تقرير مفصل عن الفيرنا بعد صيانة ال 40,000 كم

**mazagngi2010** · 09-03-2012 04:28 PM

على فكره انت من اهم اسباب اقتناعى بالعربيه دى بالاضافه للعربيات اللى بشوفها فى الشغل عندنا اللى ماشيه 200 الف ولسه الله اكبر عليها

**Ashraf_Ibrahim** · 10-03-2012 02:29 AM

المشاركة الأصلية كتبت بواسطة mahmoud_afifi

يا تقاريرك يا بكوغتي :d
كده هتخلي الناس كلها تجيب فيرنا ياعم ويسيبوا باقي العربيات ;)

بتحرجني يا حودة :d
يابني الفيرنا عربية رائعة جدا في حدود استعمالاتها
مينفعش اقرانها بحاجة اعلى منها واقول عربية وحشة
لكن في فئتها هي عربية لا يعلى عليها !

المشاركة الأصلية كتبت بواسطة semi

تقرير اكثر من رائع اشكرك جدا

ياريت تنصحني هل ممكن اعتمد فعلا على الفيرنا
انا سمعت ان العشفة مش تمام وان الموديلات الجديدة التقفيل بتاعها بقى مصري في غبور
ياريت تفيدني

طول عمر الفيرنا بتتجمع في مصر -غبور بدأ تجميع الفيرنا في مصر من سنة 2003 -
التقفيل مش بالجودة المطلوبة فعلا بس دا بيظهر في التقفيل للصالون الداخلي انما كموتور وعفشة وميكانيكا هي على اعلى ما يمكن
تقدر تعتمد على الفيرنا زي مانت عاوز بس هتستعملها في ايه؟!
يعني ايه اولوياتك في العربية ؟!
العفشة جيدة مش سيئة مطلقا واعتقد اني اتكلمت على مميزاتها !

المشاركة الأصلية كتبت بواسطة kareem fawzy

ايوة بقااااااااااا هو دة الكلام
اللى ينور يا اشرف شغل عالى قوى
القسم فرق كتير يا جدعان :))

تسلم يا كيمو

المشاركة الأصلية كتبت بواسطة pedooooo

العربيه دى معايا بقالها خمس سنين من 2007 و عامل بيها لحد دلوقتة 365 الف كيلو و بجد حالتها تمااااااااام جدا و لسه مجرب التسارع بتاعها و سحبها امبارح بس بجد شرفتنى اوى

بسم الله ما شاء الله
ايوة كدة بحب الأرقام العالية دي اللي بتثبت كفاءة المارد الكوري وصموده على الطرق :d

المشاركة الأصلية كتبت بواسطة pedooooo

لا يا باشا ولا عمره ولا حاجه الحمد لله
بس ماشى على الصيانات ف معادها مش بخليها محتاجه حاجه
بس مره واحده سخنت منى و غيرت جوان وش سلندر
كل حاجه ف الموتور زى ما هى و العفشه متغيرش فيها اى حاجه و زى الفل:s_thum1[1]:
الحاجه الوحيد اللى مزعلانى ان البوهيه كشفت من الكبوت

ما شاء الله
شيء رائع فعلا
ربنا يحفظهال كيا رب ويديلك خيرها يا رب

المشاركة الأصلية كتبت بواسطة mazagngi2010

على فكره انت من اهم اسباب اقتناعى بالعربيه دى بالاضافه للعربيات اللى بشوفها فى الشغل عندنا اللى ماشيه 200 الف ولسه الله اكبر عليها

تسلم يا مزجانجي
منور الموضوع والله