ياجماعة بجد ماينفعش كدة كل الاقسام حوالينا فى تطور وبتحاول تعمل افكار وتطبقها فعليا

واحنا ماشاء الله علينا مابندخلش على القسم اصلا غير واحنا عايزين حاجة وبنزعل اوى لما محدش يرد علينا ولا يجاوبنا على اسئلتنا

يعنى اعتقد احنا مش بنطلب المستحيل كل واحد طلب انة يكون مشترك فى المنتدى دة اكيد كان لازم يعرف انة هيتعرف ويشارك وكلنا حبينا المنتدى لانة فعلا بيفيد ناس كتير وانا اولكم

لكن يوصل الحال انى مالقيش غيرى انا بس اللى موجود فى القسم وناس مابنشفهاش غير كل فين وفين

يعنى بجد ياجماعة حاولوا تبصوا كدة على الاقسام التانية هتلاقى التعاون واضح ومش كلهم عندهم خبرة بالسيارات يعنى الموضوع مش صعب بس احنا اللى مش عايزين نعمل حاجة ومكتفين بالمشاهدة فقط

حتى المقابلات كل واحد عايز مقابلة تبقى تحت بيتة , واللى مابيجيش خالص وفى الاخر بتصفى على عدد قليل جدا , يعنى مش عرافين الصراحة نقولكوا اية

فى النهاية احب اشكر كل الاعضاء اللى بيساعدوا فى تقديم الافادة للقسم والمنتدى ومابكتفوش بالمشاهدة والاخذ فقط دون اعطاء , وارجو من بقية الاخوة ان يشاركونا فى تطوير القسم وان يكون واجهة للمنتدى واعضاء القسم من ناحية

1- الاسلوب فى التعامل

2- سرعة الاستجابة للمطالب والتطوير

3- مشاركة الاعضاء فى المقابلات , كتابة موضوعات ومشاركات تفيد الاعضاء

يارب تكونوا فهمتوا اللى عايز اقولة واللى هيفهمنى هو دة اللى هيكون داخل المنتدى عشان يستفيد ويفيد

وبلاش الحجة بان مافيش حد يعرف ويخاف يضر اى حد تانى او يقول حاجة غلط احنا مش بنتكلم عن حاجة فنية احنا دلوقتى دخلنا فى النطاق الاجتماعى للقسم