الموضوع: انطباعى عن الريو 2012

المشاركة الأصلية كتبت بواسطة bassem_sams

شكرا على هذا تقييم و تقرير سريع مبسط ووافى فى سؤالين هل لما بتحمل بتوطى علشاتن مطبات سؤال تانى فراملها وراء ديسكات و ادؤاءها ايه و ياريت لو شويه صور لصالون عربيه و الف مبروك هى سيدان و لا هاتشباك و الاتوماتيك ست سرعات و لا اربعه

العفو :)
بالنسبه لموضوع انها بتوطي لو حملت عليها انا مره ركبت انا و اسرتي كلها و كانت ما شاء الله ممتازه محستش انها وطيت و مشيت على مطبات و الحمد لله محكتش و لا حاجه
بالنسبه للفرامل اعذرني انا مش فاهم موضوع اللى وراء الديسكات ده :) , بس الفرامل بتعتها مع انها مش ايه بي اس بس ممتازه الحمد لله و اعتقد نفس نظام السيراتو , و فى الغالب العربيات الجديده متسألش عن الفرامل و الكلام ده لانه اكيد هيبقي كويس بس اكيد ال abs افضل و أأمن
العربيه اللى معايا سيدان و الاوتوماتيك اربع سرعات مش سته
و اى سؤال تاني انا موجود

المشاركة الأصلية كتبت بواسطة ahmed_m_ashraf

أشكرك لتحليلك الموضوعى.

بما إن حضرتك وكيل وفول أوبشن أوتوماتيك (ودي الفئة إللى داخلة دماغى), هي إللي مع حضرتك سيدان ولا هاتشباك؟ لأن الغريب إن نفس الفئه دي الهاتشباك فيها أوبشن أعلى حاجة بسيطة من السيدان (مثلا الهاتشباك فيها مرايات ضم كهرباء و إشارات في المرايات), ولو سيدان أخبار حجم الشنطة إيه؟

هما لو ينزلو الهاي لاين (فرامل إيه بي إس و ٢ إيرباج وفتحة سقف) تبقى تحفة. مواصفات الهاي لاين موجودة على موقع كيا مصر بس لسه منزلتش أظن).

بالنسبة لموضوع الجوايز بتاعت توفير البنزين, هى ممكن تكون موفرة عشان ١٤٠٠ سي سي كده كده, بس هى واخدة جوايز بره عشان بره بتنزل بنظام توفير بنزين خاص, عن طريق إن الموتور يبطل أوتوماتيك مع التوقف التام للسيارة (في إشارة مرور مثلا) ويدور مره أخرى برضه أوتوماتيك بمجرد الضغط على دواسة الوقود, وأعتقد إنها مش نازله ولاعمرها هتنزل عندنا بالنظام ده.

اللى معايا سيدان , موضوع ان الهاتش باك بتنزل بمرايات ضم و كهربي مش عارفه الصراحه و عندي نظريه برضه ان فى شوارعنا الجميله خبط المرايا شيء طبيعي و بيحصل بسهوله و اعتقد مرايات الكهربي و الضم بتبقي غاليه اوى لو لا قدر الله و اتكسرت و ده وارد
بس من وجهة نظرى ان السيدان عمليه اكثر بسبب طبعا وجود الشنطه كبيره و اللى يشجعك برضه ان الخلفيه بتاعت السياره جميله بالمصابيح المستطيله و فيها منحني مدي شكل جميل جدا
و نصيحه لو هتشتري خليجي يبقي لازم تعملها ضمان و فيه شركات بتعمل كده علشان لو لاقيت عيب فى العربيه يتعمل مجانا
و موضوع التوفير و الجوايز ده انت معاك حق فيه , العربيه بتنزل عندنا نفس الشكل بتاعت بره بس راكب على عربيه تانيه :)

هحاول اصور شويه صور و انزلها ان شاء الله قريبا

مشكورييييين جميعا,

أنا بحاول ألقيها فى إي معرض فى الإسكندرية عشان أشوها وأجرب قعدتها, يااامسهل.

مبروك يا باشا و ربنا يباركلك فيها.... أنا برضه نويت عليها ان شاء الله و ربنا يكرم

المشاركة الأصلية كتبت بواسطة ahmedmohamed7

السلام عليكم
اعرف بنت عايزة تجيب الريو ان شاء الله ....المهم روحنا شوفناها و العربية بصراحة محترمة جدا لان سعرها 125 الف و تعتبر م ناقصها حاجة من اول فتحة السقف ل البلوتوث لالجنط ال17ل المالتى و حجات تانية كتير و فوق ده كله انها 2 ايرباج و abs و ebd ما شاء الله يعنى .....فيه حاجة مخوفانى بقى ان العربية جنطها 17 و البنت كان معاها يارس و هنا افتكرت قصة عضو هنا معانا فى المنتدى كان معاه ياريس و جاب بعدها الكوبية و الجنط كان تعبه لانه منشف العفشة + البلاين الى بتظهرمن النقر...ايه رايكوا يا جماعة ؟ حاجة تانية العربية طبعا خليجى مش عاجبنى الانتريور الجملى الى هيا نازلة بيه ..الراجل بيقولى الخليجى كله اسود فى جملى. هل دده صحيح ؟ كنت عايز اعرف كمان استرى منين ضمان للعربية و بكام ؟ :)
شكرا مقدما ....
__________________

خسارة واللة
انا كنت فاكر ان الهاى لاين اللى بـ125000 وكيل بس حسب كلامكم انها خليجى ملهاش وكيل
وطبعا اللى بـ115000 اللى موجودة هنا وكيل مفيهاش abs و ebd و airbags وفرش جلد والجنط 15 مش 17 و 4 سماعات بدل 6 فى الهاى لاين ودة على حسب موقع كيا ...
انا كنت خلاص رايح اشترى الريو هاى لاين بس خلاص كدة اكيد مدفعش 115000 جنية فى عربية مفيهاش وسائل الامان دى ولمجرد ان شكلها عاجبنى ولا انتوا مش معايا
بالاضافة الى ان الموديلات الخليجى عفشتها بتكون اضعف من الموديلات اللى بتنزل مصر وطبعا علشان طرق الخليج لا تقارن بالطرق بتاعتنا

فيا ريت اللى اشتراها هنا فى مصر يقول على المواصفات بتاعتها

المشاركة الأصلية كتبت بواسطة mostafa basha

فيا ريت اللى اشتراها هنا فى مصر يقول على المواصفات بتاعتها

حلوه :)