الموضوع: تقرير مفصل عن الفيرنا بعد صيانة ال 40,000 كم

المشاركة الأصلية كتبت بواسطة Ashraf_Ibrahim

ازيكم يا شباب أخباركم ايه
النهردة ربنا أكرمني وعملت صيانة ال 40000 كم لفرنتي العزيزة
مبدئيا تعريف بسيط لزوزو حبيبة قلبي
هي موديل 2010 عدادها حاليا عامل 42500 كم -اتأخرت شوية في صيانة ال 40000 كم عشان الحالة كانت مزنقة شوية -
المهم نزلت اشتريت فلتر هوا ACDELCO ب 22.5 جنيه
بوجيهات NGK اتنين شمعه ب 75 جنيه
فلتر بنزين ب 25 جنيه
جركن مياه خضراء موبيل ب 67 جنيه
3 عبوات زيت فتيس شيل 80/90 العبوة ب 18 جنيه
وعملنا الصيانة الحمد لله
تقرير عن السيارة:-

*الموتور : يعطيك احساس استخدام سيارة مثل الفيرنا أنك تتحكم في الطريق من حيث القوة وأنك قادر على التسارع بصورة فجائية متجاوزا كل من هو حولك
لا زال الموتور بنفس حالته وتسارعه رائع جدا بعد استخدام بوجيهات اتنين شمعه بدلا من شمعة واحدة وفي لحظات يمكنك الوصول ل 150 وما بعدها -معملتش اختبار تسارع حقيقي لكن بالتقريب ليس الا
يعتبر موتور الفيرنا وسهولة التعامل مع الاجزاء الميكانيكية له من اسهل وأفضل ما يميز الفيرنا

*العفشة:
عفشة الفيرنا من العفشات الطرية التي تعطيك احساس النعومة على الطريق وتقلل من احساسك بالمطبات على السرعات المنخفضة لكن هذا ينعكس سلبا على ثبات السيارة على الطرق على السرعات العالية وهو ميزة وعيب من كلا الجانبين

*الثبات:
ثبات السيارة ممتاز فيما تحت ال 120كم ولكن بعد ذلك تشعر بخفة وزن السيارة بصورة كبيرة ويزداد احساسك بمطبات الهواء على الطرق ولكن من زيادة حمولة السيارة -عدد الافراد- يزداد ثباتها ليصبح جيدا حتى سرعة 150 كم وهو ثبات رائع جدا

*القدرة على المناورة:
السيارة رائعة جدا في المناورة حتى 120 كم -انا شخصيا كنت اتخطى السيارات مع تغيير الحارات على الطرق على سرعة 160 وكانت معقولة لحد كبير لكن الغلطة بفورة زي ما بنقول - لذلك تعتبر السيارة جيدة جدا فيما تحت ال 120 كم

*الفرامل:
الكثير يعيبون على الفيرنا على ضعف فراملها ولكن الحقيقة عكس ذلك
مشكلة الفيرنا تكمن في شيئين لا ثالث لهما
الأول وزن السيارة الخفيف نسبيا مع هذا الموتور القوي جدا
الثاني عدم قدرة السائق على التعامل مع الفرامل
من مواصفات الفرامل الجيدة القدرة على الوصول لمرحلة الانغلاق التام -يعني الكاوتش يكسح منك ويكلبش زي ما بنقول بمصطلحاتنا الدارجة او يصرخ منك - هذا ان تم فهذا يعني ان منظومة الفرامل جيدة
اذن هذا يحدث في الفيرنا فالرامل جيدة
لكن مع الوزن الخفيف لجسم السيارة يصبح توقفها شيء صعب
إذا ما العمل.؟!
اولا استخدام الفرامل مع وضع الفتيس في حالة التعشيق حتى تستفيد من الفرملة الاوتوماتيكية للموتور
ثانيا الضغط على الفرامل ولكن ليس للمرحلة التي تجعلها تصل للانغلاق التام ولكن تضغط على الفرامل بكل قوتك دون ان يحدث انغلاق تام وبالتالي تقوم بعمل ال ABS بصورة يدوية ومن ثم تحصل على اقصى استفادة من الفرامل
ثالثا سقط نقلات لو لقيت انك محتاج تقف اسرع بمعنى سقط نقلات عكسية ودا انا بعمله ومفيش منه مشكلة لا تقلقوا

*ارتفاع السيارة عن الأرض:
السيارة مويلات 2010 وما بعدها تم تعديل ارتفاعها عن الارض وتم رفع الشكمان الخاص بها وبالتالي أصبحت أفضل وأصبح من الطبيعي ان يركب بها 4 أضخاص وتتجاوز المطبات بكل سهولة ودون أي مشاكل

*استهلاك البنزين:
داخل المدينة مع استخدام المكيف تستهل تقريبا 20 ليتر بنزين لكل 180 كم
على الطرق السريعة بمتوسط سرعة 100 كم يمكن ان يتكون الاستهلاك 45 ليتر بنزين لكل 550 كم

العربية بقالها معايا تقريبا سنتين حاليا
عملت بيها في خلال الفترة دي 42500 كم
هي جيدة جدا وممتازة ومبتقولش لا الحقيقة
تجري بتجري معاك وعندها استعداد تفترس اي عربية على الطريق معندهاش مانع مطلقا انها تلحق الهزيمة بأي سيارة في نفس فئتها من حيث التسارع ولكن على الطرق السريعة المستقيمة او ما يطلق عليه ال drag race
ليست سيئة في المناورة ولا في العفشة ولا في الفرامل فالفرامل جيدة جدا
كسيارة مدينة فهي رائعة ويمكن أن تحصل على تقييم 8/10

كلام تمام التمام ..
وعلي فكرة انا كمان با اعمل كده ( انا عربيتي اوتو )
فعلا في القيادة ممتازة وبالنسبة للفرامل با استخدم ( وداني وعيني علي عداد لفات الموتور والسرعة علشان انقل علي 2 بسهولة علشان الاستفادة من تعشيق الفتيس بالموتور )
دة يعني بعد تمرين 4 سنين سواقة اوتو علي الفيرنا

ولسة مغيرلها حاليا هيا في 93.000 الف
زيت فتيس valvo lifemax 10000 العلبة ب 75 جنية
وغيرتلها طقم فرد كاوتش الماني
والحمد لله ربنا يدمها نعة

يا راجل......بعت القضيه و حطيت 5 هههههههههههههههههههههههه.. ....انا نويت و ربنا يسهل هتصل بيهم و اجيب ابو 75 ........مش متخيل احط ‏5 و الاقي العربيه سحبها ضعف.....اموت ساعتها وقتي

تسلم ايدك يا بشمهندس وربنا يديك خيرها ويكفيك شرها وشر طريقها

انا عربيتي عامله 43 الف كيلو موديل 2009 كنت عايز اغيرلها زيت فتيس بس طبعا انا بعمل شغل عربيتي كله بره التوكيل كنت عايز اعرف بقا احسن مكان اغير فيه زيت الفتيس بدون اي مشاكل اغيره فين

تقرير رائع ومتميز الف شكر

شكرا يا أشرف علي التقرير المتكامل ده و أيوه كده عايزين من ده علي طول
ربنا يخلي لك عربيتك و يحفظها لك من كل سوء و يكفيك شر الطريق