انا بحط لعربيتي فيسكو 5000 و منقصش نهائيا و بغيره كل 10 ال 12 الف كيلومتر
عرض للطباعة
انا بحط لعربيتي فيسكو 5000 و منقصش نهائيا و بغيره كل 10 ال 12 الف كيلومتر
معلش ياباشا, بس الكلام ده مش منطقى؟؟!!! :alien42:
يعنى الزيت الـSemi-Synthetic/الـSynthetic-Based.. اللى هو بالأساس Mineral-Oil أو زيت معدنى عليه جزء صغير تخليقى (لا يتعدى 30% فـ أفضل الأنواع)..
هيبقى أفضل من الزيت الـFully-Synthetic أو التخليقى اللى عليه PAO/Esters بنسب كبيرة..؟؟!!! :dribble:
وكمااااااااااااان المعدنى أفضل فى Thermal-degradation/Oxidation من التخليقى (لأنه بيقعد فترات أطول زى ماحضرتك بتقول)..؟؟؟!!
طب أزااااااااااااااااااى؟؟؟!! !!!! أقنعنى يا باشا.
ولو أنى متفق معاك فـ جزئية: انه يفضل تغيير الزيت على فترات متقاربة (قبل ميعاده).. :S_thum1[1]:
وأنا عن نفسى بحط زيت Fully-Synthetic وبغيره كل 5000-6000 كم (غيار بين كل صيانتين فـ التوكيل 10000)..
بس مختلف طبعا فـ نوعية الزيت.. الـSynthetic قطعا أفضل وبيقعد فترات أطول من الـMineral
Regards,
لا لأ, الكلام ده عشان الموتور تربو, وكمان أنا مهسس شوية فـ موضوع الزيت ده.. هههههههههههههه :grin54::grin54:
بص ياباشا,
هو طبعا فترات التشغيل بتختلف حسب:
- الموتور أولا.. فيه مواتير عصبية وليها قابلية للـRevving, أو مشحونة جبريا.. etc. أكيد دى يفضل تغيير الزيت على فترات قريبة.
- طريقة السواقة وظروف التشغيل.. سواقة Spirited وشد وحرق, تراب وجو حر.. كده.
- نوع الزيت وتركيبه: ودى قولتها فـ الآخر (مع انها عامل مهم), على افتراض ان معظم الماركات الـFully-Synthetic بتبقى عالية, والفروق بينها مش كبيرة.
لكن للأسف, فـ مصر فيه فروق شاسعة بين الزيوت التخليقية وبعضها, الشيل أفضل من الموبيل.. ودلوقتى الشائع ان الـLiquiMoly والـValvoline أفضل من الـ2.. :dribble:
فـ عشان مادخلش فـ الـdilemma دى..
أنا بحط نوع Fully-Synthetic درجته 5w-40 زى المانيوال ما بيقول.. وبنزله كل 5000 كم, منعا للمشاكل.
بس أنا مش بعمل كيلوات كتير, ومشاويرى صغيرة.. فـ ده ممكن يكلفنى فـ السنة كلها جركن 4 لتر (260 جنيه).. مثلا.
لكن فيه ناس بتعمل 30 و40 ألف كم فـ السنة (أو أكثر), ده ماينفعش يغير كل 5000.. ولااااااااااازم يستخدم زيت يقعد الـ10000 كم كلهم,
وفيه حاجات 12000-18000 كم كمان, بس درجات لزوجة عالية عن الـSpec'ed عندى.
أنا اسف يا باشا - بس يوجد فرق بين الحقيقة وبين الوضع في مصر - الحقيقة ان طبعا ال Fully-Synthetic أفضل بكثير من الـSynthetic-Based والاخير افضل بكثير من Mineral فهذا شئ مفروغ منه - بس الراجل قصده ان الوضع في مصر مختلف لانه معروف طبعا مدي الغش المنتشر في مصر حتي ماء الحنفية لازم تحلله قبل الاستخدام وكذلك الهواء والجديد الان الكلام ايضا لازم تحلله وتعمله فلترة قبل ما تسمعه ؟! ههههه - المهم ان في مصر وحيث ان كل شئ مغشوش (او قيد الانتظار للغش ) فان الغشاش من المجدي له غش الFully-Synthetic لانه هيحقق فرق سعر كبير لكن غش الMineral مش مجدي له الان لانخفاض فرق السعر(وبعدين هيحط مكانه ايه بشرط عدم الاكتشاف الفوري للغش ) يوجد احتمال 90% أن التصنيعي الذي تشتريه محطوط مكانه أسوأ أنواع المعدني - ونقطة أخيرة ان جميع الزيوت في مصر التصنيعية ( بيقولوا عليها تخليقية بس انا لا احب استخدام هذا اللفظ ) ليست Fully-Synthetic وانما Synthetic-Based -تقبل تحياتي
بغض النظر اني مش فاهم في الزيوت وايه التخليقي وايه المعدني وايه الفرق الجوهري بينهم ف بالتالي مش فاهم نص كلام معاليك
انا واحد من الناس كنت بستعمل موبيل لان التوكيل كان بيتعامل مع موبيل ده توكيل هيونداي في 2006
بالرغم من ان هيونداي بتنصح ب شل وفي امريكا بتنصح ب زيت اسمه حاجه كواتر تقريبا
قعد سنه بتحول بين 5 ل 10 الف في موبيل مع التوكيل وطبعا لاني مكنش ليا خبره ومكنتش بحب اجازف كتير برا ف مكنتش حاسس ان موبيل وحش بالاضافه الي ان الزيت مش بينزل قدامي ف مش شايف حاجه
في يوم من الايام دخلت التوكيل لقيت مفيش ولا يافطه موبيل وكله بقى الشل سالت المهندس قالي موبيل بيستهبلوا معاهم في الطلبيات راحوا قالبين ل شيل وتعاملت مع شيل ال 5 و ال 10 لقيت فعلا الفرق المهول الي بين الاتنين في الصوت والسحب ولما بطلت اتعامل مع التوكيل عرفت برضو الفرق فعلا زيت ال 10 بينزل محروق وهو تمنه فوق ال 220 جنيه وموبيل تقريبا ب 260
زيوت ال 5 عموما بتكمل المسافه مستريحه وبتنزل كويسه يبقى بالبلدي كده مين احسن؟؟؟
لو في مصر الزيوت مغشوشه ممكن يبقى هو ده السبب
انا والدي عايش في الامارات وكل انواع الزيوت الجديده دي وزيوت ال 20 الف والكلام ده الي لسه نازل هنا نازل برا من 7 سنين على الاقل وناس كتير صحابه استخدموه وهوه كمان استخدم حاجات كتير بس في النهايه برضو نفس النتيجه زيوت ال 5 الف هما الافضل
وحتى لو الزيوت دي موبيل 1 وشل الترا خصائصهم افضل برضو اكيد بيفقدوا معظم خصائصهم والا مكانوش نزلوا على 7 و8 الف محروق
كاسترول ايدج
بيعد 15 و بنزله 16 او 17 بيزود على 7 او 8
زيت جبار
دى تالت مره احطه
يعنى تقريبا ماشى عليه حاجه و تلتين الف
ينصح به لفولكس
موبل زباله
اصل فيه مشاركات بتقول ان الزيت لم ينقص نهائى ودة الى مخلينى محتار من نقص ربع كيلو بعد 5000 كيلو مع ان الماتور عندى زى الفل والشكمان ما فيش فيه اى رواسب للزيت
+1
متفق معاك, لأن معظم دول العالم (وأمريكا ومواصفة الـAPI) معندهاش Regulations تقول ان كلمة Fully-Synthetic دى تتقال على الزيوت اللى تركيبها بالكامل Group IV/V (أو PAO/Esters).. هى ألمانيا بس؟؟!!!
لكن ده لا يمنع ان الـMineral-Oil اللى موجود فيها (بنسبة طبعا) بيبقى Hydro-Cracked/Processed,
مش زى الزيوت الـ5000 اللى بتتكلموا فيها.. زيت بارافين وشششششش..؟؟؟!!
+111
تمام, تفتكر الـ5000 ممكن يقعد نفس الفترة دى؟؟؟!!!
بس أنا متفق معاكم ان فعلا الزيوت فـ مصر بقت مضروبة, عشان كده الناس بتحاول تشوف زيت مستورد زى الـLiqui-Moly والـCastrol..!!
عايز بس أضيف حاجة, بالنسبة للموبيل1:
من كام سنة كان بيتقال ان موبيل1 (فـ مصر), و موبيل, Motul/Chevron (فـ أمريكا, أوروبا).. هما الزيوت الوحيدة فـ العالم اللى تركيبهم Group IV/V يعنى تخليقية بالكامل..؟؟!!!
من فترة قريبة, موبيل أعلنت انها عملت Re-Formulation للتركيبة بتاعتها..؟؟؟!! :alien29:
كده شكرا, معروف اللى اتغير طبعا, صباح الـGroup III اللى بقت نسبتها أكبر من 70% من الموبيل (والشيل كمان) iirc. :dirol:
السلام عليكم ورحمة الله وبركاته
المناقشات جميله وحلوه ومفيده جداً
بس الواحد عايز يرسى على نوع معين ويكون افضل الوحشين فى الزيت لان كدا الواحد حصل عنده نوع من البلبه كل مايقرب يقتنع بنوووع تطلع أراء تهد إقتناعه بيه يرجع للوسوسه من جديد
فارجو التوصل الى حل فى هذا الموضوع وتريتب الزيوت حسب الافضيله والكفاءه فى التشفيل وليس حسب الاسماء والشركات التابعه لهم
ولكم منى كل الود والاحترام
انا بفكر اجرب الفالفوين المرة دى بس مش عارف اراء الناس اللى جربته ايه
وانا برده هجرب فالفولين واقلكوا رائى ايه فيه
متابع باهتمام
مولى كويس بقاله 5000 عندى ونقص ربع كيلو وزودته بس انا بحرق كتير ممكن يكون دة السبب-انا من الناس الى بتطلع قرفها فى العربيه-- اللون ممتاز والزوجه ممتازة وصوت الماتور زى مكنت لسه مغيرة
انا كمان لسه مغير الي لوكي مولي من حوالي 1000 كيلو تقريبا
و فعلا اول ملاحظه هدوء صوت العربيه و تحسن التسارع خصوصا من بنزين كويس
و اصلا العربيه كان فيها زيت نظيف و هو Gulf و كنت جايبه من بره و برضه حسيت بفرق
بالنسبه للناس اللي الزيت نقص منهم
كنتم حاطين انهي نوع من لوكي مولي
و هل متاكدين انه درجه اللزوجه بتاعته متوافقه مع العربيات بتاعتكم و لا لا ؟؟
أنا أقولك,
Castrol Edge Sport; 10w-60
أو ....l Helix Ultra Racing 10w-60
مفيش 5w-40/50 هيستحمل "سواقتك" يا معلم أكثر من 5000-7000 كم..؟؟!!! :glasses18:
وكده كده احنا داخلين عـ الصيف, يعنى الـCold-Start مش هتبقى مشكلة..
هتقولى الـrecommended لمواتير الـT-JET زيت 5w-40,
هقولك فيات بتـrecommend زيوت Selenia Racing 10w-50 للأبارث..؟؟؟!!
وانت موتورك مش ستوك..
أعتقد ينفع للأبارثات الـT-JET وماينفعش للملتى-أير تربو أبارث. :cool (1):
الكاسترول ايدج سبورت ثمنه حوالى 365-385 جنيه, والشيل الترا راسينج بـ400 جنيه iirc
بس بيقعدوا فـ المواتير الـN/A من 18000-25000 كم.. المفروض.
Edit: فى مواتير الـM3/// سواء الـE46 التربو, أو الـE90/92 الـHigh-Revving الكاسترول بيقعد 12000 ميل (18000 كم)..؟؟؟!! :verygood:
انا عن نفسى جربت ليكوى مولى اخر مرة في الميجان و عايز اقول انها كانت اكبر غلطة و أغبى قرار انا خدته و هو زيت اقل ما يقال عنه انه ........... و معتقدش انه يستحمل ابدااااا ال 10000 كيلو
انا فعلا اول ما حطيته حسيت بشوية نعومة و بدات تختفى سريعا النعومة دى يعنى تف\قريبا قبل 5000 كيلو رغم انى حاطط الزيت اللى المفروض يعدى ال 20000 كيلو على حسب كلام الموزع اللى هنا في اسكندرية اللى عند الحرفيين و انا طبعا قلت انا هنزله قبلها بعشرة الاف يعنى هنزله لسه جديد
المهم انى بعد حوالى 7000 كيلو و جيت ادور العربية و بقيت بسمع صوت جرار عند بداية الدوارة و اللى بيختفى في ثوانى بعدها و العربية تبقى تمام و ده بيحصل فقط لما تكون العربية باردة المهم رحت كشفت على العربية فقالولى يبقى ده صوت ترس حاجة كده في الموتور و ده عمره الافتراضى و كلام من ده كتير و خلاص اقتنعت انى هغيره على الصيانة و طلع ب 1400 جنيه و قالولى هو مفيهوش اى مشكلة انك تمشى بيه كده لغاية الصيانة لانه مش بيظهر الا لما تكون العربية باردة فقط
و استنيت كمان 3000 كيلو و بسمع صوت بيخلينى اكره ادور العربية لما تكون بارده لانها فعلا كانك بتدور جرار و بعد ثوانى يختفى الصوت و جه ميعاد الصيانة و قلت بلاش ليكوى مولى و اجرب mobil لأنى كنت دايما بستخدم موبيل في التويوتا و عمره ما عمل معايا اى مشكلة و بغيره بحسن نيه انى اشوف هحس بفرق ولا لا عن ليكوى مولى .... المهم بعد تغيير الزيت و عمل الصيانة و دورت و مكانش فيه الصوت الغريب بتاع الدوارة و روحت و ركنتها في الجراج و جيت اخرج بعدها ب 5 ساعات يعنى العربية باردة تماما و متوقع طبعا الصوت الجميل اللى كان بيطلع لو اتركنت ساعة واحدة بس و لكن ملقيتش اى صوت و لا اى مشكلة و رحت قعدت على كافيه و سبتها ساعتين او اكتر و برضه دورت و مفيش اى مشكلة ....
الخلاصة ان دى اول مرة احط فيها البتاع ده اللى اسمه ليكوى مولى و كانت تجربة اقل ما يقال عنها انها اسوأ تجربة ليا مع زيت و استحالة احطه تانى في اى عربية و طبعا انا متأكد ان العيب من الزيت لان الصوت كان بيظهر فقط و هيا بارده و ده معناه حاجة في اللزوجة بتاعته رغم انى واخد اغلى واحد و المفروض يقعد اكتر من 20000 كيلو و هو مكملش حتى ال 10000 كيلو
ولله مش عارف هو الزيت ده لدرجة الحراره العا ليه أكتر بس البرد الي في مصر لا يقار ن مع بره يعني بره لما تكون درجه الحراره تحت الصفر كنت بـشغل العربيه بالريموت وبعد ربع ساعه على الاقل أنزل علشان أعرف اشيل التلج من على الزجاج بس المهم شكلك انته الي مركز مع العربيه زياده عن الزوم فكرتني ايام 131 كانت بتعمل اصوات من العفشه ولما طلع معايا العفشجي قلي يا بيه انت الي مركز زياده عن الزوم على الكاسيت شويه :M_yes[1]:
أنا حطيته من أسبوع ولا حسيت بنعومة ولا شىء و صوت الموتور بينعر جدا عن الموبيل xhp يمكن عربيتى قديمة شوية بس فعلا مايستهلش الدعاية اللى عليه دى بالمرة. و زاد الطين بله ان العربية عندى كانت بتهرب ميه كل شوية و كنت مكسل أصلحها و فى مرة على الدائرى الميه نقصت جامد و الحرارة عليت. طفيت العربية و مليتها ميه و من بعدها حاسس أن الزيت لزوجته مش قد كده و صوت الموتور عالى. أنا حروح أصلح عيب الميه و حغير الزيت للفيسكو 5000 اللى جربته من شهر فى عربية المدام و زى الفل بالرغم أنه مش مشهور هنا فى المنتدى.
و فعلا مش كل حاجة يبقى ليها دعاية جامدة فى المنتدى تبقى كويسة لكل الأعضاء.(على فكرة أنا كنت حاطط النوع العضوى كان اسمه على ما أتذكر super formula يمكن باقى الأنواع أفضل. العلم عند الله)
صديق ليا من داخل exxon mobil يؤكد ان mobil ردئ , و لا ينصح به
قال لى castrol و valvoline و ....l ultra و total غير كده بتبوظ عربيتك
أنا عامل بالكاسترول ماجناتيك حوالي 3000 كيلو
الزيت ممتاذ ومش شايف فيه مشكله
بالعكس الموتور صوته هادي جدا"
اخويا كان بيغير زيت وقولتله يغير لقالفولين
بيقولى الزيت حكايه وخلى صوت المتور ملوش صوت بمعنى اصح هدى اوى عن الاول
العربيه موديل 2009 وعلمله عدد كم كبير اوى