الموضوع: استهلاك عربيتى الصنى فى 100 كيلو

المشاركة الأصلية كتبت بواسطة sonasteel

ماشاء الله تبارك الله
ربنا يباركلك فيها
وده اللي بنقوله بقالنا زمن الا الاسنهلاك بيفرق علي حسب الطريق والاستخدام واسلوب السواقه
وحضرتك بتقول مطبات كتير ........ يعني يا اما كنت بتهدي او تقف تاخد المطب فبتستهلك بنزين زيادة علشان تقوم وزن العربية يعتبر من الثبات
لكن لو كان طوالي وبالشكل ده ......... اعتقد كانت هاتفرق معك مش بنسبة كبيرة بس كان الاستهلاك يبقي احسن بكتير
طبعا الاستهلاك ده يتلف لفة هدايا كده وتتفضل مشكورا تحطه في الموضوع ده علشان نقدر نفيد بيه عدد أكبر من الصقور :))

http://www.nilemotors.net/nile/227761-180.html

اقعد بألـــف عافية :))

الله يبارك فيك
هو فعلا زى ما حضرتك وضحت ان المطبات كانت بتفرق عشان كل شوية بطلع من الثبات و كمان لو تيار الهوا كان معايا كانت هتفرق برضو.... ملحوظة انا عامل ضغط الكاوتش على 36 و 33 نيتروجين
و على فكرة كمان انا كنت عامل مشاركة فى اللينك الى حضرتك كاتبه و كنت عامل 230 ك فى الصفيحة بس بسرعة لا تقل عن 120 و لا تزيد عن 160 و على نفس الطريق برضو
و شكرا لحضرتك

المشاركة الأصلية كتبت بواسطة ahmed.tv

ما لو الناس تسمع وتقرا .. كانوا صدقوا من زمان
اسلوب السواقة بيفرق جدا .. وكمان ولا واحد من اللى نبهنا عليهم بيسوق على الطوالى 90 او مش بيعدى ال100 .. ونقلات الاربى ام بتعته اقل من 3000 .. فعشان كدا كانت القراءات غريبة وعالية

والراجل صاحب الموضوع والعربية .. نفذ الصح ..

بسم الله ماشاء الله وربنا يحرسك من العين والحسد .. وربنا يعطيك خيرها ويكفيك شرها

تحياتى

الف شكر يا استاذ احمد
و تحياتى لحضرتك
مايكل

مبروك على العربية وربنا يديك خيرها ويكفيك شرها .. والاستهلاك بتاعها كده يبقى بسم الله ماشاء الله جميل اوى

المشاركة الأصلية كتبت بواسطة PeaceMan

الله ينور يا مايكل .. فعلا الالتزام بنصائح القيادة الهادئة اكيد هيعطي نتائج مبهرة في استهلاك البنزين

شكرا يا بيشوى....و يارب الواحد يعرف يمسك نفسه على الجرى كده على طول

المشاركة الأصلية كتبت بواسطة zangry

مبروك على العربية وربنا يديك خيرها ويكفيك شرها .. والاستهلاك بتاعها كده يبقى بسم الله ماشاء الله جميل اوى

الله يبارك فيك...و شكرا يا جميل