووووووووووووووووووووو ووووي انا طهقققققققققققققت ... ناس ملهاش اي لزمة في الكون ... وبيتحصلوو في اليوم مش أقل من 50 ل 60 جنيه وطالع لأن أقل حاجة هتيجي توقف ميت عربية كل يوم يعني 3000 جنية في الشهررررررررررررررررررررر ر .
لا ده من بكرة هجيب فوطة صفرة وأنزل أقف تحت بيتنا وقدم أستقالتي .

هههههههههههههههههههه ... هو أحلى حاجه على بق كل مصري اليومين دول ما تخفشي ... ويجي يعملك حاجة خطيرة ... ويقولك متخفشي متقلقشي ... لدرجة واحد عاوز يسوق عربيتي يدخلها مكان قلتلو لا انا هدخلها بنفسي بصيتو لقيتو بيقلي متخفش يا بيه ... قلتلوو يعني أذا مكنتش أأأأأأأأأأأأأأأأأأأخاف على عربيتي وشقى عمري أخاف على أية ؟؟؟؟؟؟؟؟ أخاف على صحتك يعني ... ولا اخاف وأقلق على مستقبلك ؟ حاجة غررررررررريبة بجد بجد .

المشكلة الواحد مزبط ميزانيتوو على حاجة معينة ... دول زي السوس من غير ما تحس تلاقي نفسك دافع حاجة وتلاتين جنيه في اليوم ليهم هما وبس ... و30 جنيه في 30 يوم يعني 900 جنية في الشهر طلع من مرتبك ميزانية ليهم ... ده غير باند الشحتين ... يعني فوق فواتير المية والكهربا والتيلفون الي قطمه وسطنا والغاز الي بنجري وراه ونبوس الايادي علشان ناخود انبووبة نحط كمان بند للصدقة ... وبند للشاحتين الغتاتة والي بيلزقوو في الواحد كده وعلى والنبي والنبي والنبي وبند أخر للبلطجة ... وعيالي بأه ربنا يتوالهم يشوفوا أب تاني يصرف عليهم ... أو يلبسو مقطع وينزلو يشحتوو هما كمان ... على الاقل أبقى مطمن عليهم وعلى مستقبلهم ... أنهم حجزوو رصيف من دلووووقتي . قبل ماحد غريب يجي يحجزووو ..

واللهي ماعاك حق ... هما فعلاً اعتراض لطريق المارة ... وكل ما تكلم حد يقلك اصل العيشة بقت صعبة تقلش العيشة بقت صعبة عليهم هما بس ... وأحنا الي في بقنا معلقة دهـــــــــــــــــــب ...
واللهي واللهي ... ربنا وحدوو العالم الناس المحترمة بتحاول تصمد وتكمل لأخر الشهر أزاي ... وناس راكبة عربية اخر موديل ... لكن مازالت ملك للبنك يعني عليه أقساط وديون متلتله مطررررر أنو يدفعها كل شهر ويطفح الكوته علشان يسدد أقساطها وكل ده علشان يضمن لعيالو وسيلة مواصلات كريمة وميتبهدلش في الموصلات هو ومراتو وعيال ... ودول كل الي همهم يهبشوووو منك الضريبة ... فانا بطالب يالحكومة ماتخودش مننا ضرايب وندفع للبلطجية دول وللمتسولين ... يا ندفع للحكومة الفلوس ديا بس يريحونا من قرفهم ... لكن ندفع للاثنين صعب واللهي العظيم صعب في ظل الظروف المنيلة الي الناس عايشة فيها وعلى قولت المثل خبطتين في الراس بتوجع ... هيبقى فواتير ومصاريف وشحاتين وبلطجية وكمان ضرايب ...