السلام عليكم اعضاء المنتدى الكرام
امبارح و انا ماشي بالعربية .. كنت واقف في اشارة مرور غبية شويتين .. فضلت واقف فيها حوالي نص ساعة و يا دوب بمشي متر وللا 2 كل 5 دقايق
المتر ده كنت بمشيه بالدبرياج من غير بنزين
المهم بعد ما عديت الاشارة بطلع بالعربية عادي لقيت صوت الموتور بيعلى جامد و العربية مش بتسحب و كنت يا دوب لامس الدبرياج زي ما انا متعود .. لما شلت اللمسة دي من على الدبرياج العربية جرت !! .. و ده كان جديد لان تقريبا كان اول 2 سم من الدبرياج منطقة ميتة في عربيتي أو تأثيرها مش كبير أوي
المهم جربت الموضوع كذا مرة و برده الدبرياج شغله كلة في الربع اللي فوق مش زي الأول
حتى في الغيار بقت العربية تغير بنفس النعومة بضغطة بسيطة جدا جدا على الدبرياج مش زي الأول لازم أنزل ل3/4 المشوار بتاع الدبرياج
و أصبح الربع الأول في مشوار الدبرياج بس أو أقل من الربع كمان هو اللي شغال
حتى لما باجي أطلع العربية بالدبرياج بس مش بيبقى في أي استجابة الا في الربع اللي فوق
و بقيت المشوار بقى منطقة ميتة
و ده طبعا مضايقني جدا في السواقة لاني مش متعود على السواقة بالمنظر ده
حد يعرف السبب ممكن يكون ايه ؟