عرض للطباعة
السلام عليكم,
انا روحت توكيل اماترا اللي في شارع العريش عشان أعمل صيانة ال 40,000 المهندس اللي هناك قاللي أعمل حسابك على فلوس محترمة عشان هتخش في 3500-4000 جنية عشان تيل و سيور و السيرفيس العادية, هو لية الصيانة غالية كدة , فا لفيت و قررت اني مش هعتب التوكيل تاني, حد يفيدني كلام الراجل دة صح واللى أية, و في حد عندة بديل (محل قطع غيار كويس مش فالحرفيين) لحسن بجد انا جالي إحباط:dzey:
هو كلامة صح بالنسبه إنه بيقول كلام التوكيل لكن غلط لو هنتكلم هندسيا
السيور بتقعد 60 الف كم أو 4 سنين أيهما أقرب (التوكيل 4 سنين أو 40 الف)
وزيت الباكم ومياه الردرياتير وزيت الفتيس سنتين أو 40 الف أيهما أقرب (التوكيل سنه أو 20 الف)
البوجيهات 30 الف كم (التوكيل 20 الف)
ممكن تجيب كل قطع الغيار من عند الكيلاني أرخص
انا عملت صيانة الـ 40.000 من اسبوعين رغم انى معملتش الا 14.700 كيلو فقط .. بس العربية بقالها معايا سنتين .. علشان كده عملت صيانة الاربعين الف .. وكانت التكلفة حوالى 2100 جنيه فقط .. والمهندس شريف متولى عملى خصم حوالى 100 جنيه علشان قلتلو انى عضو فى نايل موتورز برغم انى مش حاطط الاستيكر ..
ساعة الاستلام قاللولى انى لازم اغير تيل وديسكات فى الصيانة الجاية كمان 6 شهور .. ودول هيكلفوا حوالى 2000 جنيه كمان
المفروض 4 مش 2 بجد توكيل بيستهبل رسمياقتباس:
المشاركة الأصلية كتبت بواسطة u3mbkp
والديسكات والتيول محدش يقدر يقول إمتى إلا لما يخلصوا تماما وغالبا بيقولوا ديسكات قبل معادها بكتير :beatdeadhorse5:
قصدك ايه يا يوكو ؟؟ يعنى التيول والديسكات يكلفوا اربعتلاف جنيه ؟؟؟اقتباس:
المشاركة الأصلية كتبت بواسطة yoko
طب ده انا كنت ناوى اغير طقم دبرياج كمان وقالولى فى حدود الفين هو راخر !!!
محدش يعرف مكان فى اسكندرية اشترى منه الحاجة واعمل فيه الصيانة وبلاها السنة اللى فاضلة فى الضمان ؟
لأ أنا بتكلم صيانة ال 40 (أو بالأصح ال60)كل 4 سنين مش 2 خالصاقتباس:
المشاركة الأصلية كتبت بواسطة u3mbkp
والديسك ب 2000 ليه؟ (أصل انا قربت للأسف)
انت مال الدبرياج بتاعك ؟اقتباس:
المشاركة الأصلية كتبت بواسطة yoko
اعراضه ايه ؟
انا كمان عايز اعرفاقتباس:
المشاركة الأصلية كتبت بواسطة ghamrawy
كذا حد علق إنه عالي جدا وانا نفسي قولت كده زمان من أول يوم
والتوكيل كالعاده بيقولوا عادي لكن الحمد لله مفيش slip ولا أي حاجة بس بحضر نفسي نفسيا
وانا عندي الدبرياج عالي بردو ... يعني الدبرياج اعلى من الفرامل والبنزين .. ربنا يستر استعد نفسيا يعني هههههه
طب ممكن تفسير لكلمة الدبرياج عالى عشان بس ابقى معاكوا على الخط :)
يعني لازم ترفع رجلك للأخر عشان العربيه تلقط مش أول ما تخف رجلك تلاقي العربيه عشقتاقتباس:
المشاركة الأصلية كتبت بواسطة medo.malek
طب انا عندي لما اخف رجلى بتلقط تمام مش للازم للااخر ... بس ارتفاع الدواسة مش في نفس مستوى الفرامل والبنزين
الفكره نقطة الفصل والتوصيل زي ما هما ولا إتغيروااقتباس:
المشاركة الأصلية كتبت بواسطة ahmadmidop
لسه النهارده عاملين صيانة ال40000 للجراند بونتو بتاعة اختى التكلفه 2300 فى اوماترا الدراسه غيروا الزيت والفلتر وفلتر هوا وتكييف وبوجيهات وبلي الكاتينه وزيت الفتيس الهايدروليك والعفشه ةكشف كمبيوتر وبس تعليقى ان هما غاليين والعربيه حتى ما غسلوهاش واتاخروا عن الميعاد اللى متفقين عليه والمهندس طلع جرب العربيه لحد السيده عائشه يعنى اخرنا وفى الاخر فى صوت فى المارش قالنا المارش عايز يتنضف طب ليه ما نضفتوش قال ده حاياخد ساعه مش اكتر قولناله مره تانيه بس الاحساس العام متبسطناش
ده الدراسه مقارنة بجسر السويس معامله 5 نجوم مقارنة بموتيل تحت بير السلم
طب بعد اذنك يا باشا ممكن رقم التوكيل الى فى الدراسة عشان احجز أول صيانة لية 5000
الرقم هو 01285501000/2000
الف شكر يا باشا
السلام عليكم...
أنا عربيتي جراند بونتو 2010 ومحتاسة بيها
ضروري جدا لو سمحتم حد يبعتلي رقم مهندس شريف متولي أو أي حد في التوكيل بتاع مرغم,أنا عارفة العنوان بس محتاجة اكلمهم قبل ماروح عشان خايفة العربية متكملش معايا لحد مرغم.
مشكلتي بدأت لما طقم الدبرياج بدأ يهيس ومهندس شريف قالي لازم يتغير,بس لما عرفت الرقم(3300 جنيه) رحت مركز في سان ستيفانو بتاع صيانة فورد وجابولي الطقم وركبوه وخرطولي المارش عشان كان فيه مشكلة وغسلولي الموتور وركبولي لمبة قدام وعملو check على التيل.المهم دفعت 2800.
صحيح الرقم مش أقل كتير بس يشمل كذا حاجة.
مافيش أسبوعين وطلعلي مشكلة في الفرامل,لما بفرمل بيطلع صوت عجيب ناحية البدال مش ناحية التيل أو الطنابير,صوت تخبيط بدأ يزيد لحد ما طلعلي error في ABS,المهم رحت لمركز سان ستيفانو معرفوش يعملو حاجة وقالولي روحي التوكيل.
فأنا محتاجة رقم حد هناك عشان الصوت مخوفني أمشي بيها على الطريق.
وعندي سؤال:هو ممكن أشتري أنا قطع الغيار وفي التوكيل يركبوهم؟
أرجو الرد سريعاااا
تليفونات مرغماقتباس:
المشاركة الأصلية كتبت بواسطة esraa mousa
0185507000 - 0185508000 من الساعة 9 الى الساعة 5
بس مركز صيانة ايه اللى فى سان ستيفانو وبيشتغل فى الجراند بونتو ؟ اسمه ايه ومكانه فين بالظبط؟ وهل ياترى عندهم سكانر كمبيوتر للعربيات الفيات الجديدة ؟؟
شكرا جزيلا للرد السريع.
بالنسبة لمركز الصيانة اللي في سان ستيفانو,هو أمام سان ستيفانو الشارع اللي بتدخله من البحر مأجرين جراج جنب أبو عوض بيشتغلو فيه. هو أصلا لصيانة فورد بس بيجرب في أي عربية تانية بس لا أنصح بيه بالنسبة للفيات لأنهم مش فاهمين فيها ومعرفوش يشوفو الكمبيوتر بتاعها بالجهاز اللي معاهم.
ولكن للأمانة التعامل معاهم محترم وممكن تعمل عنده الحاجات العادية زي تغيير التيل والكلام دا.
فى ملف انا رافعه فى تفاصيل و اسعار كل صيانات الجراند من التوكيل و على حد علمى ان من 1 اكتوبر الفطيم خلاص اخد التوكيل كمان فى مركز صيانه كويس على كلام ناس كتير اعرفهم معاهم جراند بعد بنزينه الامارات الى قبل بوابه الصحراوى و عامل خصم كويس قوى للناس الى مشتركه فى الكلوب بتاع جراند بونتو
https://www.facebook.com/groups/GPEgyptClub/
كل الى معاه جراند او ايفو يشترك فى الكلوب ده بيجيبو عروض و خصومات ممتازه من مراكز الخدمه و محالات قطع الغاير زى الكيلانى و الاكسسورات
بالنسبة لموضوع طقم الدبرياج (على فرض ان العربية فتيس اوتو او دوال لوجيك)اقتباس:
المشاركة الأصلية كتبت بواسطة Esraa Mousa
من الممكن تغيير الطقم بره بس مش حايعيش كتير لان لازم يتعمل اعادة معايرة للطرمبة و الكنترول يونت بتاع الفتيس علشان يتظبط على الوضع الجديد .
=نقطة الفرامل دى اعتقد و الله اعلم ان ده brake switch عايز يتغير
حل حضرتك فى التوكيل
أنا رحت التوكيل والحمد لله مهندس شريف صراحة كان متعاون جدا.
في الأول صدمني وقالي حنغير ال ABS وحيتكلف 6000 جنيه ف بالمصنعية والضريبة حنوصل ل 7000 :crying2: ماكانش قدامي حل تاني لأني راكنة العربية بقالي 3 أسابيع فسبتله العربية وكنت حستلمها اليوم اللي بعده.
بس ربنا عالم بالحال ولله الحمد فكلمني م/شريف قالي عندي خبر حلو:احنا غيرنا ال ABS والمشكلة فضلت زي ماهي فعرفنا إن المشكلة حاجة تانية..(وعلى فكرة انتي كنتي حتدفعي 12000 مش 6000 لأن الطلمبة كانت حتتغير:S)
المشكلة طلعت في إني غيرت طقم الدبرياج برة التوكيل لأنهم مش فاهمين فيها طبعا عملو مصيبة,حطو شحم في ال bearing اللي هوا في العربية دي magnetic أصلا, فالشحم لخبط الدنيا في العجل عشان المغنطة انعدمت لما الشحم دخل وبالتالي أثر على ال ABS .
نصيحة...لو عندك جراند بونتو easy tronic إوعى تروح أي مكان غير التوكيل.دا لو المشكلة في الميكانيكا أو الكهربا أو الكنترول..أما الحاجات التانية زي الزيت والفلتر والسمكرة فابراحتكو .
أنا حستلم العربية انهاردة ان شاء الله بعد ما ال bearing اتنضف وحيغيرلي الديسك بتاع الفرامل وعمل calibration للدبرياج والحمد لله الموضوع حيتكلف حوالي 2000-2500 ان شاء الله...
شكرا لمساعدة الجميع
طب تمام و ان شاء الله كله يبقى تمام
بس بعد اذنك انا عايز اعرف ايه اللى اتغير فى الفرامل
و شكرا
الطنابير الأمامية والتيل الأمامي.
الف مبروك على سلامه السياره والحمد لله بسيطه وطبعا المهندس شريف حاجه تانيه وربنا يجزيه خيرااقتباس:
المشاركة الأصلية كتبت بواسطة esraa mousa