يا جماعة الخير .......... اسرائيل ديه الزميل الفاضل صاحب الموضوع يقصد بيها انه جاب أخره خلاص
مش معناها انه عايز يبقى جاسوس !!!!
عرض للطباعة
يا جماعة الخير .......... اسرائيل ديه الزميل الفاضل صاحب الموضوع يقصد بيها انه جاب أخره خلاص
مش معناها انه عايز يبقى جاسوس !!!!
بداية
انا غلطان فى حقكم كلكم علشان انتم مصريين سواء مسلمين او مسيحيين شاركونى بالرأى وكلكم حاولتم تبعدوا من دماغى فكرة اسرائيل دى
واعتذر بشده عن مسألة الذهاب للبلد دى
وانا عارف ان كلامكم صح 100% كمان
بس انا قولت اسرائيل او امريكا ..مقلتش اسرائيل بس والمدقق فى المعنى وحاسس بيا بجد هيلاقى ان المعنى المقصود هو الذهاب لاى بلد تحترم وتعرف تجيب حق المواطن اللى بيحمل جنسيتها زى بالظبط ما امريكا عملت وطول عمرها بتعمل فى حق المواطن بتاعها خارج امريكا وبالاخص لو على ارض عربية..وزى كمان اسرائيل ما بتعمل مش بس مع الاحياء لا والاموات منهم خارج اراضيها..هما بحترموا عقيدتهم وناسهم حتو وهم ميتين لان عندهم عقيده واضحه للعالم كله
المقصود من فضفضتى معاكم انى عايز احس انى ابن البلد دى فعلا عايز احس بحنية اى حد فيها غير ابويا وامى...عايز حد مسؤل كبير او صغير يخاف عليا ويحترمنى.
عايز اشوف الناس حتى بتحاول تحب بعضها ...انا حتى حاسس انهم مش عايزين يحاولوا.
نفسى امش فى اى شارع فى بلدى حبيبتى وانا حاسس ان الدنيا واسعه بالخير والحب والاخلاق.
هو كل ده صعب للدرجة اننا منحاولش
عارفين انا بفتح التليفزيون دلوقتى على ايه على قنوات الافلام اشوف اى فيلم اقضى بيه جلستى امام التليفزيون.
زهقت من الاخبار اللى كلها نكد..من اللناس اللى بتتكلم فى برامج الشو وتفتى..من المسؤل الكبير اللى مش عارف يحل أزمة..من اللى كل مايعرفش ياخد قرار حاسم يقول اقوى اختراع الان وهو (لجنة لتقصى الحقائق) لحد ما الموضوع ينيم الناس اللى صاحية.
هكمل بعدين ..بعد صلاة الظهر ان شاء الله
حد فاهمنى يا جماعة
انا مش عايز حد يفتكر انى مغرم بإسرائيل
البداية غلط انك تستخدم الاسم ده ده انا قريت العنوان و اتصدمت قولت جايز بيتريق دخلت بلمت و فضلت ساكت من الصدمة مكنتش عارف ارد اقولك ايه حتي لو قرفت بس متستخدمهاش حرام عليك ده لو واحد من اللي ضحوا بحياتهم في 73 سمعك بتقول كده يمكن كانت جاتله ساكتة قلبية
بالنسبة اللي انت عايزه كلنا نفسنا في كده لكن الموضوع محتاج توعية و مهما حصل برده هتلاقي ناس سيئة موضوع اننا نتعامل احسن من كده كل ده ان شا ءالله هيتظبط منحكمش دلوقتي احنا لسه في فترة فيها تخبط و المفروض الناس تفهم ده و كله يتكاتف للنهوض بالبلد
لو مثلا عندك عباية بيضا و فيها نقطة سودا انهي اللي هيبان ؟؟ النقطة السودا هو ده اللي عندنا في ناس كتيير كويسيين لكن الاشخاص السيئيين دول النقطة السودا اللي بتبان و في كل مكان يا ريس هتلاقي الصالح و الطالح مش هقولك في الشارع بس و لا برة بس لأ في الاسر كمان بذمتك الاسرة الواحدة مش بيبقي برده فيها الصالح والطالح ؟؟
يبقي اللي علينا اننا نحاول نوعي غيرنا نبدأ بنفسنا ع الاقل و نفهم الناس و هم يفهموا غيرهم مش هقولك اننا نقدر نعمل كده في يومين تلاتة لأ هتاخد وقت عشان توصل لنسبة كويسة
و الحالة اللي احنا فيها دلوقتي زي مقولت تخبط ده شئ عادي بعد ثورة يا راجل احمد ربنا ده احنا عايشيين في هنا كمان دول تانية قامت فيها ثورات و شوف البهدلة ع حق و عشان اثبتلك ان مهما حصل هنا و مهما شوفنا شوف ايام اللجان الشعبية ازاي كله نزل وقف و عندنا ناس كانوا ضاربين بعض و بهدلوا بعض لكن نزلوا وقفوا جنب بعض و كل واحد في ضهر التاني ده يثبتلك ان مهما حصل البلد ديه لسه بخيرها وقت الشدة كله بيقف جنب بعضه و اتحداك انك تلاقي مكان في اي حتة في العالم تلاقي فيها الكلام ده و طبعا يكفي انها مذكورة في القرآن و الرسول صلي الله عليه و سلم ازاي وصا بأهل مصر يعني عايز ايه احسن كده هي فيه بلد تطول حاجة زي كده فعشان كده مش خايف ع مصر ان شاء الله
و انت عيد تفكيرك تاني و هتلاقي انك غلطان بص للجانب الايجابي مش السلبي :)
بالتوفيق ان شاء الله
النتيجة ان المريض عمل جراحة وتم استأصال الورم الخبيث من جسمه بمعجزة من عند الله
لكن الناس اللي حواليه واهله واصحابه معندهمش رحمة .... ولا يعرفو معنى الشفقة
عاوزينه ينزل يشتغل وهو لسة مافاقش م البنج
مش هاين عليهم يسيبوه ياخد فترة النقاهة الطبيعية زي خلق الله
اهم حاجة عندهم انه ينزل يشتغل بقى عشان عاوزين فلوس وعاوزين ناكل ونشرب ونلبس
لكن المريض ......اللي المغروض هما بيحبوه ............... ينحرق بجاز ولا يموت مش مهم ..... المهم ناكل ونلبس ونشرب
والأكثر مرارة وابكاء ان بعض اهله بدأو يضربوه ويشتموه عشان ينزل يشتغل
وناس تانية هددت انها ح تسيبة وتروح تتحالف مع اعداءه ..... عشان تاكل وتلبس وتشرب
...
لكن مسير المريض يشفى ويضع كل واحد في حجمه الحقيقي
لأنه ببساطة بيمرض بس مش بيموت
البلد ملهاش أي ذنب في إللي بيحصل، المشكلة كلها في الناس إللي ساكنة البلد
لو كل واحد هيسيب بلده عشان الظروف إللي بتمر بيها كان زمان اليابان وألمانيا وإيطاليا وماليزيا وغيرهم مهجورة من السكان
البلد ربنا حباها بالكثير والكثير مما يتمناه غيرنا يعني إحنا معانا قماشة كويسة والحمد لله
المهم الترزي الشاطر إللي يستغلها
صدقني لازم نتغير عشان تتغير
بس لازم نكون واقعيين ونعرف ان نتيجة للورم الخبيث ده ، لسه فيه علاج كيماوى وعلاج اشعاعى , قد يحتاج المريض لعمليات أخرى ..اقتباس:
لنتيجة ان المريض عمل جراحة وتم استأصال الورم الخبيث من جسمه بمعجزة من عند الله
لكن الناس اللي حواليه واهله واصحابه معندهمش رحمة .... ولا يعرفو معنى الشفقة
عاوزينه ينزل يشتغل وهو لسة مافاقش م البنج
فمايصحش كل اللى حواليه يعيشوا على أمل قد يحدث فى جيل غير جيلهم لو ربنا اداله طولة العمر ..
فعلى كل واحد أن يسعى لمصلحته ومصلحة أسرته مع عدم اهمال العناية بالمريض ، ولو تيسرت الظروف للسفر بعيداً فليذهب مع صادق الدعوات للمريض ..
لكن العيش على أمل انصلاح الحال بعد الشفاء قد يجعله يخسر الجلد والسقط وهنا لن ينفعه المريض بشئ.
أرجوك خدني معاك أم البلد دي
دا اللى كنت بحكى فيه
الناس دلوقت اصبحت كارهه البلد بجد
محدش لاقى حد خايف عليه ..الكل بيخطف ويجرى
"وفيما يتعلق بالبطولات الفردية فقد أصبح المصري محمد صبحي بطل إسرائيل الحالي في رياضة الملاكمة وتأتي قصة صبحي في سياق درامي بعض الشيء حيث ولد صبحي من أب فلسطيني وأم مصرية وكان قد طلب صبحي الإنضمام للمنتخب المصري للملاكمة إلا أن الإتحاد المصري رفض إنضمامه بحجة ضعف مستواه الفني فإضطر إلى الذهاب والإنضمام للمنتخب الإسرائيلي الذي كان لا يتمنى أن يمثله على حد قول اللاعب ولكنه اضطر لذلك حيث وجد بمصر معاناه لا يتخيلها أحد من مسئولي إتحاد الملاكمة الكرام في مصرنا.
الغريب أن صبحي يؤكد على وجود أكثر من 4 لاعبين أخريين بالمنتخب الإسرائيلي من أصل عربي وأيضاً عناك العديد من الشباب العربي والمصري في كل الرياضات بكل المنتخبات الإسرائيلية ناهيك عن الأعداد الكبيرة التي لم تحظى بشرف تمثيل المنتخب وهم أكثر ويعدون بالألاف في المجتمع الإسرائيلي."