لو سمحتو ياشباب حد يفدنى الله يجزيكم خير

**HISHAM80** · 04-06-2008 07:01 AM

المشاركة الأصلية كتبت بواسطة xx7mada

اولا اود ان اشكر كل من ساعدنى وبجد انتو رجاله قوى
ثانيا العربيه انا لسه كنت راكبها من شويه المروحه بتاعتها مش بتشتغل مع العربيه
بيشغلها بسلكتين من تحت كده (دايركت) على حد قوله
ثالثا بتعمل نتشه لما تيجى تطلع بيها قلى الفتيس عايز يتظبط
رابعا عايزه تظبيط فى العفشه يعنى مثلا لما تاخد مطب بتحس بيه قوى فى العربيه
خامسا وده الاهم التكيف مش شغال
ياريت ياشباب حد يفدينى اشتريها ولا ابعد عنها على الرغم ان قطع غيرها هنا شبه مدعومه بس انا بنزل القاهره كتير
والف مليون شكر

of course no it seems car condition is not good no one make bridge to connect the cooling fan especially Opel

**Ahmad Allawy** · 04-06-2008 09:16 AM

المشاركة الأصلية كتبت بواسطة xx7mada

اولا اود ان اشكر كل من ساعدنى وبجد انتو رجاله قوى
ثانيا العربيه انا لسه كنت راكبها من شويه المروحه بتاعتها مش بتشتغل مع العربيه
بيشغلها بسلكتين من تحت كده (دايركت) على حد قوله
ثالثا بتعمل نتشه لما تيجى تطلع بيها قلى الفتيس عايز يتظبط
رابعا عايزه تظبيط فى العفشه يعنى مثلا لما تاخد مطب بتحس بيه قوى فى العربيه
خامسا وده الاهم التكيف مش شغال
ياريت ياشباب حد يفدينى اشتريها ولا ابعد عنها على الرغم ان قطع غيرها هنا شبه مدعومه بس انا بنزل القاهره كتير
والف مليون شكر

يافندم لا شكر علي واجب..
و اكيد لو كنا نقدر نساعد اكتر من كده مكانش حد فينا هيتأخر..
موضوع المروحة اللي بيدورها بسلكتين ده مش مريح..
وده انا شايف فيه حاجة مش كويسة.. لسبب واحد..
ان ده معناه ان مفيش قطع غيار خالص.. وده وحش لأنك ممكن تكون في حاجات تعبانة في العربية و ماشي بيها كده لحد ما تلاقيها وتغيرها..
يا اما كمان ان الصنايعية اللي اشتغلوا في العربية وحشين.. وده اسوأ..لأن مش الاوبل اللي يتعمل فيها كده..
وممكن لو حد مش فاهم كويس لعب فيها يعمل مصايب.. ربنا يستر..
بيتهيألي الفتيس مش هو اللي محتاج ظبط.. مكن حاجات تانية.. بس مش عارف ايه بالظبط..
العفشة كمان فيها شغل.. وده هيبقي مكلف شوية..
موضوع قطع الغيار ده خطر شوية.. يا اما هتركنها لحد ما تجيب حاجة من القاهرة..

انا بصراحة رأيي متاخدهاش.. يا فرحتي فيها جنوط و زينون..
بس اساس العربية هيكلفك كتير عشان ترجع حالتها تطمن تمشي بيها..
رأيي تشوفلك هنا واحدة هتكون اغلي شوية.. بس هتبقي مرتاح فيها.. و مش هتصرف عليها كتير في حاجات اساسية.. عايز تصرف في دلع جنوط و زينون و كده براحتك.. لكن هتبقي حاجات مش ضرورية..
وبرضه استني رأي عفاريت الفيكترا هنا هيفيدوك اكتر..

ولو انت من النوع اللي ممكن تاخد عربية تشدها و كده.. لو عايز العربية دي تاخدها علي 50 او يمكن اقل كمان..
عشان هتفرمك شغل و الشغل ده هيتعمل هنا في القاهرة.. و قطع غيار كتير..

**Xpert** · 04-06-2008 10:26 AM

المشاركة الأصلية كتبت بواسطة HISHAM80

of course no it seems car condition is not good no one make bridge to connect the cooling fan especially Opel

بالظبط كده .. شغل المسكنات ده ان دل علي شيء يدل علي ان العربيه متبهدله ...

**M.Mokhtar** · 04-06-2008 10:47 AM

المشاركة الأصلية كتبت بواسطة xx7mada

العربيه انا لسه كنت راكبها من شويه المروحه بتاعتها مش بتشتغل مع العربيه
بيشغلها بسلكتين من تحت كده (دايركت) على حد قوله
ثالثا بتعمل نتشه لما تيجى تطلع بيها قلى الفتيس عايز يتظبط
رابعا عايزه تظبيط فى العفشه يعنى مثلا لما تاخد مطب بتحس بيه قوى فى العربيه
خامسا وده الاهم التكيف مش شغال
ياريت ياشباب حد يفدينى اشتريها ولا ابعد عنها على الرغم ان قطع غيرها هنا شبه مدعومه بس انا بنزل القاهره كتير
والف مليون شكر

المشاركة الأصلية كتبت بواسطة xx7mada

على فكره هى شبه العربيه الى فى الصوره مع اختلاف البيبان بس نفس اللون ونفس الفاونيس والجنط يشبه شويه

واضح ان العربيه متبهدله
كان من الاسهل تقول ايه اللى فيها سليم :)
شوف انا رأيى هيبقى مختلف عن شباب اوبل اللى سبقونى بس مش معاكس ليهم
يعنى ايه؟
يعنى انا من رأيى تشوفلك عربيه ليها مركز صيانه معتمد وقطع غيار متوفره عندكوا
عشان هتتعب لو جبت عربيه تحفه زى الفكترا بس كل ما يحصل حاجة لا قدر الله تدوخ على ما تصلحها او تعرف العيب فيها ايه ده بعد ما الناس اللى بتفتى تكون بوظتلك حاجات تانيه بجانب المشكله الاساسية

بالنسبة للعربيه دى واضح انها كانت بتاعت شاب وغاوى ترويش وجرى وتنطيط وبهدل عفشه العربيه والموتور
طبعا صعب اقولك روح اكشف على الموتور شوف حالته ايه
انا من رأيى ابعد عن العربيه دى
وابعد عن اوبل لو ملوش قطع غيار ولا خدمه كويسه عندكوا
العربية بتبقى اكنك فاتح بيت ولازم تراعيها وتصونها كل شويه
بجد هتتعب لو الحاجات اللى فولتلك عليها مش متوفره

**ahmedmaklad** · 04-06-2008 11:56 AM

انا جيت متاخر زي كل مرة بس طبعا احمد و محمد و noname قايمين بالواجب
بص يا باشا انا مش مستريح للسعر دة العربية دي لو نضيفة بالجنط و الزينون اللي فيها مش هتقل عن 58000 بس حكاية المروحه اللي بتشتغل بسلكتين دي ما تتعملش في الاوبل عيب اوي يعني انا كنت هشتري من واحد صاحبي فكترا بردة و كانت حلوة و لاقيته عامل نفس حكاية المروحه دي فكيت نفسي علي طول
حاجة من الاتنين يا هو مهمل عشان يسيب العربية بتاعتة كده يا هو غصب عنه عشان مافيش قطع غيار
و تظبيط عفشة يعني اية اقل تظبيط عفشة في الفكترا يعني شوية جلب مش اقل من 1000 جنية دة غير المساعدين و البلي و حاجات تانية ممكن تتطلعلك
و انتوا نسيتوا التكييف اللي مش شغال برده ممكن يكون حاجة صغير و ممكن لا قدر الله لا كباس مثلا
لو الموضوع في دماغك قوي اسال علي قطع غيارها عندك و الميكانيكية بتوعها و حاول ترفعها و تبقي متاكد جدا هو زي ما noname قال سعرها غريب

ان متغاظ قوي من حكاية المروحه مش الاوبل اللي يحصل فيها كده:arghh:

**amir_ezzat** · 04-06-2008 12:12 PM

معلش انا جيت متاخر قوى
بس الحالة اللى انت بتوصفها كدة للعربية دى حالة صعبة قوى لعربية اوبل
واضح جدا ان صاحب العربية مش مهتم بيها والعربية متبهدلة ومن راى اى عربية اوبل متبدهلة هتصرف عليها كتير قوى بس مش هتقدر ترجعها لحالها

**ENG\AHMED** · 04-06-2008 02:50 PM

المشاركة الأصلية كتبت بواسطة xx7mada

ثانيا العربيه انا لسه كنت راكبها من شويه المروحه بتاعتها مش بتشتغل مع العربيه
بيشغلها بسلكتين من تحت كده (دايركت) على حد قوله

انا المنظر دة لو شوفتة فى 128 مش هشتريها..حراااام يعنى
كدة حالة العربيى باينة اوى يعنى مستنى حالة العربية تبقى عاملة ازاى من واحد بيدور المروحة بسلكتين !!!!! دة هتلاقى فيها لعب وعك وبهدلة للصبح
ابعد عنها العربية بالمنظر دة هتفتح معاك مصاريف بالهبل دة اذا كان على كلامك انت ومن غير لما تكشف عايز شغل عفشة وميانيكا ودورة التبريد والتكييف
وبعدين قطع الغيار عندك شبة معدومة وهى كل لما يحصل فيها حاجة هتركنها لحد ماتنزل مصر تجيبها وترجع !!! وممعنى ان قطع غيارها معدومة ان تقريبا مفيش حد عارف فيها يعنى اذا كان حد اشتغل فيها يبقى شغل عك زى موضوع المروحة دة

اشترى دماغك..

**xx7mada** · 04-06-2008 04:10 PM

متشكرين قوى ياجماعه على الافاده دى
بس العربيه عجبانى قوى يعنى مينفعش اخدها واجى بيها القاهره واظبط الحاجات الى فيها دى
وعلى فكره هوه صحاب العربيه شاب روش وبيقولى انه كان مهتم بالعربيه بس هوه معزور اليومين دول عشان كده عايز 55 الف غير كده كان بعها باكتر من السعر ده

ايه رائكم اعمل ايه

**Ahmad Allawy** · 04-06-2008 04:32 PM

المشاركة الأصلية كتبت بواسطة xx7mada

متشكرين قوى ياجماعه على الافاده دى
بس العربيه عجبانى قوى يعنى مينفعش اخدها واجى بيها القاهره واظبط الحاجات الى فيها دى
وعلى فكره هوه صحاب العربيه شاب روش وبيقولى انه كان مهتم بالعربيه بس هوه معزور اليومين دول عشان كده عايز 55 الف غير كده كان بعها باكتر من السعر ده

ايه رائكم اعمل ايه

والله لو العربية داخلة دماغك قوي..
هاتها و تعالي اكشف عليها هنا..
وشوف هتكلفك تصليح كام..
وشوف الموضوع مستاهل همه ولا لأ..
ده بس عشان هي عاجباك.. مش عشان حالة العربية..

**ENG\AHMED** · 04-06-2008 05:09 PM

المشاركة الأصلية كتبت بواسطة xx7mada

متشكرين قوى ياجماعه على الافاده دى
بس العربيه عجبانى قوى يعنى مينفعش اخدها واجى بيها القاهره واظبط الحاجات الى فيها دى
وعلى فكره هوه صحاب العربيه شاب روش وبيقولى انه كان مهتم بالعربيه بس هوه معزور اليومين دول عشان كده عايز 55 الف غير كده كان بعها باكتر من السعر ده

ايه رائكم اعمل ايه

من الكلام اللى بتقولة ازاى يعنى مهتم بيها..اومال لو مش مهتم؟؟!!!
لو عجباك الفكترا دور على حالة نضيفة
عموما انت طلبت رأينا وفى الاول والاخر دة قرارك ورأيك انت

الموضوع: لو سمحتو ياشباب حد يفدنى الله يجزيكم خير

LinkBack

أدوات الموضوع

عرض

-

-

-

-

-

المواضيع المتشابهه

افيدونى افادكم الله ضرورى ياجماعه لو سمحتو وحوش اللانوس

يا ريت حد يفدنى بجد

ممكن حد يفدنى ؟

ممكن حد يفدنى ؟؟؟

لو سمحتم حد يفدنى

الكلمات الدلالية لهذا الموضوع

المفضلات

المفضلات

ضوابط المشاركة