حبايب المازدا ,وحشتونى و ساعدونى فى الكبالن الداخلية :((

**Thebutcherr** · 06-03-2012 10:09 AM

صباح الخير حبايب المازدا
وحشتونى يا ولاد الاية اما كنت عقبال عندكو بتجوز فا كنت مشغول اوى مرحلة الدعك و التجهيز و الجواز و السفر و كدة بس رجعت تانى اهو الحمد لله

المهم قبل الجواز و انا بعمل صيانة ال 80 الف غيرت كل الفلاتر و بوجيهات و خلافه و قلت ابص على العقشة علشان ربنا اعلم بعد الجواز هلاقى وقت و فلوس ولا لا!!

كان عندى مقص واحد فيه بيضة عاوز يتغير و جلبتين و كدة قمت اتهبلت و غيرت العفشة كلها بقى من مقصات و مساعدين و ميزان امامى و خلفى على بارات دريكسيون ........ و كان تفكيرى مثلا ان كدة كدة المساعدين هتتغير على ال 100000؟!! و اغير مقص و مغيرش التانى؟؟؟!!! و لو فى بارعاوز يتكبس منغير الطقم كله و نخلص
و بلية خشنة سيكة نغيرها !!
طب اجيب تيل جديد من غير طنابير ؟!! ده حتى الناس تاكل وشى!!
طب اغير الكاوتش من غير مجيب جنوط 16 بدل ال15؟!

و نقطة الجنزط دى مهمة جدااااا انا ندمت ندم السنين و التنين انى غيرت ال15 بال16 مع ان ال15 كانت سبور اصلى,تخيلو ثبات ال15 احسن بكتييييييييير و العفشة كانت انعم بكتييييررر نصيحة لاى حد بيفكر : بلاش!!
المهم ربنا كرم و على فكرة قطع الغيار بقة فيها تنوع مش زى الاول يعنى الفلاتر فية مازدا و يابانى و صينى و امريكانى و اوروبى
العفشة فى مازدا و يابانى و تايلاندى و تايوانى و بقى فيه كبالن خارجى بتتباع لوحدها
انا بعدت فى العفشة عن الغير اصلى بس الفلاتر جبت الاوروبى
انا طبعا عملت مقارنة اسعار و هعمل بيها موضوع ان شاء الله

المساعدة اللى طالبها منكم انا محتاج كبالن داخلية لان عندى مشكلة رعشة غلسة من سرعة 40-60 و من 80 الى 90 بسببها , الكبالن الخارجى زى الفل مافيهاش الهوا و دى ملهاش سبب معين هى بتيجى لاى عربية غالبا من السرعة الطوالى يعنى تسافر على سرعة عالية طول الطريق بس برده هى بختك يابو بخيت
لكن مشاكلى فى الداخلى و طبعا مش هنزل اجيب كبالن كاملة سواء استيراد او جديد عشان اخد منها الداخلى بس؟؟؟!!!
الرعشة غلسة جدا و خايف تبوظلى العفشة خصوصا ان معظم مشاويرى دائرى فسرعتى غالبا على80 الى 90
فلو حد غير كبالن قبل كدة و عنده القديم او يعرف حد غير ممكن اشترى منه الكبالن الداخلى,ساعدو اخوكم الجزار
يا ريت محدش يطنش يا رجالة ,مستنى ردكم
و انتظروا اسعار و انواع قطع الغيار

**Thebutcherr** · 13-03-2012 05:33 PM

هو فيه ايه؟!!! انتو فين

**WalidAdel** · 15-04-2012 04:19 AM

انا موجود اهو ياباشا
واحد من ملاك المازدا الجداد لانج بقي مابقليش يومين يعني
انا عندي نفس المشكله بتاعة الرعشه اللي علي ال80 -90 دي و مش عارف اذا كانت من الكوبلن (عندي طقطقة كبالن في الفرده الشمال) ولا من الكاوتش ... انا كده كده كنت هاروح سمارت اعمل كشف لاني ليسه شاري العربيه طازه و مش عارف فيها ايه
فلو حضرتك حابب ممكن نتقابل و نكشف نشوف هل فعلا كوبلن خارجي ولا داخلي ولا من الكاوتش و لو ينفع نشتري سوا الكوبلن و انت تاخد اللي انتي عايزه وانا اخد التاني (لو هايمشي عندي) يبقي فل اوي

**Magdyahassan** · 17-04-2012 05:33 PM

الاخ الفاضل شادى اتصلت بيك علشان اشكرك على مساعدتك لى.
الحمد لله اشتريت تقريبا كل مااحتاج من شارع دمشق واشكر الله ان جعلك سببا فى ذلك
ادعوا الله ان يوفقك فى موضوع الكبالن وشكرا جزيلا لك

**WalidAdel** · 17-04-2012 06:03 PM

المشاركة الأصلية كتبت بواسطة thebutcherr

شوف يا ريس مبدئيا رصص العجل عند حد عنده ترصيص حصان , انت ساكن فين؟

انا من ساكني مصر الجديده ياباشا و و هاروح ان شاء الله اغير فردتين ورا و ابص علي الكاوتش اللي قدام عند بردجستون العبور و لو قالي يمشوا هاروح ارصصهم عند بنزينة موبيل اللي علي طريق النصر (نادي الزهور) عنده الحصان ده و نشوف كده ايه الكلام

**Thebutcherr** · 18-04-2012 10:13 AM

استاد مجدى المحترم انا اسف لو مردتش عليك اتشغلت فى مليون الف حاجة ان شاء الله تكون اتوفقت و احكلنا جبت اية بكام عشان نستفاد

**Thebutcherr** · 18-04-2012 10:17 AM

و لو عندك يكبلن خارجى يا وليد باشا دلوقتى بيتباع لوحده جديد فى دمشق يابانى و تايوانى مش فاكر السعر بس فى حدود 450 جلدر فا مش لازم تجيب كوبلن كامل

**Magdyahassan** · 18-04-2012 06:41 PM

استاذ شادى شكرا على ردك وربنا يكون فى العون.انا اشتريت الاتى
2 فانوس امامى تايوانى 800جم
فلتر بنزين 80جم
فلتر تكييف 90جم (بعد ماغيرته التكييف فرق بصورة غير طبيعيه)
طقم بوجيهات60 جم
سير المجموعه 130جم
صوابع ميزان خلفى المانى 300
الاسعار دى بعد الفصال
تحياتى ليك والسلام عليكم

-

-

الموضوع: حبايب المازدا ,وحشتونى و ساعدونى فى الكبالن الداخلية :((

LinkBack

أدوات الموضوع

عرض

حبايب المازدا ,وحشتونى و ساعدونى فى الكبالن الداخلية :(( - انشر الموضوع فى :

-

-

-

-

-

المواضيع المتشابهه

ما هى اعراض تلف الكبالن الداخلية

هل هى الكبالن الداخلية

اولا وحشتونى موووت.. ثانيا.. ساعدونى

الكبالن الداخلية ..... ياريت نبذة من اخونا سبعاوى

الكلمات الدلالية لهذا الموضوع

المفضلات

المفضلات

ضوابط المشاركة