الموضوع: تقرير عن تركيب سماعات سوني للصني .. "" العربية قربت تبقى مرسيدس يا جدعااااااااان ""

المشاركة الأصلية كتبت بواسطة nightrider2012

متشكر جدا لحضرتك:y_hi_3[1]:...الحقيقة سمعت كلامك ورحت ادريان المهندسين الجمعة اللي فاتت وعشان مكنتش عاوز اقطع في الصاج ركبت سماعتان ورا سوني 300 وات 4 واي مدورين فعلا الصوت اتحسن كتير وللأسف السماعات القديمة جولدي 40 وات بصراحة مش على قد قيمة العربية وتمنها.
كمان رحت توكيل kenwood في احمد عرابي لأن الكاسيت الراديو فيه استقباله وحش وبيخروش خصوصا مع 104.20 ولاحظت حاجة ان لما الإيريال يكون مرفوع صوت المحطة بيعلى ولو نزل الصوت بيوطى ...المهم الفني في كينوود قالي الكاسيت مفهوش حاجة روح التوكيل يكشفوا على الإيريال ويغيروه....بصراحة مش مقتنع بس الراجل في ادريان قالي اسقبال الكينوود للراديو مش حلو.
ايه رأي حضرتك؟
على فكرة السماعات بالتركيب اتكلفت 335 جم.
شكرا

مبروك يا باشا على السماعات .. بس أنا حاسس إنها غالية قوي على المدور .. إنت كان ممكن تجيب بنفس السعر حاجة احسن بكتييييييييير من عنده برده .. بس بيضاوي ..

بس عموما حصل خيييييييير .. اهم حاجة إنك مرتاح ..

بالنسبة لموضوع الاريال ده أنا معرفش عنه حاجة عشان أنا عمري مشغلت الراديو هههههههههههههههههه ..