الموضوع: كل الاقسام فى تطور واحنا نايمين فى العسل

الأعضاء فى القسم عندنا من أفضل الناس
بس تلاقى الناس اكيد مشغولة شوية
وكل واحد فى دنيتة
عموما ربنا يصلح الحال ان شاء الله

الموضوع من وجه نظرى بأختصار ، ان معظم المواضيع فى الهوندا متغطية بالكامل شرحا وتفصيلا ، وأى حد بيدور على اى معلومة بمجرد عمل سيرش بسيط بيلاقى المعلومة الى محتاجها، وده طبعا بالاضافة ان اى سؤال او موضوع جديد بيطرح بيكون مردود عليه فورا من اى احد من اعضاء قسم هوندا المحترمين.
بالنسبة للمقبلات اللى انا واحد من الناس اللى مقصر فعلا فيها بس (مش عشان عايزها تحت البيت عندى) فعلا كان عندى ظروف منعنتنى من الحضور ، بس ان شاء الله تتعوض الفترة اللى جايه

انا شايف من وجهة نظرى ان غرض الدخول للمنتدى هو محاولة حل أى مشكلة ممكن الواحد يتعرضلها ......او استفسار ....او طلب مشورة.......
والغرض التانى هو نشر تجربة الواحد بيبقى مر بيها وعايز يفيد الناس .....فا لازم الأعضاء يبقى عندهم مبدأ نشر المعرفة....وأكيد دى ليها ثواب عند ربنا.......غير احساس الواحد انه بيعمل خير للناس
واللى عايز أوضحه كمان ان الناس ماتستهترش بأى تجربة.....حتى لو كانت صغيرة....بس ساعات التجار والسوق بيخدعوا الغلابة اللى زى حالتنا
فا انا بأيد كلام سمسم......لازم نؤمن بفكرة التواجد فى المنتدى والمشاركة فى الموضوعات بدون كسل
..انا عن نفسى عندى كام موضوع لغاية دلوقتى ماحدش رد على.........وبحاول أجيب حلول من مواقع أجنبية تانية عشان أفيد بيها الأعضاء فى نايل موتورز
ونفسى فعلا الواحد يلاقى المشاركة بقت فعالة فى الموضوعات المطروحة ......ونحس بفرق فى الأيام القادمة
والله ولى التوفيق

متهيالى اذا زودتوا المقابلات القسم هينشط وناس قديمه أختفت و جديده كسلت هاتهتم .

فعلاً القسم نايم في العسل وعامل بيات شتوى ومحتاج يفوق وأعضاءه تشتغل طبعاً كل واحد ليه عذره سواء مواعيد شغل وارتباطات عائلية بس محتاجين حتى اللى بيدخل 10 أو 15 دقيقة فقط في اليوم يكتبله مشاركتين أو ثلاثة على الأقل بحيث يكون في نشاط ايجابي داخل القسم

تحياتى للجميع