الموضوع: أيهما أفضل إلانترا 2005 والا سيراتو 2005

المشاركة الأصلية كتبت بواسطة ma7amadk

ooops..
دنا لسه بقول للراجل انا متحيز ليها
وكمان انت سايقها في طرق السعودية يعني جودة أعلى من هنا وفراملها تعبانة أمال هنا هتبقى إيه
سؤال طيب: هو انت من النوع الجراي والا حصلت معاك مواقف خلتك تحكم عليها بكده
معلش.. أنا مركز على الفرامل بالذات لان عندي عقدة منه
وغير ان أغلب مشاويري هتكون محور ودائري
وانا من النوع اللي عنده مغناطيس في رجليه مع دواسة البنزين :D

بص يا باشا انا باتكلم عن تجربتى الشخصية و ركوب العربية لمدة 5 سنين ( يعنى مش ابن خالة جار ابن عمى كان عنده العربية و قالى ان العربية كذا كذا ...... زى معظم الافتاءات الى بتتقال هنا فى المنتدى....... ) و دى صور عربيتى الى كنت منزلها فى اعلان قبل ما ابيعها بيوم :




العربية محترمة و ثابته و صاجها جامد جدا بالمقارنة باى عربية كورى
و زى ما بقولك نص التاكسيات فى السعودية النترا موديلات 2004 -2005 -2006 الى هيه الشكل ده و ماشية فوق 300الف كم و مش بتشتكى

بس المشكلة ان فراملها مش جامدة بس خلى بالك انا كنت بامشى هناك معظم الوقت فوق سرعة 100 ( و انا سئلت سواقين تاكسى كتير هناك معاهم نفس العربية علشان اتاكد انه مش عيب فى عربيتى بس و انها مشكلة عامة فى الموديل ده ) بس انا كنت ماشى بكاوتش كومهو يمكن لو الكاوتش اتغير فعلا يكون اداء الفرامل افضل شوية

على فكرة انا بقالى 20 سنة باركب عربيات و فعلا العربية دى فراملها نص لبة و كان معايا قبلها مازدا 3 فى الامارات و كانت فراملها احسن من الالنترا مليون ترليون مرة





مركز تحميل نايل موتورز


مركز تحميل نايل موتورز

المشاركة الأصلية كتبت بواسطة tamerosman

بص يا باشا انا باتكلم عن تجربتى الشخصية و ركوب العربية لمدة 5 سنين ( يعنى مش ابن خالة جار ابن عمى كان عنده العربية و قالى ان العربية كذا كذا ...... زى معظم الافتاءات الى بتتقال هنا فى المنتدى....... ) و دى صور عربيتى الى كنت منزلها فى اعلان قبل ما ابيعها بيوم :




العربية محترمة و ثابته و صاجها جامد جدا بالمقارنة باى عربية كورى
و زى ما بقولك نص التاكسيات فى السعودية النترا موديلات 2004 -2005 -2006 الى هيه الشكل ده و ماشية فوق 300الف كم و مش بتشتكى

بس المشكلة ان فراملها مش جامدة بس خلى بالك انا كنت بامشى هناك معظم الوقت فوق سرعة 100 ( و انا سئلت سواقين تاكسى كتير هناك معاهم نفس العربية علشان اتاكد انه مش عيب فى عربيتى بس و انها مشكلة عامة فى الموديل ده ) بس انا كنت ماشى بكاوتش كومهو يمكن لو الكاوتش اتغير فعلا يكون اداء الفرامل افضل شوية

على فكرة انا بقالى 20 سنة باركب عربيات و فعلا العربية دى فراملها نص لبة و كان معايا قبلها مازدا 3 فى الامارات و كانت فراملها احسن من الالنترا مليون ترليون مرة





مركز تحميل نايل موتورز


مركز تحميل نايل موتورز

يا عزيزي بيبان من طريقة الرد إذا كان الكاتب حاله من الحالات الخمسه دول
- إمتلك العربية
- جرب العربية ولم يمتلكها
- أحد معارفه امتلكها وقاله ع اللي فيها
- أحد معارفه حكاله على معلومة ولم يمتلكها
- أو واحد من النت قاله ع اللي فيها وميكونش جربها من أساسه :d

وعموما قد بقول قد تكون المشكلة في الكاوتش وفي الأول والآخر الأمر راجع للتست درايف
وألف شكر ليك بجد ع الإفادة اللي حضرتك أفدتني بيها
مستني بقى واحد كان معاه السيراتو ويقول ع اللي فيها من مميزات وعيوب للنطق بالحكم :d

المشاركة الأصلية كتبت بواسطة ma7amadk

كلامك فعلا مظبوط.. نوع وجودة الكاوتش بعتبرها من أهم الحاجات في العربية والمكملة لدايرة الفرامل
وبالنسبة للاتوماتيك انا مليش فيه أصلا ومش بدور غير على مانيوال... ومن الأسباب اللي خلتني أصرف نظر عن المازدا 3 اني مالقتش منها مانيوال :d
وبالنسبة للميزانية فهي كانت في التمانينات بس دلوقتي بقت في حدود 60-65 لظروف استجدت حاليا
ودايرة البحث ضاقت لحد ما وصلت للعربيتين دول ومتحيز بصراحة للالنترا بس خايف من موضوع الفرامل ده
عشان في كلمتين بيرنو في دماغي بقالهم سنين
كااااااااارك..... دوووووس .... كااارك .. دوس :d

في رنج السعر الي بتتكلم فيه 65 الف يركبوك اجدعها النترا مانيوال مفيش مشاكل اركبها مش هتدايق في حاجه بالعس النترا المانيوال انا قعدت معايا 3 ايام كانت جميله

كارك دوس دي كلمه هتسمعها في كل العربيات حتى العربيات الي فيها abs برضو لازم يكارك ويدوس لان ال ABS مش بيقولي الفرامل هو يادوب فقط بيكارك مكانك عشان الكاوتش ميتزحلقش انما انت لو متجه بسرعه كبيره وعايز تقف ودوست فرامل مره وحده وفيها اي بي اس العربيه هتهدى مش هتقف انما لو دوس تاني فرامل الفرامل هتاخد قوتها

تصدق بايه لسه امبارح C200 لابس قدامي مطب وهو مكنش معدي 70 اساسا وشايفه داس فرامل مره وحده قدام المطب ولبسه برضو

العفشه الخلفيه منفصله وجميله جدا اكسات و المساعد جواه السوسته مش زي الموديلات الجديده المساعد قدام او ورا السوسته

الفرامل عاديه بس اعتقد الموديل الي فيه abs من السيراتو سكاكين

المشاركة الأصلية كتبت بواسطة عصام غنايم

على فكره انا من الناس اللى بتحب الموديل ده

صحيح هو شكله غبى بس جميل

مممممممممممم شكله غبى بس جميل ؟
عموما دى أذواق بس مفيش اتنين يختلفوا على إلنترا الشكل القديم 2005 إنها غاية فى الأناقة وروعة التصميم يعنى ع الأقل خالص اللى مبيعجبهوش شكل العربية دى بيقول إنها عادية أو مقبولة :)

المشاركة الأصلية كتبت بواسطة حماده المصري

في رنج السعر الي بتتكلم فيه 65 الف يركبوك اجدعها النترا مانيوال مفيش مشاكل اركبها مش هتدايق في حاجه بالعس النترا المانيوال انا قعدت معايا 3 ايام كانت جميله

كارك دوس دي كلمه هتسمعها في كل العربيات حتى العربيات الي فيها abs برضو لازم يكارك ويدوس لان ال abs مش بيقولي الفرامل هو يادوب فقط بيكارك مكانك عشان الكاوتش ميتزحلقش انما انت لو متجه بسرعه كبيره وعايز تقف ودوست فرامل مره وحده وفيها اي بي اس العربيه هتهدى مش هتقف انما لو دوس تاني فرامل الفرامل هتاخد قوتها

تصدق بايه لسه امبارح c200 لابس قدامي مطب وهو مكنش معدي 70 اساسا وشايفه داس فرامل مره وحده قدام المطب ولبسه برضو

قعدت معاك 3 أيام؟؟؟
وبعتها بسرعة كده ليه

وبالنسبة لكارك ودوس دي أقصد إني كنت بسمعها بمعدل كل أسبوعين أو أربعه لمشاكل في دايرة الفرامل نفسها في عربيتي
وكل ما حاجه تتصلح حاجه تانية تبوظ
وكانت معايا برضو مرسيدس 280sel زمان وكانت في قمة الروعة............... إلا فراملها
دايما كانت تطلعلي فيها بلاوي لحد في مرة الفرامل قطعت على سرعة 130 وطلعت ع الرصيف وخيشت في عمود نور وشرخت الموتور :(
بس الحمد لله على كل شئ

المشاركة الأصلية كتبت بواسطة عصام غنايم

على فكره انا من الناس اللى بتحب الموديل ده

صحيح هو شكله غبى بس جميل

وبالنسبه للفرامل فدى نسبه وتناسب

يعنى انت بتقيس فرامله على ايه ؟

سؤال للناس اللى امتلكت الموديل ده

هى العفشه الخلفيه متصله ولا منفصله ؟

كمان الفرامل ورا سكينه ولا طبل ؟

بالنسبة لي كمقياس شخصي
قوة الفرامل بتعتمد على المسافة اللي هتقف فيها العربية من سرعة 100كم للصفر
بدون ما العربية تزحف أو الكاوتش يقفش بمعنى أصح
وفي نفس الوقت مقدار نزول دواسة الفرامل أد إيه
أنا مش عامل ليها حسبة معينة أو بأرقام مثلا
هي مجرد بالتجربة