مساعدة في عمل طقم صوت لل128 بتاعتي

**hesham2060** · 03-03-2012 01:38 PM

السلام عليكم ورحمة الله وبركاته
احلي تحية لاحلي اعضاء وبالاخص قسم الصوتيات
مش حطول عليكوا انا عندي عربية 128 عزيزة عليا بتاعة والدي بقي الله يرحمه
المهم عندي كاسيت ميتسوبيشي صيني mc81 وسماعتين سوني اكسبلود 400 وات 3 واي لسة واحد صاحبي باعتهملي من السعودية
المهم السماعات صوتها نقي بس مش بتدي البيز المطلوب
المطلوب باختصار عشان مطولش علي حضراتكوا
1- عايز هيد يونيت كويسة بدل الصيني دي وفي حدود المعقول
2- عايز اجيب سماعات للابواب لان طبعا عزل ال 128 زبالة فلازم سماعات ابواب عشان اسمع كويس والصوت يتسمع صح من خلال بحثي عرفت ان السماعات السوني للابواب كويسة الي هي 3 واي
3- جي ام يقوم السماعات دي سيمفوني او كينود انا مش عارف
4- وده حلم انا ساعات كده بسمع عربيات بيبقي فيها بيز عميق كده الي هو بياخد قلبك وانت سامعه وتلاقيه ماشي عمال يرج ف الشقة والشارع مش الي هو الدب والرزع فاهمين قصدي اكيد هل انا ممكن يبقي عندي طب لو انا عايزاعمله اركب صب بقي او بازوكا او اتشقلب ؟؟
معلش طولت عليكوا يا رجالة

**Midooooooo** · 05-03-2012 09:53 AM

هتيجيب ياباشا بازوكا jbl وجى ام سيمفونى 640 4 تشانل توصل 2 تشانل على البازوكا و 2 تشانل على السماعتين السونى الى عندك وهتجيب سونى كومنبت للبابين وتوصلهم على الكاسيت واسمع احلى هبد المهم تركب كاسيت حلو وانا انصحك عشان ميزانية هات sony gt 500 ب 550 فوق الممتاز واى خدمات :D