كاوتش تويو ياباني

**mostafaelhamzawy** · 06-03-2012 06:51 PM

السلام عليكم ورحمة الله وبركاته اعضاء نيل موتورز الكرام انا كنت بدور على كاوتش جديد لعربيتي فسالت كتير ولقيت ماركات كتير لكن طبعا طبقا والميزانية لقيت افضل عرض للكاوتش التويو الياباني فاحب اعرف معلوماتكم عنه او حد جربه يقولنا تجربته معاه وشكرا للجميييييييييييييييع

**sindbad2day29** · 07-03-2012 01:01 AM

هتلاقي ناس بتقول حلو أوي و ناس بتقول وحش أووووووووووووووووي

**mahmoudelkhatib** · 07-03-2012 02:20 PM

أخي الكريم أنا أيضاً كنت محتار جداً في نوع الكاوتش وقمت بالبحث لمدة تزيد عن ثلاثة شهور لشراء أفضل أنواع الكاوتش لأني عملت أيضاً 60000 كم وكنت عايز أشتري Continental لكنه غالي جداً لأني مقاس الكاوتش عندي 15-65-205 وأخيراً وبعد عناء وجهد كبير أبن عمي جزاه الله خيراً (خبرة 30 سنة بالإضافة أنه مستورد مرسيدس و BMW) نصحني بشراء ACHILLES platinum أندونيسي من ممدوح غطاطي تقاطع المريوطية مع فيصل وبالمناسبة ممدوح غطاطي هو الوكيل الوحيد في مصر وكمان المصنع ده كان تحت إشراف Continentalوبنفس الجودة والكاوتش ياجماعة بشفتين شفة داخل الجنط والشفة الثانية بتحمي الجنط ، بصراحة يا جماعة حاجة تفرح. ومش محتاج أقول إن العفشة إتظبطت بعد تركيب الكاوتش . سعر الفردة من المقاس بتاعي كان عامل 545 جنيه بالترصيص وعلى فكرة في ناس كتير سألوني علشان عايزين كاوتش وسألتلهم على المقاس 13-70-175 وكان سعره 300 جنيه للفرده.

**mostafaelhamzawy** · 08-03-2012 03:41 PM

up up

**mostafaelhamzawy** · 13-03-2012 09:21 PM

Up up اللهم انا نستغفرك ونتوب اليك يا ارحم الراحمين

**mostafaelhamzawy** · 14-03-2012 07:04 PM

ايه يا جماعة هو محدش يعرف حاجة عن النوع ده ولا ايه حد يقول اي حاجة طيب ههههه

**rawhany** · 18-03-2012 01:13 AM

المشاركة الأصلية كتبت بواسطة mostafaelhamzawy

ايه يا جماعة هو محدش يعرف حاجة عن النوع ده ولا ايه حد يقول اي حاجة طيب ههههه

بص يا برنس انا مركب اربع فرد تويو ياباني من حوالي 3500 كيلو كدة وكان عندي في الكاوتش القديم فردتين منه وبصراحة محترم قوي وطري اوي بس الحمد لله ما شوفتش فيه عيوب ويارب مايطلعش فيه حاجة

**mostafaelhamzawy** · 18-03-2012 03:34 PM

خالص الشكر للاخ rawhany وربنا يجازيك خير

**Dr/ P.K.Sh** · 18-03-2012 04:01 PM

كاوتش يابانى ممتاز و بتنزل بية العربيات التويوتا

**sindbad2day29** · 19-03-2012 02:34 AM

المشاركة الأصلية كتبت بواسطة rawhany

بص يا برنس انا مركب اربع فرد تويو ياباني من حوالي 3500 كيلو كدة وكان عندي في الكاوتش القديم فردتين منه وبصراحة محترم قوي وطري اوي بس الحمد لله ما شوفتش فيه عيوب ويارب مايطلعش فيه حاجة

و ناس تانيه بتقول وحش قوي و ناشف اوي