الموضوع: تأمين شنطة العربية أعمل أيه؟

شنطة عربيتى أى مفتاح بيفتحها حتى لو ما دخلش المفتاح كلة أعمل أيه ؟
هل ممكن أغير الكالون بكالون جديد أفضل ؟؟ ولا فى طريقة أفضل أفيدونى أفادكم الله

تركيب قلب كلون
عن طريقة خلع قلب الكالون الروسى وتركيب قلب كالون 128 تركى -ولو فى ايطالى تمام
تركيب قربة سنتر بجانب كالون الشنطة من الداخل عن طريق الغاء قفل الشنطة واستبدالة بمكنة سنتر
تركب بجانب القفل من الداخل وفكرة عملها عن طريق ضغط الزرر الكهربى يشد السنتر سكاكة الكالون من الداخل فتفتح الشنطة -الصنايعى ركب مكان القلب القديم الى شغال واحد بايظ عشان الى يحط مفتاح
يلف على الفاضى
صورة مكنة السنتر -وعلى فكرة تمنها عند الصنايعى 25 ج وسعرها فى التوفيقة 17 ج
فرق توقيت هههههههه





وتركيب القلبين ل 2 باب تمنها 30ج

واجرة بتاع الابواب 20ج
تركيب القلبين و تركيب مكنة السنتر بجانب القفل من الداخل

بالشكل الاتى (هو شكل لباب اكسنت ولكنة اقرب الى الشرح



والكهرباء خد 10 ج وجبت لية سللك3 متر عشان يمد كهرباء من قفل الشنطة لغاية تحت الباب الشمال عند الدواسة كدة واشتريت مفتاح اسمة مفتاح او زرار سخان 8 ج
و على اساسة تم تحويل الشنطة لكى تفتح من الداخل بالزرار
فى المكان الاتى




هى بصراحة الحكاية ابتدا من سنة

شفتها فى عربية فيرنا وعجبتنى

واول ما قول الصنايعية اشتغلونى
الى قال 150 ج والى قال حاجة تمام تعمل 250ج
وتضحكوا لو عرفتوا ان الصنايعى الى راكبها فى الاول قالى 175 ج وعايزين تعديل يعملة السمكرى ههههههههه نصبينا ولاد تيتتتتتتتتتتتتتتت


انا شرحت الفكرة على قدما قدرت ممكن يكون شرح مش كويس لكن الى عايز اى استفسار انا تحت الامر
الصنايعى طلما انت فاهم تقدر تحرك بمزاجك وعلى قد الفلوس الى هتدفعها
يمكن دا يكون درس انا استفادة بعد اشتغالات كتير

يعنى المجمل
1- شراء 2 قلب كالون 128 يركب مكان قلب الروس (هتلقى المفتاح بتاعة محترم انظف من مفتاح العربية نفسة 2 سن يمين وشمال ) حوالى 30ج
2-شراء قربة سنتر حوالى 25 ج
3-شراء 3 متر سلك 2 ملى واحد مفتاح سخان (8+6) 15ج
4-اجر بتاع الابواب مون 20ج الى 30 جنية (واغلب بتوع الابوب هباشين )
5-اجر الكهربائى من 10 الى 20 جنية (اديتة 20 جنية عشان الشغل دا وشغل تانى فى العربية ودا السعر الى طلبة من بقة )
الاجمالى حوالى من 90 الى 120جنية

واعتقد انك كدة تكون مطمن

الكهربائى جنب البيت عندى
هو وبتاع الابواب وعلى فكرة بتاع الابواب
صنايعى شاطر ومش حراق عيبة انة دايمن مشغول
والسبت والاحد والاتنين اجازة عند الباشا
الصنايعية فى مدينة السلام
وانا شرحت الفكرة عشان الى عايزة يعملها عند صنايعة
جنبة وعارف يتوكل على الله