الموضوع: لانسر بومة 2012 ولا سيراتو

المشاركة الأصلية كتبت بواسطة Dawns_Mist

مع حبي و احترامي و تقديري ليك يا أحمد .. و انت عارف إني مش بتريق والله و إني بقول عليك من زمان راجل محترم ... بس الفيديوهات دي عفوا تثبت العكس تماما يا أحمد باشا ..

انت بتقولي واخد الانسر في ظهرك طول الطريق لحد الـ 170 و بتاع البومة اللي قدامك هو اللي قفل عليك ولولا كده كنت هتزحف 2 بومة وراك ..

راوند 1 ... البومة راكبين 2 .. اليارس راكب واحد .. بداية من الـ 70 كم / س .... البومة ولا مرة جت ولا ظهرك يا أفندم البومة كانت جنبك بفرق الكبوت بس و عدت منك في النهاية

يا كبير حتى لو طالع منه بنص كبوت برضوا اسمه جاري ورايا ومش عارف يعديني ! ولما عدى في النهاية معدي بعد ال 170 ! ماتنساش انا 1.3 ! يعني مش مطلوب مني اجريه ورايا اكتر من كدة

برضه على السرعة العالية .. و البومة اللي قدامك انت أصلا ماكنتش عارف تقرب من الشنطة بتاعته و عربيتك كانت خلاص بتموت

شوف اول مالبومة التانية جت قدامي وعدتني من الشمال كان الفرق او المسافة بيني وبين شنطتها قد ايه ! ؟ ؟ ولما خدت انا الشمال عشان اطلع منه كان المسافة بيني وبين شطنتها قد ايه ؟ ؟ معنى ان المسافة بيني وبينه قلت << ان الAccleration بتاعي افضل منه ولا ايه ؟ ؟ على الاقل في رنج 140-165 ! بعدها بدأ يفرق

و البومة التانية عدت منك في النهاية برضه و أصبح المشهد الأخير 2 بومة قدامك و انت اللي في ظهرهم بفرق لا يقل عن 50 متر .. و البومة اللي كانت قدامك عمرها ما قفلت عليك أبدا .. و ماعتقدش إن ده كان واحد بيسخن معاكم ولا غيره ده راجل ماشي في طريقه عادي في حاره واحده و عمره ما غير حارته !!!

صحيح 2 بومة قدامي وانا اللى وراهم بس الكلام ده بعد ايه ؟ ؟ بعد 170 ؟ ؟ طب قبلها الكلام كان فيه ايه ؟ ؟ متنساش يا كبير انا 1.3 ! وانت كدة بتتكلم في Top Speed ! ! ؟ انت لو كنت شفت البومة التانية بعد لما عدو هما الاتنين والكام غرزة اللى خدهم كنت هتعرف انه واحد سخنان ! الى غير انه قلبلبنا اشارات ولا انت ماخدش بالك منها في الفيديو ؟ ؟

راوند 2 ... البومة فضلت جنبك برضه أول ما بدأتم لحد مانت عديت من جنب الميكروباص فكان لازم بتاع البومة يهدي علشان الميكروباص .. بالتالي ده لا يعد دراج عادل أبدا لإنك كده كنت هتلبس البومة في الميكروباص و جاي تقولي إنك بتعدي منها !!!

btw: رواند 2 التصوير كان من داخل البومة ! ! مش من عربيتي وانا لما الوزن كان عندي عربيتي ماتت خالص ! عشان الواحد يقول الحق برضوا

عموما الفيديو موجود و ياريت أسمع تعليقات باقية الشباب عليه ... و في الأول و في الآخر أنا رديت عليك في المشاركة اللي فاتت و مش فارق معايا انت عديت منها ولا ماعدتش منها .. عربيتي بعد 6 سنين هلك و عدادها دلوقتي عامل 140 ألف كيلو و من غير أي تعديل بتجيب الـ 100 كم / س في 9 ثواني لحد النهارده ... بالتالي انت مش بتكلمني عن عربية غريبة عليا و أنا قتلت موضوع سحب العربيات الشعبية الي في مصر دي بحثا لإني مهندس الميكانيكا و كنت في مرسيدس المعادي و مركز صيانة كيا في كفر الزيات و جربت كل العربيات الشعبية اللي في مصر كلها بنفسي ... و انا مش بقول على البومة عربية مالهاش حل .. لا دي عربية كمالياتها قليلة جدا ، ثباتها كويس لكن مش واو يعني ، فراملها كويسه لكن على قوة موتورها كانت لازم تبقى أقوى من كده ... فأنا بحاول أكون منصف ... الياريس بسوقها بقالي 4 سنين و سوقت أكتر من ياريس و عارف آخرها .. و السيراتو سافرت بيها كتير والله و برضه عارف آخرها .. و بقول لكل عربية حقها على قد ماقدر بدون تحيز .. ولو كلامي يا جماعة مش عاجبكم فانا متأسف و ده مجرد رأي مش ملزم لأي حد .. و أعتقد كفاية أوي كده على المقارنة دي ..

انا مش بدخل الياريس في الموضوع / الموضوع اصلا عن السيراتو والبومة

لكن اللى انا عملته مع البومة ! حتى لو فرق نص كبوت لحد 170 بعدها طلع مني ! مقدرش اعمله مع السيراتو على اي سرعة ! سواء سيراتو 4 نقلات او 6 نقلات !

عشان كدة Unfair ابدا انك تقول ان البومة افضل من السيراتو في التسارع وبفرق كمان

المشاركة الأصلية كتبت بواسطة Dawns_Mist

ابقى اعمل فيديو من الثبات على طريق فاضي خالص يا أحمد بين البومة و الياريس .. بس من الثبات مدام انت مقتنع إن الياريس في الربنج قبل 120 أحسن و اعمل بيه موضوع مستقل خالص في قسم المقارنات هنا علشان بس مانشتتش الناس في الموضوع ده ..

انا مش بقول الياريس احسن قبل ال 120 ! بالعكس ده طلع مني بنص كبوت عند ال 120 ! بس انا بقول اني احسن على الاقل لحد 160/170 ! ودلوقتي بعد ال Exhaust اعتقد ان البومة هتفضل ورايا لحد ماقفل عدادي على الاقل بفرق عربية !

سعت الفيديو ده انا كنت معدل في ال Intake بتاع العربية عندي ! مركبلها K&N Induction kit ! فلتر اسبور مع المسورة وال Adapter بتوعو short ram Setup

انا دلوقتي معدل في ال Induction / Exhaust بتاع العربية ! فلو شديت مع البومة تاني مش هتشوفني على اي سرعة

حبيبي والله واسف على التدخل يا كبير بس انا السيراتو دي بحترمها جدا على فكرة وبحس الناس واخدة عنها فكرة مش صح ماتفهمش تحس ان ليها اعداء ؟؟ ! ! فعشان كدة تلاقيني دايما في اي موضوع ليه علاقة بيها