عامه محركات بى إم دبليو و تقدر تقول كثير غيرها من السيارات المحركات مش بتكون بالضبط 1600 - 1800 إلخ...
E46 318i 1999 - 2001 المحرك الموجود بها اسمه M43TUB19 بسعة 1895 سى سى
BMW E46 2002 - 2006 بها محركين لكنهما نفس شكل البلوك و السعه و هم على التوالى N42B20 و N46B20 بسعة 1995 سى سى
و طبعا موديلات 2002 - 2005 فى فئة ال E46 أفضل من موديلات 1999 - 2001 من حيث الكفاءه فى المحركات و من حيث الإمكانيات الزياده, مثل عجلة القياده المتعددة الوظائف و خاصية مثبت السرعه, و اختلافات فى شكل الأكصدامات و هيكل الفانوس الأمامى, و شكل الفانوس الخلفى, و حجم الجنوط الزياده 1 بوصه عن موديلات 1999 - 2001 و اللى بيكون الجنط الأصلى فيها 15 بوصه. و طبعا المحرك فى موديلات 2002 - 2005 بيكون 143 حصان عكس اللى قبله فى موديلات 1999 - 2001 و اللى بيكون 118 حصان و عزمه أفضل 200 نيوتن عن ايضا مويلات 1999 - 2001 اللى بيكون 180 نيوتن و اعتقد ايضا فى استهلاك البنزين
هنا بقى تبعد عن سيارات ملاكها بيطلقوا عليها E46 318i 2002 بيزلاين كلاسيك لأنها 100% طبق الأصل موديل 2001 إلا إنها قد تكون سلمت بالتوكيل متأخر و رخصت على إنها موديل 2002
اما فى موديلات ال E46 318i 2002 - 2005 هتجد فئتين فئة البيزلاين و فئة الهاى لاين و الفرق الجوهرى بينهم هو إن الهاى لاين فيها فتحة سقف, إنما كل الأمكانيات بالسيارتين 100% نفسها لكن فى اختلافات بسيطه فى مثلا لون فانوس الأشاره فى الفانوس الأمامى بدل الأبيض بيكون برتقالى و العكس, تغير بسيط فى شكل الأكصدامات, شكل جنوط مختلف, شكل عجلة قياه متعددة الوظائف أشياء كلها شكليه لكن الأمكانيات واحد, محرك واحد
المفضلات