كنت عايز أسأل على حاجة في البونتو ايفو
هو الموتور بتاعها 8 صباب و لا 16 صباب؟؟
اللي بشوفها بتنزل بره 77 حصان بتكون 8 و تقريبا اللي هنا بتكون 77 حصان برده فهل دا صح و لا ايه؟
ممكن حد يفيدني؟
عرض للطباعة
كنت عايز أسأل على حاجة في البونتو ايفو
هو الموتور بتاعها 8 صباب و لا 16 صباب؟؟
اللي بشوفها بتنزل بره 77 حصان بتكون 8 و تقريبا اللي هنا بتكون 77 حصان برده فهل دا صح و لا ايه؟
ممكن حد يفيدني؟
1368 c.c
8 valve
4 cylinder inline
77 hp
دي قلة أدب اما عربية زي دي تنزل 8 صبابات بس !!
انا برده مستغرب 1400 و 77 حصان
ما اختلفناش بس بره العربية دي بتنزل بالموتور ده كفئة رخيصة و بينزل ال 16 صباب !!! لكن انها بالسعر ده و 8!!
هو فعلا مش مفهوم ليه الوكيل مش بيجيب الموتور ال starjet
الموتور ده فيات بطلت تعمله أصلا, :pffft:
وتم استبداله بمواتير الـ1.4 MultiAir SOHC 16v بيطلع 105 حصان, (أعتقد هو ده اللى الأخ aboyehya يقصده)..؟؟!!!
التطوير اللى حصل (عشان الناس تعرف ان الملتى-اير ده فعلا Breakthrough) وهيغير مفهوم صناعة المحركات:
- الموتور القديم 1.4 Starjet DOHC 16v بيطلع 95 حصان/6000 rpm, و عزم 128 نيوتن/4500 rpm
(وخد بالك من 4500 rpm للعزم دى.. دا كده موتور يابانى-كورى, مش موتور أوروبى.. وفيات كمان).
التسارع بتاع الجراند من 0-100 كان 12.5 ثانية.
- الموتور الجديد 1.4 MultiAir SOHC 16v بيطلع 105 حصان/6500 rpm, وعزم 130 نيوتن/4000 rpm, وأكثر من 80% من العزم متاح أقل من 2000 rpm
التسارع بتاع الأيفو من 0-100 بقى 10.8..؟؟!!!
ومحدش يقولى ان الـ2 نيوتن فرق فـ العزم, هما اللى عملوا فرق التسارع الكبييييييييير ده..؟؟؟!! :redeye:
الصراحة أنا ليا رأى قد يختلف معايا فيه الكثيرين..!!
الموتور الـ1.4 SOHC 8v 77HP هو أفضل اختيار ينزل فـ مصر.. ليـــــــــــــه؟؟!!!
حط نفسك مكان أوماترا (وفيات نفسها).. هتلاقى عندك اختيارين مفيش غيرهم:
1- الموتور الـ77 حصان, أقتصادى.. ضريبة أقل, سهولة التشغيل والصيانة.. وبيشتغل 92 عادى, + ان اداؤه متوسط على العربية.
زى الـ1.6 SOHC 8v 102HP على الجولف والليون؟؟ مش شرط عشان الشركة (VW أو فيات) عندها مواتير أعلى.. يبقى لااااااااازم ينزلوه.
2- الموتور الـMultiAir الجديد.. سواء الـ105 حصان N/A, أو الـ135 حصان تربو.. بس دول:
بنزين 95-98, زيوت Fully-Syn بمواصفات عالية.. + أهم حاجتين:
- سعر العربية هيرفع قد أيه؟؟أعتقد عشان كده اختاروا الموتور ده, فيات Euro نفسها لسه بتنزله..
- هل أوماترا هتقدر تتعامل من تكنولوجى معقدة أوى كده, حتى بالـTraining للمهندسين والفنيين؟؟!!!
ومش معقول أوماترا هتنزل الموتور 1.2 SOHC 65HP..؟!! مش ناقصة :alien42:
regards,
i agree
but multiair in egy ?
i doubt
كلامك جميييل يا مصطفى بس انا مش متفق معاك في نقطه الموتور ال 77 حصان.....انا شايف اداؤه بالنسبه لحجم العربيه ما يزيدش عن متوسط لمتوسط مرتفع.....انا بتكلم في نقطه الاداء مش استهلاك البنزين...مع ان الاستهلاك ماهواش برضه المميز اويزززخصوصا ان اللي معاهم العربيه بيحاولوا يعوضوا نقطه التساؤرع دي بانهم يطولوا عالغيارات فالاستهلاك بيزييد.....انا كان متوسط الاستهلاك عندي وصل في فتره 9.6 ل لكل 100 كم !!!!
بس العربيه جمييله :):)
انا بقارن بينها و بين السيريون الحقيقة و لسه مش عارف آخد قرار
خصوصا السيريون ال 1500 موتورها قوي جدا
انا على قد حالي و بفكر في ال pk1
و الصراحة السيريون مع أخويا بس ال 1300 و بصراحة لأ تقارن بالايفو
العربية السيريون ال GLX شكلها حلو عشان بتنزل بالكاسيت بتاعها مش زي ال GL
هو فرق بس في اوبشنز الأمان اللي فارق معايا
لكن كسواقة و اداء السيريون رائعة بس معتقدش انها افضل من البونتو تقريبا زي بعض :)
سؤال و معلش اسألتي كترت
هي الايفو تقفيل ايطالي و لا تقفيل صربي؟؟
الايفو ايطالي
الكلاسيك هي اللي صربي اعتقد
في اباظة اوتو بيقولوا الايفو صربي برده
محتاج تأكيد :)
الايڤو ١٠٠٪ إيطالي
السيريون تفرق عن الايفو في الموتور بس...سواء ال 1300 او ال 1500
غير كده الايفو طبعا
حاجه كمان السيريون 4 ازاز كهربا
howa el easytronics beta3ha fe 3eyoub wala lesa mazaharsh !!!