الموضوع: نفسى اعيش واشتغل فى اسرائيل !

المشاركة الأصلية كتبت بواسطة hmatchy

بصراحة بقى انا شايف ان اللى ايدو فى الميه مش زى اللى ايدو فى النار
وهتكلم عن نفسى انا شاب داخل على 27 سنه ولحد دلوقتى بدور على صفر ابتدى منو
للاسف المجالين اللى بعرف اشتغل فيهم مضروبين بالنار السياحة-والرسوم المتحركة(كنا بنعمل صلصال رمضان قصص الانبياء) ولحد دلوقتى لينا فلوس فى التلفزيون ومش عارفين ناخودها
دورت على شغل لقيت ارقام غريبة 600 جنيه و 650
طب فين القوانين اللى بيقولو حطوها علشان تحديد المستوى الادنى؟؟؟؟؟؟؟؟؟؟؟؟؟؟؟؟
امشى بالعربيه البس فى حفرة فى نص الشارع تكلفنى 3000 جنيه مين يعوضنى عنهم؟؟؟؟؟؟؟؟؟؟؟؟
الاقى واحد داخل عكس ويجرحلى جمب العربية ويجرى مين يجبهولى؟؟؟؟؟؟؟؟؟؟؟؟؟
هو كتير انى اطلب الاقى وظيفه توفرلى دخل محترم مقابل 8 او 10 او حتى 12 ساعة شغل بجد؟؟؟؟؟؟؟؟
كتير انى احس بالامان و انا متثبت فى وطيفة ليا عقد وتامين وحقوق؟؟؟؟؟؟؟؟؟؟؟؟
لما احب اتجوز و احب اشترى شقة ادمية الاقى سعرها 120000 ودى 63 متر وتكون فى اخر الدنيا و بردو مقدرش على تمنها مين يساعدنى؟؟؟؟؟؟؟؟؟؟؟؟
لما اجى اجيب شبكة و الجرام ب 300 وشويه ومرتبى كلو على بعضو 600 ولا 700 جنيه مين يجبهولى؟؟؟؟؟؟؟؟؟؟؟؟؟
انا مش فاهم كميه الهجوم الغريبة من غير ما نقدر ظروف صاحب الموضوع والاتهام انو جاسوس و عاوز يفكك البلد واللى بيطردو من البلد ودم الشهداء و الجدود ماشى وعلى راسى من فوق بس البلد بقت صعبة اوى و انا واحد من ناس كتير تعبت اوى
على فكرة انا مش ضد الثورة بس ضد ان الناس متفهمش ان لحد دلوقتى كل اللى كسبناه من الثورة ان جمال مش هيمسك الحكم و ركبنا فميه براحتنا
للعلم كل الجيل اللى اتولد من سنه 80 ل سنه 90 جيل مظلوم اتربى على كل الجديد و الغلاء كلو و التكنولوجيا ولما جه يقول ابداء حياتى لقى ان مفيش حياة اصلان


طب تصدقو بالله
انا قد ما بحمد ربنا انى بيعدى عليا الازمة دى و انا بطولى اد ما بحزن ان مفيش فى حياتى انسانه تقف جمبى وتشجعنى واحس انى لسه موجود وتدينى الثقة فى نفسى
بجد احساس العجز و انت فى صحتك احساس ميتوصفش
انا كل اللى عايزو اشتغل و اتعب و الاقى واحس انى بنى ادام مش مجرد درجة سلم لاصحاب القطاع الخاص يطلعو على كتافنا وماشين بمبداء لو مش عاجبك فى الف يتمنو مكانك


وجايين بعد كده تقولو البلد حرام اللى بنقولو ............
عن نفسى مستعد تطردونى منها بس حطونى فى اى شغلانه حلال برة حتى لو فى موزمبيق طالما اسرائيل مزعلة الناس اوى كده

ناس كتير ظروفها زى حضرتك و أسوأ .......... لما قامت الثورة كان هدفها والله العظيم اللى زى حضرتك وغيرك

منهم لله اللى ركبوا و دلدلوا رجليهم و راحوا اتفقوا مع الفاسدين و المجرمين من تانى

المشاركة الأصلية كتبت بواسطة aif

امال الناس اللي ضحت بحياتها وبعيونها وبحريتها ؟؟
والناس اللي اترمت في السجون عشرات السنين بلا محاكمة
والناس اللي اتهتكت اعراضها واعراض اهاليها قدامهم في عصور الظلام
والناس اللي كانت بتتعذب لغاية ما تموت
والناس اللي مشلاقيين جثثهم لغاية دلوقت
انا لسة قدامي اليومين دول قضايا عن ناس اتعذبت في امن الدولة قبل الثورة لغاية ما اصيبو ... اللي ف رجله واللي في ايده واللي ف عينه .... والكلاب بتوع امن الدولة تركوهم بلا علاج الى ان تم بتر اطرافهم ........ الله ينتقم منهم شر انتقام
وغيرهم وغيرهم
دول يعملو ايه
لما الشباب زهق من دلوقت وعاوز يهج من بلده يروح يعيش عند اعداء بلده واعداء دينه
امال دول يعملو ايه .... يروحو يعيشو عند ابليس والعياذ بالله ؟؟؟؟؟؟؟
.....
.....
والله اللي عاوز يعيش في البلد دي ويعمر فيها ويصبر عليها هو حر
واللي عاوز يهاجر ............. الدنيا مش ح تقف عشانه ولا عشان غيره
لكن حتى الاسلوب والوجهه تكون احسن من كدة
اقسم بالله قدامي نمازج كتير عاوزين يرجعو مصر ومش قادرين وبيحسدو اللي عايششن فيها وماسافروش
.....
.....

اللهم لك الحمد ولك الشكر ولك النعمة والفضل ولك الثناء الحسن
اللهم قنعنا بما رزقتنا
اللهم لا تجعل الدنيا اكبر همنا ولا مبلغ علمنا ولا الى النار مصيرنا

لو تقصد بعيونها شباب الثورة ......... فدول خونه و عملاء و ممولين و قابضين و ليبراليين و ملحدين و بيحاكموا عسكريا و بيتسحلوا فى الشوارع

لو تقصد بالباقى التيار الدينى ......... فده ماتقلقش عليه اترستأ خلاص