شكلها كده وربنا
:S_thum1[1]:
تصدق انا معرفش حاجة عن العربية دي ؟؟
هي دي الباب واحد ؟؟
اها ادخل شوفها انا عامل عليها موضوع
اللينك اهو
http://www.nilemotors.net/Nile/27453...eneration.html
^_^
احمد.. هي موديل كام؟. وهل بتلاقيلها قطع غيار خارجية. وميكانيكية بسهولة. والموتور اللي عليها ايه..وهل قطع غيار السيفيك .متوافقة معاها..
اللى معايا موديل 83
موتور 2000 سى سى 2 كربيراتير
قطع الغيار مختلفه تماما عن السيفيك
عدا تيل الطنابير الخلفيه
هى الوحيد المشتركه مع السيفيك موديل crx 96 تيل خلفى فقط ديسكات
القطع الخارجيه
انا بنزل اجيبهم بكل سهوله زى فوانيس الاشاره فوانيس امامى الفانوس الخلفى اللى لفيت عليه شويه
و جبتلها 4 فوانيس خلفى بس لسه مركبتهمش غير لما اسقط موتور و ارش العربيه
الميكانيكه هوندا اكور فى كل حاجه من موديل 84 ل 88
العفشه اكورد موديل 84 فى كل حاجه عدا السوست الامامى اللى بتركب فى المساعد
علشان الموتور اتقل من بتاع الاكورد
بلنسبه للحاجه اللى مش هتلاقيها
تابلوه لكن عدادات موجوده
عصايه فيتيس
علشان بتباع مع الفيتيس
يعنى لازم تشترى فيتيس لو العصايه حصلها حاجه
دى قصه قطع غيارها
^_^
ما ابدعك
ما اروعك
علي فكره انا كده شويه بس مش للدرجه دي
بس اخري لما اكون بشد مع حد اقولها ما تكسفنيش يا موزه
بجد يا كبييييير انته قولت كل الى انا عاااوز اقووووله واكتر كمااان ... ومش عارف ليه بحس بالموضوع ده بس للناس الى معاها هوندا بيبقى عندهم حب للعربيه بشكل مش طبيعى ..... ومانكرش خطيبتى بتغير من العربيه d:d:
واللهِ العظيم إنت كارثة يابني .....بس اقولك حاجة
عربيتي مراتي التانية ليها عنين (فوانيسها ) وليها قلب (متورها ) وليها رئه (الفلتر )وليها كليه (الرداتير ) وليها مخ (الكنترول )وليها رجلين وإدين (العجل )وليها جسم (البودي)......زيها زي البانادمين ....ماعدا الروح .......حتة الروح بتاعتها كان ليَّ الشرف إني أكون أنا روحها .....سبحان الله ....تخيل لما جبت العربية كنت بسيب مراتي وابني بيتين في البيت فوق ...وانزل أنا أبات فيها ....لدرجة إني اتخنقت مع مراتي بسبب الموضوع ده وسبتلي البيت ومشيت ....وراحت كعادة كل الحريم ...تشتكي ....ولما أهلها كلموني وقالولي كده ماينفعش ....قلتلهم أنتم بقر مبتفهموش حاجة .....بس الموضوع ده مستمرش كتير علشان ماكانش ينفع ....واكتفيت إني بقيت ابوسها أكتر ماببوس مراتي وابني ........ولما كنت بجري بيها من غير مابوسها أو حتى بصبح عليه ....الاقيها كلبه ......مفيش ....يادوبك تاخد البوسة الاقيها بتنقي العربية لوحدها اللي عايزاه تجري معاها .....وهي الجريه ....يا سااااااتر يا رب .....ولا كاني مسقط type-r متربن .....مبتسميش على أي عربيه ....واللهِ مابترحم أي عربيه يا جدعان .....ومن ساعتها قررت إني مش حستغنى عن العربيه دي طول حياتي وربنا يخليهالي ويديني خيرها ويكفيني شرها
:36_2_33::36_2_33:
الحال من بعضه بس الفرق بينى و بينك يا علام انك انت متجوز و انا لاء و مش عايز
المهم
قصه العربيه لما بتاخد البوسه بتتحول الكلام ده صحيح
لانى اول ما اقول لعربيتى يلا يا كتكوته احس انها اتحولت بقت موتور sir
و بتاكل اى عربيه و العربيه بتفضل فايره كده لحد ما اقولها خلاص بقا عملنا اللى احنا عايزينه يا موزتى
كفايه عليهم كده
اول ما ادي الانتظار الاقى العربيه بقت بجعه سبحان الله
لكن اقفل الانتظار و اقول يلا تاااااانى تلاقى ال sir ركب تااااااااانى
و تفضل ماشيه كده لحد ما اقولها خلاص بقا يا موزتى حلو عليهم كده
تقووووم البجعه رجعه تاااااانى
و الله الواحد هيتجنن خلاص قريب بسببها
تحس ان اليبانيين
بيحطوا روح طيبه فى العربيه الهوندا علشان تبقى نصك التانى
و اول ما تركبها كده تحس براحه نفسيه
و النبى كفايه كلام بقا علشان انا لما بفتح كلام فى الهوندا مش بسكت ههههههههههه
^_^