عرض للطباعة
السلام عليكم
كنت عايز آخد رأيكم في الاختيار بين إلانترا 2005 وسيراتو نفس الموديل وأسعارهم متقاربة جدا
أيهما أفضل، وما مدى توافر قطع الغيار وإعادة البيع
وهل فعلا زي ما قريت إن الإلنترا فراملها مش بنفس قوة أغلب العربيات وهل المشكلة دي ليها حل
وإيه المتوسط الطبيعي لقراية عداد الكيلومتر لعربيات من السنة دي
يا ريت تفيدوني لإني بقيت محتار في الموضوع ده خصوصا إني كنت بدور على مازدا 3 2008 ومتحمس ليها بس صرفت نظر عنها :(
موديل الالنترا 2005 ممتااااااااز.. وخلي بالك إن الموضوع بتاعك هايتنقل قسم المقارنات
العربيتين دول واحد
أنا دورت على قسم بيتعلق بحاجة زي كده بس معرفتش أوصل لحاجةاقتباس:
المشاركة الأصلية كتبت بواسطة sehsss
غير اني كتبت موضوع قبل كده بستفسر عن حاجه ومحدش رد.. شكله كان قسم المرحوم :d
قلت أحطه في القسم ده عشان حي شوية وعايز أكبر كمية آراء وغير اني زهقت من التدوير والحيرة لحد ما استقريت ع العربيتين دول
+11111111111اقتباس:
المشاركة الأصلية كتبت بواسطة sehsss
:U_thin1[1]::U_thin1[1]:اقتباس:
المشاركة الأصلية كتبت بواسطة ma7amadk
الالنترا 05 افضل سيارة هيونداى نزلت مصر تقريبا بدون مشاكل خالص
الالنترا 2005 كويسة جدا وقطع غيار متوفرة لكن معرفش بالنسبة لسيراتو 2005 وبالنسبة لقراية العداد في الموديل ده يكون بين 120الف الي 130 كيلو بمتوسط حوالي 20 الف كيلو في السنة...
130 ألف بس؟؟؟اقتباس:
المشاركة الأصلية كتبت بواسطة start_wow
أنا كنت عامل حسابات غلط بقى والا كنت حاسب على مشي كتير والا ايه
يعني حساباتي كانت على متوسط 100كيلو يوميا مثلا من مدينة نصر لـ 6 اكتوبر رايح جاي
يعني أكتر من 250 ألف كيلو في الـ 7 سنين دول
يعني تقريبا هتحتاج عمرة موتور
ومتهيألي الـ 100كيلو دول يوميا معدل طبيعي لأغلبية الشعب اللي مكان شغله في آخر البلد
والا ايه
العربيتين زي بعض بالضبط في معظم قطع الغيار
خصوصا الموديل ال 2005 نفس المتور
لو سيراتو 06 او 07 او 08 هتبقى متور الالنترا ال 2007 ف هتبقى افضل من الالنترا في الناحيه دي بس
في السيراتو فيها موديلات بايرباج واي بي اس وفتحه سقف بس سعرها في الغالب 75 الف
الفرق الوحيد في العفشه الالنترا فيها ميزان امامي والسيراتو مفيهاش
وان كنت بميل ل شكل السيراتو من برا وجوه احلى من الالنترا بصراحه مع اني كنت بمتلك النترا
عفشة الالنترا لا يعلى عليها ناعمة جدا ما شاء الله
شكرا ليك ع الإفادةاقتباس:
المشاركة الأصلية كتبت بواسطة حماده المصري
بس نسيت تقولي بما إنك كان معاك إلانترا إيه أخبار فراملها هل فعلا ضعيفة والا مجرد إشاعات كالمعتاد
[QUOTE=ma7amadk;3874154565]شكرا ليك ع الإفادة
بس نسيت تقولي بما إنك كان معاك إلانترا إيه أخبار فراملها هل فعلا ضعيفة والا مجرد إشاعات كالمعتاد[/
خاااالص فرامل الالنترا قوية جدا خصوصا الاتوماتيك منها
[QUOTE=mudengineer;3874154587]أنا أقصد الـ 2005 خاصة مش الالنترا عمومااقتباس:
المشاركة الأصلية كتبت بواسطة ma7amadk
والله بالنسبه للكوري كله فرامله في الضياع ماعدا ممكن الموديلات الجديده من النترا وسيراتو
بس عموما هي فراملها كويسه خصوصا لو تيل فرامل اصلي وكاوتش نوعه كويس التيل في السوق ب 250 اصلي وفي التوكيل ب 350 للاسف وكل حاجه العربيه متوفره في شارع دمشق عند اكتر من حد
لا للاسف كل الكوري بينزل بكاوتش تعبان الى هو كومهو نيكسن هانكوك الى اخره كل دول بيساعدو ان الكاوتش يتزحلق والفرامل تقفش
طبعا لازم تخلي بالك وانت بتشترى من الفتيس الاوتوماتك لانه الموديلات دي فتيسها لو هنته وكبرت دماغك زيت وفلتر الفتيس بيبوز
لازم ميبقاش فيه هبط وانت بتنقل من p to r or from n to d لان اي هبد معناهش كبالن داخليه ودي استيراد من 250 ل 500 كامله الجوز والناحيتين يفضل وانت بتشترى تكشف عند اي مركز معتمد بالكميوتر بيعرف6 اذا الفتيس في اخطاء او لا
ثباتها جميل وعفشتها في النقر والمطبات حلوه بس لازم يبقى كاوتش نضيف لو اي كلام بتحس انك راكب ركوبه تانيه خالص
انا موضوع الكاوتش عاملي عقده شويه لان من اكتر الحاجات الي مبهدله العربيات الكوري الكاوتش والناس مش فاهمه والعفشه بتتهان بسرعه ومش واخدين بالهم
انا كنت جايب النترا ب كاوتش ميشلان تعبان جدا غيرته ب كومهو جديد تخيل الميشلان التعبان انضف
وراي لو ميزانيتك عاليه لل 75 او 80 خليك في سيراتو فوق 2006 هتلاقي منها فوول اوبشن
العربية دى بحترمها جدا عليها فوانيس تحس إنها من بى إم مش هيونداىاقتباس:
المشاركة الأصلية كتبت بواسطة sehsss
:S_thum1[1]::S_thum1[1]:اقتباس:
المشاركة الأصلية كتبت بواسطة MohammedAladel
انا ممكن افيدك بالنسبة للانترا 2005 علشان كان معايا نفس الموديل ، اشتريتها زيرو فى شهر 4/2005 و بعتها فى اول 2010
المميزات :
واسعة من جوه و الشنطة اتساعها كويس
تكييف ممتاز انا كنت راكبها فى السعودية فى درجة حرارة 50 و التكيف شغال على طول عمرى ما قفلته ( بيتشتغل مع الكونتاكت)
ثابتة و متزنة فى الملفات الى حد كبير بالنسبة لاى عربية كورى
صاج جامد و عفشة بتستحمل
العربية الى كانت معايا كانت اصيلة قعدت خمس سنين معملتش فيها غير تغيير بوجيهات و فلتر هواء بس و بعد 10000 كم بطلت اعمل الصيانات ، بس تغيير زيت و فلتر فى البنزينة
سعر اعادة بيع كويس
عايز اقولك ان نص التاكسيات فى السعودية النترا الشكل بتاع 2005 و بتبقى ماشية فوق 300 الف كم و عادى مفيش مشاكل
العيوب
فراملها فعلا مش قوى
موتورها خشن و صوته عالى
شكلها كئيب من جوه ( شكل التابلوه و العدادات يسد النفس )
دركسيونها كبير و شكله مقرف
استهلاك البنزين كان اقل من 200 كم صفيحة ( كنت باستعمل بنزين 95 - فى السعودية ب 60 هلله بس!!!- لتر البنزين 95 ارخص من زجاجة المياه )
اقتباس:
المشاركة الأصلية كتبت بواسطة حماده المصري
كلامك فعلا مظبوط.. نوع وجودة الكاوتش بعتبرها من أهم الحاجات في العربية والمكملة لدايرة الفرامل
وبالنسبة للاتوماتيك انا مليش فيه أصلا ومش بدور غير على مانيوال... ومن الأسباب اللي خلتني أصرف نظر عن المازدا 3 اني مالقتش منها مانيوال :d
وبالنسبة للميزانية فهي كانت في التمانينات بس دلوقتي بقت في حدود 60-65 لظروف استجدت حاليا
ودايرة البحث ضاقت لحد ما وصلت للعربيتين دول ومتحيز بصراحة للالنترا بس خايف من موضوع الفرامل ده
عشان في كلمتين بيرنو في دماغي بقالهم سنين
كااااااااارك..... دوووووس .... كااارك .. دوس :d
ooops..اقتباس:
المشاركة الأصلية كتبت بواسطة tamerosman
دنا لسه بقول للراجل انا متحيز ليها
وكمان انت سايقها في طرق السعودية يعني جودة أعلى من هنا وفراملها تعبانة أمال هنا هتبقى إيه
سؤال طيب: هو انت من النوع الجراي والا حصلت معاك مواقف خلتك تحكم عليها بكده
معلش.. أنا مركز على الفرامل بالذات لان عندي عقدة منه
وغير ان أغلب مشاويري هتكون محور ودائري
وانا من النوع اللي عنده مغناطيس في رجليه مع دواسة البنزين :D
ooops..اقتباس:
المشاركة الأصلية كتبت بواسطة tamerosman
دنا لسه بقول للراجل انا متحيز ليها
وكمان انت سايقها في طرق السعودية يعني جودة أعلى من هنا وفراملها تعبانة أمال هنا هتبقى إيه
سؤال طيب: هو انت من النوع الجراي والا حصلت معاك مواقف خلتك تحكم عليها بكده
معلش.. أنا مركز على الفرامل بالذات لان عندي عقدة منه
وغير ان أغلب مشاويري هتكون محور ودائري
وانا من النوع اللي عنده مغناطيس في رجليه مع دواسة البنزين :D
بص يا باشا انا باتكلم عن تجربتى الشخصية و ركوب العربية لمدة 5 سنين ( يعنى مش ابن خالة جار ابن عمى كان عنده العربية و قالى ان العربية كذا كذا ...... زى معظم الافتاءات الى بتتقال هنا فى المنتدى....... ) و دى صور عربيتى الى كنت منزلها فى اعلان قبل ما ابيعها بيوم :اقتباس:
المشاركة الأصلية كتبت بواسطة ma7amadk
http://www.nileup.com//uploads/js734879ae56.jpg
العربية محترمة و ثابته و صاجها جامد جدا بالمقارنة باى عربية كورى
و زى ما بقولك نص التاكسيات فى السعودية النترا موديلات 2004 -2005 -2006 الى هيه الشكل ده و ماشية فوق 300الف كم و مش بتشتكى
بس المشكلة ان فراملها مش جامدة بس خلى بالك انا كنت بامشى هناك معظم الوقت فوق سرعة 100 ( و انا سئلت سواقين تاكسى كتير هناك معاهم نفس العربية علشان اتاكد انه مش عيب فى عربيتى بس و انها مشكلة عامة فى الموديل ده ) بس انا كنت ماشى بكاوتش كومهو يمكن لو الكاوتش اتغير فعلا يكون اداء الفرامل افضل شوية
على فكرة انا بقالى 20 سنة باركب عربيات و فعلا العربية دى فراملها نص لبة و كان معايا قبلها مازدا 3 فى الامارات و كانت فراملها احسن من الالنترا مليون ترليون مرة
http://www.nileup.com//uploads/image...734879ae56.jpg
http://www.nileup.com//uploads/image...7af1d1a35a.jpg
مركز تحميل نايل موتورز
http://www.nileup.com//uploads/image...93d577c64e.jpg
مركز تحميل نايل موتورز
يا عزيزي بيبان من طريقة الرد إذا كان الكاتب حاله من الحالات الخمسه دولاقتباس:
المشاركة الأصلية كتبت بواسطة tamerosman
- إمتلك العربية
- جرب العربية ولم يمتلكها
- أحد معارفه امتلكها وقاله ع اللي فيها
- أحد معارفه حكاله على معلومة ولم يمتلكها
- أو واحد من النت قاله ع اللي فيها وميكونش جربها من أساسه :d
وعموما قد بقول قد تكون المشكلة في الكاوتش وفي الأول والآخر الأمر راجع للتست درايف
وألف شكر ليك بجد ع الإفادة اللي حضرتك أفدتني بيها
مستني بقى واحد كان معاه السيراتو ويقول ع اللي فيها من مميزات وعيوب للنطق بالحكم :d
اقتباس:
المشاركة الأصلية كتبت بواسطة ma7amadk
في رنج السعر الي بتتكلم فيه 65 الف يركبوك اجدعها النترا مانيوال مفيش مشاكل اركبها مش هتدايق في حاجه بالعس النترا المانيوال انا قعدت معايا 3 ايام كانت جميله
كارك دوس دي كلمه هتسمعها في كل العربيات حتى العربيات الي فيها abs برضو لازم يكارك ويدوس لان ال ABS مش بيقولي الفرامل هو يادوب فقط بيكارك مكانك عشان الكاوتش ميتزحلقش انما انت لو متجه بسرعه كبيره وعايز تقف ودوست فرامل مره وحده وفيها اي بي اس العربيه هتهدى مش هتقف انما لو دوس تاني فرامل الفرامل هتاخد قوتها
تصدق بايه لسه امبارح C200 لابس قدامي مطب وهو مكنش معدي 70 اساسا وشايفه داس فرامل مره وحده قدام المطب ولبسه برضو
على فكره انا من الناس اللى بتحب الموديل ده
صحيح هو شكله غبى بس جميل
وبالنسبه للفرامل فدى نسبه وتناسب
يعنى انت بتقيس فرامله على ايه ؟
سؤال للناس اللى امتلكت الموديل ده
هى العفشه الخلفيه متصله ولا منفصله ؟
كمان الفرامل ورا سكينه ولا طبل ؟
العفشه الخلفيه منفصله وجميله جدا اكسات و المساعد جواه السوسته مش زي الموديلات الجديده المساعد قدام او ورا السوسته
الفرامل عاديه بس اعتقد الموديل الي فيه abs من السيراتو سكاكين
مممممممممممم شكله غبى بس جميل ؟اقتباس:
المشاركة الأصلية كتبت بواسطة عصام غنايم
عموما دى أذواق بس مفيش اتنين يختلفوا على إلنترا الشكل القديم 2005 إنها غاية فى الأناقة وروعة التصميم يعنى ع الأقل خالص اللى مبيعجبهوش شكل العربية دى بيقول إنها عادية أو مقبولة :)
قعدت معاك 3 أيام؟؟؟اقتباس:
المشاركة الأصلية كتبت بواسطة حماده المصري
وبعتها بسرعة كده ليه
وبالنسبة لكارك ودوس دي أقصد إني كنت بسمعها بمعدل كل أسبوعين أو أربعه لمشاكل في دايرة الفرامل نفسها في عربيتي
وكل ما حاجه تتصلح حاجه تانية تبوظ
وكانت معايا برضو مرسيدس 280sel زمان وكانت في قمة الروعة............... إلا فراملها
دايما كانت تطلعلي فيها بلاوي لحد في مرة الفرامل قطعت على سرعة 130 وطلعت ع الرصيف وخيشت في عمود نور وشرخت الموتور :(
بس الحمد لله على كل شئ
بالنسبة لي كمقياس شخصياقتباس:
المشاركة الأصلية كتبت بواسطة عصام غنايم
قوة الفرامل بتعتمد على المسافة اللي هتقف فيها العربية من سرعة 100كم للصفر
بدون ما العربية تزحف أو الكاوتش يقفش بمعنى أصح
وفي نفس الوقت مقدار نزول دواسة الفرامل أد إيه
أنا مش عامل ليها حسبة معينة أو بأرقام مثلا
هي مجرد بالتجربة
انا بتاعتي كانت اوتوماتك قعدت سنه ونص
المانيوال الي كانت معايا 3 ايام دي كنت ماجرها لسبب معيين قبل ما اشتري التانيه
ومخبيش عليك هي الي دخلت في دماغي فكره اني اركب النترا لان العربيه عجبتني بصراحه