ما هي نظرتك للدكتور النفساني

**sss** · 04-06-2008 03:10 AM

المشاركة الأصلية كتبت بواسطة معاذ الشرباصى

الطب النفسى جزء اساسى من الطب, و امراض كتير بيبقى السبب الاساسى فيها نفسى مش عضوى

طبعا لو اى وقت لقيت انى محتاج اروح لدكتور, مش هتردد

بس لازم ابقى عارف دكتور كويس و بيتقى ربنا, لأن المجال ده فى ناس واخداه بزنس جامد, و بتستغل المرضى اسوأ استغلال, لأحتياجهم الشديد لهم

و لو حد اعرفه راح لدكتور نفسى, عادى جدا افضل معاه, بل العكس, احاول اقرب منه, و احاول اساعده يخرج من محنته

نفس اللي كنت هاقوله

**Goodle** · 04-06-2008 07:17 PM

أنا شخصيا باحب علم النفس وبقرأ فيه من وأنا في رابعة ابتدائي (ايوه انت ما قرأتش غلط)..

والسبب الوحيد اللي ما خلانيش اكون طبيب نفسي إن لما فكرت في كده وانا في ثانوي (كنت داخل على اختيار ما بين علمي وأدبي - نظام قديم) إنها شغلانة مش هاتعيشني ولا هاعرف اتجوز أو أفتح بيت

وما زالت قراءاتي فيه .. والحمد لله القراءة ساعدتني وساعدت غير

أنا فكيت لنفسي عقدتين :) :) واحدة وانا في سادسة ابتدائي (كنت بخاف من الضلمة) والتانية كنت في أول ثانوي (كنت بخاف من الكلاب).. وفكيتهم لنفسي بنفسي

والحمد لله مافيش حد من معارف واصحابي وعائلتي إلا وبحاول (والحمد لله) بأنجح إني أخليه يرتاح .. مش شرط إني أحل له المشكلة اللي تاعباه.. إنما على الأقل بيحس إنه احسن كتير

ولو هاروح لطبيب نفسي هايكون عشان اتعلم منه (لأنه محترف وأنا مجرد هاوي).. أقصد من ناحية العلم.. لكن موضوع ال

**ams** · 06-06-2008 03:14 PM

المشاركة الأصلية كتبت بواسطة Goodle;299695[COLOR=seagreen

والتانية كنت في أول ثانوي (كنت بخاف من الكلاب).. وفكيتهم لنفسي بنفسي[/color]

طب ما تكسب فى ثواب و تحل لى حكاية الكلاب دى

**معاذ الشرباصى** · 06-06-2008 03:35 PM

المشاركة الأصلية كتبت بواسطة ams

طب ما تكسب فى ثواب و تحل لى حكاية الكلاب دى

مفيش ابسط منها, تقول الدعاء ده 3 مرات, بس بايمان تام فى الدعاء و ان الله سيحفظك و بصدق

" اعوذ بكلمات الله التامات من شر ما خلق"

**Goodle** · 12-06-2008 03:57 AM

المشاركة الأصلية كتبت بواسطة ams

طب ما تكسب فى ثواب و تحل لى حكاية الكلاب دى

ما قدرش أقول حاجة بعد الدعاء ده.. بس إنت بتخاف من الكلاب من وانت صغير ؟؟

**MoToRiZeR** · 12-06-2008 04:22 AM

انا شايف ان اسوأ حاجة حصلت في الطب النفسي اختراع الأدوية زي بروزاك و غيرها لأن الناس بقت تتعامل مع الموضوع باستسهال شديد و قربوا يتحولوا لحتة حديدة بتمشي بالاسبرين .. عندي صداع اخد حباية .. عايز انام اخد حباية .. مضايق شوية اخد حباية !

و برة فيه ناس بدل ما بتموت over dose مخدرات .. بقت من الأدوية دي
اشهرهم مؤخرا الممثل الشاب heath ledger

**Chicco** · 12-06-2008 05:38 AM

^^^^^^^
أنا معاك الأدوية صعبة و ليها أثار جانبية كتير بس في حالة هيث لدجر كان واخد كذا روشتة من كذا دكتور في كذا مدينة من غير ما يقول ليهم ...و كان بيمر باكتئاب و عنده مشكلة قبل كده مع الأدمان