ربنا يولع في حسني مبارك بجاز معفن هو اللي وصلنا للكلام دا
عرض للطباعة
ربنا يولع في حسني مبارك بجاز معفن هو اللي وصلنا للكلام دا
لا إله إلا الله محمد رسول الله
والله اللي عايز يقعد يقعد
واللي عايز يروح اسرائيل يروح اسرائيل
وبعدين انا ما اعتقدش ان احنا وصلنا للدرجة اللي نتمنى فيها اننا نعيش في اسرائيل
وبصراحة اعتقد ان اي حد بيحمل الفكر ده فعلا
هيكون اكرم وافضل للبلد انهم يسبوها فعلا
"اسرائيل" أعتقد انها كناية عن "فاض الكيل وطفح"
بصراحة بقى انا شايف ان اللى ايدو فى الميه مش زى اللى ايدو فى النار
وهتكلم عن نفسى انا شاب داخل على 27 سنه ولحد دلوقتى بدور على صفر ابتدى منو
للاسف المجالين اللى بعرف اشتغل فيهم مضروبين بالنار السياحة-والرسوم المتحركة(كنا بنعمل صلصال رمضان قصص الانبياء) ولحد دلوقتى لينا فلوس فى التلفزيون ومش عارفين ناخودها
دورت على شغل لقيت ارقام غريبة 600 جنيه و 650
طب فين القوانين اللى بيقولو حطوها علشان تحديد المستوى الادنى؟؟؟؟؟؟؟؟؟؟؟؟؟؟؟؟
امشى بالعربيه البس فى حفرة فى نص الشارع تكلفنى 3000 جنيه مين يعوضنى عنهم؟؟؟؟؟؟؟؟؟؟؟؟
الاقى واحد داخل عكس ويجرحلى جمب العربية ويجرى مين يجبهولى؟؟؟؟؟؟؟؟؟؟؟؟؟
هو كتير انى اطلب الاقى وظيفه توفرلى دخل محترم مقابل 8 او 10 او حتى 12 ساعة شغل بجد؟؟؟؟؟؟؟؟
كتير انى احس بالامان و انا متثبت فى وطيفة ليا عقد وتامين وحقوق؟؟؟؟؟؟؟؟؟؟؟؟
لما احب اتجوز و احب اشترى شقة ادمية الاقى سعرها 120000 ودى 63 متر وتكون فى اخر الدنيا و بردو مقدرش على تمنها مين يساعدنى؟؟؟؟؟؟؟؟؟؟؟؟
لما اجى اجيب شبكة و الجرام ب 300 وشويه ومرتبى كلو على بعضو 600 ولا 700 جنيه مين يجبهولى؟؟؟؟؟؟؟؟؟؟؟؟؟
انا مش فاهم كميه الهجوم الغريبة من غير ما نقدر ظروف صاحب الموضوع والاتهام انو جاسوس و عاوز يفكك البلد واللى بيطردو من البلد ودم الشهداء و الجدود ماشى وعلى راسى من فوق بس البلد بقت صعبة اوى و انا واحد من ناس كتير تعبت اوى
على فكرة انا مش ضد الثورة بس ضد ان الناس متفهمش ان لحد دلوقتى كل اللى كسبناه من الثورة ان جمال مش هيمسك الحكم و ركبنا فميه براحتنا
للعلم كل الجيل اللى اتولد من سنه 80 ل سنه 90 جيل مظلوم اتربى على كل الجديد و الغلاء كلو و التكنولوجيا ولما جه يقول ابداء حياتى لقى ان مفيش حياة اصلان
طب تصدقو بالله
انا قد ما بحمد ربنا انى بيعدى عليا الازمة دى و انا بطولى اد ما بحزن ان مفيش فى حياتى انسانه تقف جمبى وتشجعنى واحس انى لسه موجود وتدينى الثقة فى نفسى
بجد احساس العجز و انت فى صحتك احساس ميتوصفش
انا كل اللى عايزو اشتغل و اتعب و الاقى واحس انى بنى ادام مش مجرد درجة سلم لاصحاب القطاع الخاص يطلعو على كتافنا وماشين بمبداء لو مش عاجبك فى الف يتمنو مكانك
وجايين بعد كده تقولو البلد حرام اللى بنقولو ............
عن نفسى مستعد تطردونى منها بس حطونى فى اى شغلانه حلال برة حتى لو فى موزمبيق طالما اسرائيل مزعلة الناس اوى كده
اخي الكريم الحبيب
كتبت لك كثيرا و كلما اتذكر عنوان موضوعك ازيل ما اكتبه و اقول انك بحاجة لكلام اقوي مما كتب كي نعينك علي ما انت فيه و كي نثنيك علي هذه الفكرة المدمرة و هي تمني السفر لاسرائيل ( تحديدا )
و بعد ان اكتب مرة اخري لك و اجتهد و اخلص لك في النصح و الكلام الذي يدمي القلوب و كيف كنت انا و غيري لا نملك اي شئ و كيف كان اهلنا لا يملكون اي شئ سوي الكرامة و العفة و العزة و الحمد لله علي نعمه علينا في هذه البلد التي لا تجد فيها حسنة واحدة تجعلك حتي تحترمها لان ابن الفلاح اصبح مستشار و عالم و ابن الصرماتي اصبح طبيب و مهندس و ابن المهني اصبح ذو شأن في هذا البلد
اجد ردودك علي الاخوة الاعضاء الناصحين فأعيد ازالة ما كتبته لك و احاول جاهدا ان اثنيك و ادفعك دفعا للعدول عما تريد
و بعد اكثر من ساعة من الكتابة و الازالة
و جدت اخيرا اسلم حل هو ان اقول لك
سافر بالسلامة ( جرب )
فلا تحرم نفسك من التجربة
اللي بيبقي نفسه ينجح ( بيذاكر )
و اللي نفسه يصدق ( لا يكذب )
و اللي عاوز يصلي ( بيزيل الغطاء من عليه في عز النوم )
و اللي عاوز يسافر ( بيطلع جواز سفر )
.....................................
.......................................
..........................................
و اللي عاوز يروح لاسرائيل ( عارف يروح ازاي )
و لو لا تعلم ادخل علي الفيس بوك و اجتهد شوية و ابحث عن الموضوع ده و سبل السفر و للاسف سفارتهم قفلت يا ريتها كانت فاتحة كانت هتوفر عليك التعب
و لما ربنا يعطيك و يديك و تجد ما كنت تبحث عنه من ( الامانة و عدم الرشوة و الاخلاص و الكرامة )
استحلفك بالله الا تبخل علي اخوانك بالنصيحة
توكل علي الله و سافر
و اجدني اتذكر مثل كان والد احد اصدقائي يقوله لنا حين يجدنا قد شردنا عن الاجتهاد شوية او قلت عزيمتنا و زغنا كده و لا كده في الانشغال عن المذاكرة
فكان يقول
صاحبك ( انصحه ) من الصبح للظهر ( بالخير طبعا ) فأن لم يرتدع و لم يرجع عما يفعله
ابقي ( ضله ) اي شتته علي العصر
طبعا هوه مثل بسيط و لكن يحمل معاني كثيرة فدائما صاحب القرار المنفرد بيشذ عن القاعدة
م.حاتم السباعي
اللي مطمني ان مـــصر مذكورة في القرأن .... ذلك يكفي
السلام عليكم و رحمة الله و بركاته
لأ, ماتزعلش لأنك 27 سنة و بطولك, أنا 35 سنة و بطولى برضه و لو قلتلك أنا معايا شهادات ايه و متعلم ايه, هيغمن عليك.
أما أشوف اللى بيقولوا مصر و تراب مصر و ناس مصر و شعب مصر, هيحلوا المشكلة دى ليك و ليا و لشباب كتير أوى فى البلد دى ازاى.
أنا مشكلتى أن أبويا ما أمنليش مستقبلى زى ماكتير من الأباء مابتعمل لولادها, عشان كده, بكل بساطة, طلعت عمال أعافر فى الدنيا و مش محصل حاجة, حاجة تقرف.
أنت عارف أنا كل ماجى أدور, ألاقى أن سبب مشكلتى, يكمن فى أن أبويا -الله يرحمه- رجع مصر !!!!!, هو رجع مصر و رجعنا معاه -أنا و أخواتى- 20 سنة لورا.
هييييييييييييييييه, كل شئ نصيب بأه.
عيش في اسراىيل واشتغل.... ومع الوقت هتحس انك مبسوط وشويه وتتجوز واحده يهوديه وتحب البلد اكتر واكتر وتعيش مع الصهاينه بقي...ابسط يعم....تفتكر هتبقي مرتاح!!!!
ناس كتير ظروفها زى حضرتك و أسوأ .......... لما قامت الثورة كان هدفها والله العظيم اللى زى حضرتك وغيرك
منهم لله اللى ركبوا و دلدلوا رجليهم و راحوا اتفقوا مع الفاسدين و المجرمين من تانى
لو تقصد بعيونها شباب الثورة ......... فدول خونه و عملاء و ممولين و قابضين و ليبراليين و ملحدين و بيحاكموا عسكريا و بيتسحلوا فى الشوارع
لو تقصد بالباقى التيار الدينى ......... فده ماتقلقش عليه اترستأ خلاص