اقتباس المشاركة الأصلية كتبت بواسطة Ahmazong مشاهدة المشاركة
ياااااااااه 5000 أو 6000 !!!!!!!!!!!!!!!
ده إنت كده بتنزل الزيت بدري قوي قوي قوي ..
هل الكلام ده على كل انواع الزيوت ؟؟ ولا لو حطيت ليكوي مولي ممكن تغير رأيك عن 5000 دول !!!
لا لأ, الكلام ده عشان الموتور تربو, وكمان أنا مهسس شوية فـ موضوع الزيت ده.. هههههههههههههه
بص ياباشا,
هو طبعا فترات التشغيل بتختلف حسب:
- الموتور أولا.. فيه مواتير عصبية وليها قابلية للـRevving, أو مشحونة جبريا.. etc. أكيد دى يفضل تغيير الزيت على فترات قريبة.
- طريقة السواقة وظروف التشغيل.. سواقة Spirited وشد وحرق, تراب وجو حر.. كده.
- نوع الزيت وتركيبه: ودى قولتها فـ الآخر (مع انها عامل مهم), على افتراض ان معظم الماركات الـFully-Synthetic بتبقى عالية, والفروق بينها مش كبيرة.

لكن للأسف, فـ مصر فيه فروق شاسعة بين الزيوت التخليقية وبعضها, الشيل أفضل من الموبيل.. ودلوقتى الشائع ان الـLiquiMoly والـValvoline أفضل من الـ2..

فـ عشان مادخلش فـ الـdilemma دى..
أنا بحط نوع Fully-Synthetic درجته 5w-40 زى المانيوال ما بيقول.. وبنزله كل 5000 كم, منعا للمشاكل.
بس أنا مش بعمل كيلوات كتير, ومشاويرى صغيرة.. فـ ده ممكن يكلفنى فـ السنة كلها جركن 4 لتر (260 جنيه).. مثلا.
لكن فيه ناس بتعمل 30 و40 ألف كم فـ السنة (أو أكثر), ده ماينفعش يغير كل 5000.. ولااااااااااازم يستخدم زيت يقعد الـ10000 كم كلهم,
وفيه حاجات 12000-18000 كم كمان, بس درجات لزوجة عالية عن الـSpec'ed عندى.