طب ممكن تفسير لكلمة الدبرياج عالى عشان بس ابقى معاكوا على الخط :)
عرض للطباعة
طب ممكن تفسير لكلمة الدبرياج عالى عشان بس ابقى معاكوا على الخط :)
طب انا عندي لما اخف رجلى بتلقط تمام مش للازم للااخر ... بس ارتفاع الدواسة مش في نفس مستوى الفرامل والبنزين
لسه النهارده عاملين صيانة ال40000 للجراند بونتو بتاعة اختى التكلفه 2300 فى اوماترا الدراسه غيروا الزيت والفلتر وفلتر هوا وتكييف وبوجيهات وبلي الكاتينه وزيت الفتيس الهايدروليك والعفشه ةكشف كمبيوتر وبس تعليقى ان هما غاليين والعربيه حتى ما غسلوهاش واتاخروا عن الميعاد اللى متفقين عليه والمهندس طلع جرب العربيه لحد السيده عائشه يعنى اخرنا وفى الاخر فى صوت فى المارش قالنا المارش عايز يتنضف طب ليه ما نضفتوش قال ده حاياخد ساعه مش اكتر قولناله مره تانيه بس الاحساس العام متبسطناش
ده الدراسه مقارنة بجسر السويس معامله 5 نجوم مقارنة بموتيل تحت بير السلم
طب بعد اذنك يا باشا ممكن رقم التوكيل الى فى الدراسة عشان احجز أول صيانة لية 5000
الرقم هو 01285501000/2000
الف شكر يا باشا
السلام عليكم...
أنا عربيتي جراند بونتو 2010 ومحتاسة بيها
ضروري جدا لو سمحتم حد يبعتلي رقم مهندس شريف متولي أو أي حد في التوكيل بتاع مرغم,أنا عارفة العنوان بس محتاجة اكلمهم قبل ماروح عشان خايفة العربية متكملش معايا لحد مرغم.
مشكلتي بدأت لما طقم الدبرياج بدأ يهيس ومهندس شريف قالي لازم يتغير,بس لما عرفت الرقم(3300 جنيه) رحت مركز في سان ستيفانو بتاع صيانة فورد وجابولي الطقم وركبوه وخرطولي المارش عشان كان فيه مشكلة وغسلولي الموتور وركبولي لمبة قدام وعملو check على التيل.المهم دفعت 2800.
صحيح الرقم مش أقل كتير بس يشمل كذا حاجة.
مافيش أسبوعين وطلعلي مشكلة في الفرامل,لما بفرمل بيطلع صوت عجيب ناحية البدال مش ناحية التيل أو الطنابير,صوت تخبيط بدأ يزيد لحد ما طلعلي error في ABS,المهم رحت لمركز سان ستيفانو معرفوش يعملو حاجة وقالولي روحي التوكيل.
فأنا محتاجة رقم حد هناك عشان الصوت مخوفني أمشي بيها على الطريق.
وعندي سؤال:هو ممكن أشتري أنا قطع الغيار وفي التوكيل يركبوهم؟
أرجو الرد سريعاااا