اقتباس المشاركة الأصلية كتبت بواسطة ahmad114 مشاهدة المشاركة
انا قاعد أقرأ الكومنتات اللى على الهورس بور بتاع العربيه و فطسان على نفسي من الضحك :)

و معلومه جديده سمعتها ان فى كوريا الربع حصان بيتحسب حصان هههههههههههههههه
انا معايا العربيه توكيل فول اوبشن اتوماتيك , كام حصان متفرقش معايا اللى اعرفه ان العربيه معايا سحبها ممتاز جدا , و تكيفها بشغله على السرعه الاولي و ببرد كمان الحمد لله , كانت عامله معايا مشكله فى سحب البنزين كانت بتسحب جامد اوى بس لما عديت ال1000 كيلو ظبط كتير و لما عملت الصيانه قالولى انه هيظبط اكتر لانها المفروض انها واخده جوايز فى موضوع توفير البنزين .

العربيه فى المجمل من وجهة نظري رائعه , شكلها جميل (وجهات نظر تختلف من شخص لاخر) التبلوه بتعها عاجبني جدا و فيه وسع جامد امامك يحسسك انك راكب عربيه ضخمه و هي صغننه نسبيا , الصلون بتعها واسع , الاوتماتيك فيها جميل جدا و نقلته متحسش بيها و اصلا عزلها خرااااااااافي تقفل الازاز و تحس انك فى بيتك و ممكن تنام :) و لما تقرص على البنزين تسمع صوت بسيط اوى للموتور , البور سترينج بتعها تحفه بجد و معرفتش كده غير لما ركبت السيراتو افضل منها بكتييييييييييييير
سلس جدا فى السرعات المنخفضه (السيراتو ناشف فى السرعه المنخفضه عن تجربه) و فى السرعه العاليه بيثبت لدرجه انك مش محتاج تمسكه (بس ده خطر طبعا) الملتي فنكشن بتعها ممتاز , العفشه فيه ناس بتقول انه زى السيراتو بس انا حاسه ناعم جدا مش ناشف و اعتقد انها مرتفعه عن الارض اكتر من السيراتو , الشنطه واسعه .
بفكر اعمل تقرير بس يا رب الاقي وقت
فى التوكيل قالولى انها افضل من السيراتو بس ممكن يكونوا بيسرحوا بيا علشان يبسطوني ههههههههه , مش عارف بس انا فضلتها عن السيراتو و خصوصا انها مش منتشره اوى و انا بحب الحاجه اللى مش موجوده كتير

اى سؤال انا فى الخدمه
أشكرك لتحليلك الموضوعى.

بما إن حضرتك وكيل وفول أوبشن أوتوماتيك (ودي الفئة إللى داخلة دماغى), هي إللي مع حضرتك سيدان ولا هاتشباك؟ لأن الغريب إن نفس الفئه دي الهاتشباك فيها أوبشن أعلى حاجة بسيطة من السيدان (مثلا الهاتشباك فيها مرايات ضم كهرباء و إشارات في المرايات), ولو سيدان أخبار حجم الشنطة إيه؟

هما لو ينزلو الهاي لاين (فرامل إيه بي إس و ٢ إيرباج وفتحة سقف) تبقى تحفة. مواصفات الهاي لاين موجودة على موقع كيا مصر بس لسه منزلتش أظن).

بالنسبة لموضوع الجوايز بتاعت توفير البنزين, هى ممكن تكون موفرة عشان ١٤٠٠ سي سي كده كده, بس هى واخدة جوايز بره عشان بره بتنزل بنظام توفير بنزين خاص, عن طريق إن الموتور يبطل أوتوماتيك مع التوقف التام للسيارة (في إشارة مرور مثلا) ويدور مره أخرى برضه أوتوماتيك بمجرد الضغط على دواسة الوقود, وأعتقد إنها مش نازله ولاعمرها هتنزل عندنا بالنظام ده.