أسألتك كتيييير :-).....لكن زي بعضو :-)
1- صيانات اللانوس بتبدأ من ال 5000 كم او 4 شهور ....أيهما يأتي اولا ....يعني اللي ييجي فيهم الاول ...كيلومترات تصل ل 5000كم خلال اربع شهور .....او يعدي 4 شهور و لسه العداد موصلش 5000 كم..........و تطبق هذه القاعده في باقي الصيانات لغايه ال 100000 كم او 3 سنين ايهما يأتي اولا .
2- انصح بالتعامل مع التوكيل طالما العربيه في الضمان ......و عدم عمل اي حاجة بره .....عشان تبقي العربيه مسئوليتهم في حاله ان اي حاجة باظت يشيلوها همه .....مش يقولوا بقه مانت ماجيتش في الموااعيد المقرره للصيانه ...او انت عملت شغل بره و باين من كذا و كذا وكذا
3- الاهتمام بإثبات دخول السياره رسمي ....يعني مقابله مهندس الاستقبال و تسجيل الشكوي و فتح امر شغل ....و الكشف علي المشكله ..و بيدوا ورقه بيضه كبيره باالكمبيوتر فيها توصيف المشكله و بيقولوا استلم بيها العربيه و ععند الاستلام بياخدوها و مبيرضوش يدوا صوره منها ...انا بحطها ف جيبي و عند الاستلام بقولهم ضاعت و ده ععشان يبقي معايا اثباتات رسميه بدخول السياره في المعاد كذا لحل مشكله كذا ....و الاحتفاظ بصوره تصريح الخروج ..يعني الواحد بكل بساطه يعمل فايل للعربيه و يشيله في البيت .
4- بالنسبه لاعمال ضبط الزوايا و الاتزان ....من قلب كتيب الضمان مكتوب انه الضمان لا يشمل اعمال الزوايا و الترصيص ....لكن هما بيعملوها جدعنه ....و في اغلب الاوقات بيقولوا الجهاز عطلان .....و موضوع ان العربيه تتتظبط بره مبيبطلش الضمان ابدا .....و لا فيه اي حاجه ........الكلام ده لما اصلح مثلا تكييف بره ....اغير حاجه في الضفيره ...و طبعا انا معتقدش ان فيه حد حيعمل كده طالما هوه في الضمان .
المفضلات