انه زمن الهتش ....... باك

**shaddadfalcon1** · 06-03-2012 08:23 PM

احلي حاجه في الموديلات الجديده من ميرسيدس ان كل فئه ليها شكل منفصل تماما من جوه ومن بره علي عكس بي ام الي عربياتها كلها تقريبا من بره ومن جوه نفس الشكل مع اختلافات مش اي حد يجيبها

**graffittiii** · 06-03-2012 09:21 PM

.
عاش ... الأودي أجمدهم شكلا في رأيي ...
مشكور يا horas بيك ..
.

**horas3000** · 06-03-2012 11:48 PM

المشاركة الأصلية كتبت بواسطة alnmr79

يا ريت تنزل الااسترا 2012 التربو 180 حصان 1600 سى سى معاهمعلشان تكمل مجموعة الهاتش باك الالمانى وخاصة انها متوفرة فى مصر بسعر معقول

في راي الاسترا و الجولف في فئه سعريه اقل من دول بفرق ملحوظ
و المقارنه ما بينهم صعبه
دي البي ام ال 116 بتبتدي من 235 الف يعني اعلي من الجولف الهاي لاين
و طبعا المرسيدس و الاودي معدين الرقم ده

المشاركة الأصلية كتبت بواسطة m_kamal

التلاتة يا باشا تحف فنية ...
المرسيدس اكتر واحدة شكلها مميز و خصوصا الشبك الامامى بس مش عاجبانى قوى الابعاجات اللى على الجوانب بتفكرنى بالهيونداى الجديدة .. بس اتعودنا ننا مانقولش راينا النهائى غير لما نشوف العربية على الحقيقة .....

الاودى اكتر واحدة كلاسى
و البى إم قشطة يعنى ماجبوش جديد

طبعا زى ما انت قلت العربيات دى هتوفر متعة القيادة لناس كتير و خصوصا لو اتجمعت فى مصر
... خلى الشعب يعيش :)

متفق معاك طبعا يا زعيم
و الانبعاجات دي هي اللي مدياها منظر بصراحه و شايف انه مع لون كويس هتبقي شيك جدا
و فعلا الاودي تحسها اكترهم رصانه علي غير العاده بس برضه فيها شراسه كده
و طبعا البي ام زي ما قلت شايفها اوحشهم

و يا باشا انهي شعب اللي هيعيش ده
ده البي ام ال 116 بتبتدي من 235 الف جندي
يعني المرسيدس و الاودي حتما معدين الرقم ده بفرق لا باس بيه

المشاركة الأصلية كتبت بواسطة mohdamin18

الـa class شبه الابيزا لية كدا ؟؟!!!

مش شايف اي شبه بينهم بصراحه

المشاركة الأصلية كتبت بواسطة SYD

يا سلام ؟؟؟؟
وهي مالها الأبيزا يعني ؟؟
ماهي بردو الماني

شكرا لصاحب الموضوع

بس ياريتك كنت حطيت معاهم الجولف (الملك المتوج علي عرش السيارة الهاتشباك)
وصور الأبيزا بعد أذنك
احم احم

والله المستعان
،
،

يا باشا هما صحيح هاتشباك زي الجولف بس مش نفس الفئه السعريه ابدا
اديك شايف البي ام ال 116 بتبتدي من 235 الف يعني اعلي من الجولف الهاي لاين
و طبعا المرسيدس و الاودي معدين الرقم ده بكتيييير

المشاركة الأصلية كتبت بواسطة Anxs111

أخيرا مرسيدس فهمو الدماغ بتاعت الهاتش باك بدل الأشكال الغريبة بتاعت إل إيه كلاس وإل بي كلاس اللي بتنزل من ساعة ما عملوا الفاه الهاتش باك ...

المره دي الإيه كلاس شكلاها حلو وألماني وعقبال ما يزبطو إل بي كلاس

بالظبط كده
بس للاسف ال B-class لسه نازل منها شكل جديد و هو هو الشكل الاقرب للفان مع انه برضه احسن بكتير من الاول

المشاركة الأصلية كتبت بواسطة mohdamin18

هي عقدة خواجة وخلاص يعني ؟

لا الابيزا الجديدة شكلها مش لذيذ و الإنتريور عااااار على مجموعة فولكس فاجن و العربية دي شبها جداً من برا

متفق معاك من ناحيه طبلون الابيزا بس شوف الهاي لاين الاول و ده مبينزلش مصر
و مش شايف اي شبه بينها و بين المرسيدس بصراحه
السيات زواياها اكتر حده

المشاركة الأصلية كتبت بواسطة shaddadfalcon1

احلي حاجه في الموديلات الجديده من ميرسيدس ان كل فئه ليها شكل منفصل تماما من جوه ومن بره علي عكس بي ام الي عربياتها كلها تقريبا من بره ومن جوه نفس الشكل مع اختلافات مش اي حد يجيبها

لو ركزت هتلاقي مش قوي
هما تقريبا ماشيين ورا خطوط ال CLS مع شويع تعديلات هنا و هنا

المشاركة الأصلية كتبت بواسطة Taiwo

.
عاش ... الأودي أجمدهم شكلا في رأيي ...
مشكور يا horas بيك ..

.

العفو يا زعيم

**SYD** · 06-03-2012 11:54 PM

المشاركة الأصلية كتبت بواسطة mohdamin18

هي عقدة خواجة وخلاص يعني ؟

لا الابيزا الجديدة شكلها مش لذيذ و الإنتريور عااااار على مجموعة فولكس فاجن و العربية دي شبها جداً من برا

عقدة خواجة ؟؟؟!!!!!
علي اساس ان مرسيدس و بي ام واودي محلي ؟؟؟

والأبيزا من برة شكلها تحفة وجريئة جدا ورياضية جدا
من جوة ممكن يكون التصميم فقير لكن الخامات تحفة جدا
وبصراحة الأودي واخدة نفس الروح وطابلوها هي كمان فقير مقارنة بالمرسيدس والبي ام
والأبيزا كفرد في عائلة فولكس لا يستهان بيه تماما ويصنف كنفس تصنيف السيارات العالمية ولا يقل قوة او فخامة او تكنولوجي عن مثيلتها من نفس الفئة بل كمان هي تكاد تكون اغلي عربية هاتشباك نزلت لحد دلوقتي واصولها تتصنف مع المرسيدس والبي ام والأودي وحرام وظلم لو صنفتها مع i10 وبيكانتو
ومش هنروح بعيد
انت لو دورت ورا اودي هتلاقيها واخدة الفتيس الdsg بتاع فولكس وشاسيه وموتور وعفشة الجولف
وما كانت الTT ببعيد
الأودي TT واخدة شاسيه وموتور وفتيس وعفشة النيو بيتل
الأودي A4 دايما واخدة شاسيه وموتور وفتيس وعفشة الجيتا
كما هو الحال مع سيات
وسواء سيات او اودي او سكودا فكلهم افراد في عائلة فولكس فاجن

وبرجاء انتقاء الألفاظ قبل الرد لأن الموضوع (مقصود موضوعي انا وانت محل النقاش وليس الموضوع نفسه) مش مستاهل ومش بالأهمية الكبري انك تصف احد المشاركين بانه معقد عقدة الخواجة ولو كان الموضوع معمول عشان حضرتك فقط وعشان حضرتك فقط تبدي رأيك فيه وتنتقد المرسيدس الa كلاس بانها شبه الأبيزا العااار فكان من الممكن توضيح ذلك من اول مشاركة او كان اتبعتلك علي الخاص في حين اني اشك في ذلك لأنك لم تشارك بأي أضافة او حتي شكر لصاحب الموضوع علي مجهوده في البحث والتنسيق والجمع ورفع الصور

تحياتي مرة اخري لصاحب الموضوع

والله المستعان
،
،

**horas3000** · 07-03-2012 12:01 AM

المشاركة الأصلية كتبت بواسطة horas3000

لو ركزت هتلاقي مش قوي
هما تقريبا ماشيين ورا خطوط ال cls مع شويع تعديلات هنا و هنا

اسف قصدي ال sls

**Donzi** · 07-03-2012 01:16 AM

الاودي من برة احلى واحدة و المرسيدس من جوة صباح التعقيد خصوصا السقف البانوراما

البي ام مش قد كدا مقارنة بالاتنين التانين

**el_nahal2004** · 07-03-2012 02:06 AM

والله انا شايفهم كلهم اجمد من بعض ماشاء الله
يارب اوعدنا بالحلال

**SYD** · 07-03-2012 04:08 AM

أجمل شئ في الأوروبي بوجه عام والألماني بوجه خاص ان كل عربية وليها طابع مميز ليها لا يتقابل او يتفق مع عربية تانية
وكل عربية وليها مذاق ومميزات عن الأخري

البي ام ليها عشاقها او زي مابيقولوا الركيب بتاعها
المرسيدس هكذا
الفولكس هكذا (اقصد الأودي)

لكن صعب تجد عربيتين متشابهتين في التصميم وخصوصا لو كانوا لشركتين كبار زي مرسيدس وبي ام

انا من وجه نظري ان البي ام مش سيئة في التصميم للدرجة الي الناس هنا صوروها بيها
هي كل ماهونالك محتفظة بنفس خطوط اللتصميم بتاعة الشيب عشان ماتشزش عن باقي الموديلات لنفس السنة واعتقد دة ملحوظ لكل عربيات بي ام علي مر السنين والأشكال لكل الفئات

يعني لو مسكنا موديل 84 هتلاقي التشابه واضح جدا في كل الفئات 316 - 525 - 740
ولو مسكنا موديل 92 هتلاقي نفس الروح في كل الفئات
وهكذا 2012 هتلاقي كل الفئات نفس الشكل
ودة في حد ذاته تميز وليس عيب
ولكن العيب الحقيقي اني اشوف بي ام وابقي مش عارف من اختلاف تصميمها هي لأنهي سنة او افتكرها مثلا مرسيدس لتشابهها الغير عادي معاها

تقبلوا مروري

والله المستعان
،
،