تفصيل كفر فتيس اللانوس ( بالصور)
بسم الله الرحمن الرحيم
اولا احب اشكر كل الناس اللى فى المنتدى هنا و بدعيلهم من قلبى يا رب يزيد من علمهم و يديهم على قد اعمالهم
طبعا انا بقالى كتير بدخل على المنتدى بستفيد بس و جه الوقت اللى قلت لازم افيد بقى
فقلت اعمل موضوع جلد الفتيس استكمالا لما بدأه استاذنا طارق و ابدا من مكان ما هو انتهى
و لازم طبعا نقرا موضوعه كويس جدا علشان نعرف ازاى بنفك الفريم و نستفيد قبل ما نخش فى التفصيل
http://www.nilemotors.net/Nile/249791-a.html
و نبدا و نقول بسم الله
اولا الادوات
1-الجلد نفسه : انا عن نفسى مركب فرش جاد فبييجى معاه 4 كفرات لمسند الراس و احنا عندنا فى اللانوس 2 بس و بكده بقى عندى 2 مش محتاجهم اجنا هنا هنحتاج 1 منهم بس
و لو معندكش 0.5 متر من اى نوع جلد هيفى بالغرض
2- افيز بلاستك من اللى بيثبت الطاسات فى العجل
3- دباسه بصحه جيده
4- مكنه خياطه لو وجدت
ثانيا الطريقه
1 هتقطع من الجلد المسافات دى و الموجوده على الصوره و نخلى بالنا انه المسافات دى كبر بحوالى 1.5 سم علشان نشتغل براحتنا
http://img703.imageshack.us/img703/504/photo0276d.jpg]
و بعد ما تركب و تمام المفروض انه يبقى كده
http://img13.imageshack.us/img13/872/20120301c.jpg
http://img197.imageshack.us/img197/8083/photo0275t.jpg
لو سيادتك معندكش مكنه خياطه هتخيط بابره و فتله عاادى خالص و تخلص و لما تخلصها بالابره تنزل على اى واحد بيصلح احذيه و تديهاله هيخيطهالك فى 3 دقايق و تديله 2 جنيه حلو اوى
انما بقى لو سيادتك عايز تعمل زيى و تعملها فى البيت و توفر ال 2 جنيه هههههههههههه :vctry:
هتعمل زى الصور كده
اول حاجه هتخيط واحده صغيره مع واحده كبيره و بعد كده جمب الكبيره خيط الصغيره فالكبيره
http://img857.imageshack.us/img857/6919/photo0279.jpg
http://img543.imageshack.us/img543/8334/photo0280j.jpg
و نخلى بالنا منضيقش الخياطه اوى نحاول نوسعها على قد ما نقدر علشان لو وسعت فى ايدينا نضيقها انما لو اضيقت هنغلب نفسنا
المهم بعد ما نخيط الاربع حتت و قبل ما نقفل اخر حته هنعمل الاول السفل اللى بيخش فيه الافيز و ده حوالى 1 سم و نخيط
http://img706.imageshack.us/img706/4659/photo0282ap.jpg
و بعد كده نخيط اخر حته
نيجى بقى للقديم نبدا نفك الدبابيس اللى فى الكفر علشان نطلع الجلد القديم
http://img259.imageshack.us/img259/6389/photo0286u.jpg
http://img853.imageshack.us/img853/5927/photo0287w.jpg
نشد بقى الجلد القديم
و هوبا هنلاقى البلاستيكه السودا دى طلعتلنا
http://img854.imageshack.us/img854/2449/photo0290p.jpg
http://img404.imageshack.us/img404/9084/photo0288h.jpg
نقيس الكفر ( الجديد ) فى البلاستيكه دى
لو طلع مقاسه مظبوط و داخل بالظبط يبقى تمام :vctry:
لو لا يبقى نضيق الخياطه فى الحته اللى مش مظبوطه على حرف الفريم البلاستيك لغايه ما يتظبط
و بعد كده نبدا ندبس بالدباسه على الفريم من تحت
و حط يا معلم دبابيس على قد ما تقدر :wink01:
و هتلاقيه بقى كده فى الاخر
http://img823.imageshack.us/img823/5546/photo0291oh.jpg
بس تقول الحمد لله و تقوم تصلى ركعتين شكر لله:36_2_46[1]:
و تنزل تركبه فى العربيه
و طريقه تركيبه مشروحه فو اللينك الاولانى بتاع الاستاذ طارق و انا اكيد مش هعرف اشرح احسن منه
و ادى اللينك اهو علشان لو حد مكسل يطلع فوق
http://www.nilemotors.net/Nile/249791-a.html
و دى كانت نهايه فيلم صراع فى الفتيس
اتمنى ان اكون افدت و لو 1 % منكم
و اوجه الشكر لاسره نايل موتورز كلها و خصوصا اساتذه الدايو اللى بجد لو مكانوش موجودين مش عارف كنت هبقى فين دلوقتى
و اوجه الشكر لاستاذ طارق مفجر الفكره فى دماغى :chirol_bak1:
مع السلام عليكم
اخوكم
م / مصطفى عمار