ازيكم
عاملين ايه
واحشنى

دى البداية العادية للموضوع

الموضوع بقى عبارة عن ايه

بقالى كام يوم او كام شهر باسمع صوت حكة ناحية الكاتينه
لغاية لأول مرة النهارده بافتح الكبوت
الاقى خير اللهم ما اجعله خير
الكاتينه مرحلة لغاية اخر الترس ناحية الموتور
و فضلت تقطع فى البلاستيك بتاع العلبة لغاية ما حفرته خالص
يعنى السير مش فى مكانه على طمبورة الكامة
لأ مرحل لورا
مرحل من على طرمبة المية
و على البلية
وراجع لغاية الموتور
ولولا الموتور نفسه اعتقد كان طلع من مكانه
انا اول مره اشوف العيب ده
انا شفتها بترخى
سير يتقطع
سير ينطر من مكانه
انما سير يرجع لورا
دى جديده
طبعاً العلبة بقت شخليله
و صوت الحكه بقى جميل قوى
و ده غير ان العلبة بقت قطع منفصله عن بعضها
انا مش عارف ايه اللى مرحلها كده
طبعاً لعبتها كل الألعاب
و طلعتها بره
و ادور ترجع مكانها تانى
انا هاشوف الميكانيكى لما افضى
بس قلت يمكن حصلت مع حد تانى