الموضوع: هو انا كده خلاص اتجننت لانى بكلم عربيتى و متعلق بيها

بصراحة ما اجمل احساسك بالعربية ، انا برده بكلم العربية بس بصراحة مش بالطريقة بتاعتك دى
وطبعا بالنسبة للمقابلات طبعا يحصلن الشرف ونشوفك عن قريب فى العباسية

المشاركة الأصلية كتبت بواسطة ahmedeihab

هحكيلوا القصه بتاعتى
انا بعشق حرف ال h اصلا
انا من فتره كبيره جداااااا كان الحاج اشترى عربيه هوندا بريليود سنه 96
كنت ساعتها عيل صغير بس كنت بحبها جدااااااا مش عارف ليه سبحان الله
و لما باعها سنه 99 انا عيط لدرجه ان ابويا قال للراجل خلاص خد فلوسك و رجع العربيه
لان الواد حالته صعبه فى البيت و المشكله ان انا كبير العيله
فا الواد طبعا مرجعش العربيه قاله انا عارض العربيه على سعر اعلى من السعر اللى اشترى بيه حوالى 3000 جنيه على ما اذكر
فا ابويا كنسل الحوار و نفض و قال ما يولع الواد
مرت الايام و السنين و انا متعلق بلعربيه دى
و ركبت عربيات كتير جداااا بس بردو العربيه دى عندى حاجه تانيه خالص
و هجيبها يعنى هجيبها
لدرجه انى كنت بروح اى سيبر و اخليه يطبعلى صوره للعربيه
ايام ما كان البرينتر ده عند الناس الفخمه بس
و كنت بطبع الصوره ب 4 و5 جنيه
كنت اقعد احوش 5 ايام علشان اجيب صوره
لا اكل ولا اشرب ولا اعمل اى حاجه
اخد المصروف احوشه و اروح اطبع صوره ليها
اينعم ابيض و اسود بس اهو تبقى صورتها متعلقه عندى فى القوضه و خلاص
و جه فى يوم من الايام
لقيت الحاج داخل عليا ببوستر للهوندا البريليود الوااااان
زى ما يكون جابلى جزمه مثلا من توكيل اديداس من ام 900 جنيه
فرحححححححححححححححححت اوووووى بيها
و قعدت ابوس فيه بتاع اسبوع
و الكلام ده كان فى الاعدادى
دخلت مرحله الثانويه
و انا مهووس بيها بردو و لحد ما دخلنا نت فى البيت و كان كل اللى انا عايزه
ان لعبه need for speed يبقى فيها العربيه دى
و كان اول اصدار لعبه اكنها كارتون كده
و عده الايام و دخلت الجامعه
و انا بحلم ان need for speed تنزل اصدار للعربيه دى فى لعبتها
و ده طبعا محصلش
و اشتريت موبايل كان 6630 و كنت ماليه صور من العربيه الهوندا دى
كان كل همى انى اصحى من النوم اشوف الساعه كام علشان ابص على العربيه و خلاص
و عدت الايام و طلعت رخصه و سوقت عربيات كتييييييييير اوووووى
و بردو العربيه دى فى دماغى
و جت الفرصه انى اشترى العربيه دى من سنتين
اللى فاااااااااات ده كووووووووووووووووووووم و اللى جاى كووووم تانى
اتفرجت على عربيات كتييير من نفس الموديل ده
و للاسف عربيات كنب و كنت بتخانق مع الناس على اللى هما عاملينه فى العربيه
لدرجه ان فى اصحاب عربيات يقولولى انت بتعاملنا ليه كده
و اللى عليا انا اقولهم انت مبتفهموش مش عارفين قيمه العربيه دى
مرت الايام و لقيت عربيه منها نضيفه اووووووووووووووووى
كانت واقفه فى السوق
اول ما بصيت عليها قولتله انت راجل محترم انا عايز اشترى العربيه دى
قالى لاء مش للبيع انا نازل اشترى عربيه لابنى
قولتله ما انا زى ابنك و اشتريها منك
قالى يا باشا العربيه مش للبيع
من هنا لهنا و اروح و اجى عليه و حسيت ان الراجل هيضربنى و اخدت منه رقم الفون بلعافيه
و كل يوم اكلمه يا عم فكر اشتريها منك بلسعر اللى انت عايزه و مش هفاصل معاك
قالى نفسى اعرف سبب تعلقك بلعربيه دى ايه

حكيتله قصتى فى حبى للعربيه
زى ما تقولوا كده صعبت على الراجل و قالى انا هديهالك بس مش دلوقتى لما اشترى عربيه للواد
نبقى ساعتها نفكر
كل يوم بقا اتصل بيه و اقوله ها لقيت و اقعد ادور معاه على عربيات لابنه
و لحد ما ربنا كرمنا و ابنه عجبته عربيه تويوتا كورولا و اشتراها
و بعديها اخدت العربيه من الراجل ده
و انا باخدها منه زى ما يكون بيدينى عيل من عياله
قالى و النبى تخلى بالك منها قلتله دى فعنيا
على اساس انى باخد بنت من بناته
عارفين لو هو عنده بنات و مرضيش يبيع العربيه
كنت هتجوز واحده منهم شوفتوا بقا الجنون وصل لحد فين
المهم مبقتش مصدق نفسى انى راكبها
و بقيت عمال امشى ايدى على كل حته فيها
و بكلمها و اقولها اخيرا بقينا مع بعض
( على اساس انها مراتى مثلا ) و الله لو مراتى مش هعاملها كده
و كل ده بردو كوووووووم و اللى هحكيه دلوقتى كوووووووووووم تااااااااااااااانى
اولا لما اجى اركب العربيه
قبل ما اركبها اديها الفوطه الزفره و اقولها بحميكى اهو
و الناس معديه فى الشارع و انا ولا كأنى شايفهم انا عايش فى دنيا تانيه معاها
و اول ما اركبها اقولها صباح الخير يا حبيبتى
و اقوم بايش ايدى و حاطه على علامه ال h اللى فى الدركسيون
و لما اجى اجرى او اشد بيها
اقولها يلا يا كتكوته وريهم مهارااااااتك
و تك تك تك تك تك تك خلصت الشده بنجاح
اقوم حاططلها مايه و اقولها عارف انك عطشاااانه معلش يا حبيبتى بس لازم اوريهم مهارتك
و لما عجله تنام اقولها ثوانى و جايلك هروح اعمل العجله و اجيلك على طول
ولما ميكانيكى يشتغل فيها
اقوله براحه يا عم متحطش العده على المساحات كده
يا عم خلى بالك متسندش على الرفرف كده
و لازم اجيبلهم الملايه علشان افرشها على الرفرف علشان مبيبهدلوش الرفرف بلهدوم بتاعتهم
و افضل واقف على ايده لحد ما يخلصها بس ده لو مشكله جمده اوى مثلا عمره موتور او فيتيس
او بلى عجل
اى حاجه تانيه انا بعملها بأيدى و مش بحتاج منهم اى حاجه
و وانا بصلحا اقولها معلش تقومى بلسلامه يا حبيبتى بكره تبقى كويسه و احسن من الاول
و الله العربيه جننتى خلاص
و الا بقا لما تعطل منى فى الطريق او يجرالها حاجه
اقولها كده يا كتكوته و اركن على جنب و افتح الكبوت
و اشوف العطل فين و انا بصلحه بكلمها
اقولها بقا تعملى فيا الموقف ده عيب عليكى ده انا حتى بحبك يلا طب دورى علشان نروح علشان تعبان
و الغربيه بقاااااااااااا
انها اقسم بالله بتدور
و كل اللى بحكيه ده بجد و عارف ان فيه ناس مش هتصدق الكلام ده
هى دى بقا كل حكايتى بلعربيه دى
و عشقتى ليها و جنانى بيها و تعلقى بيها
و ان شاء الله عمرى ما هفرت فيها
طبعا الناس هتقول الواد ده مجنون ولا ايه
اقولهم امال انا عامل الموضوع ده ليييييييييه
اكيد علشان اعرف اللى انا فيه ده
جنان ولا ايييييييه بلظبط علشان ابقى فاهم
طبعا قسم الهوندا لما هيعمل مقابله
مش هيخدونى معاهم
^_^

المشاركة الأصلية كتبت بواسطة haythamkmal

بصراحة ما اجمل احساسك بالعربية ، انا برده بكلم العربية بس بصراحة مش بالطريقة بتاعتك دى
وطبعا بالنسبة للمقابلات طبعا يحصلن الشرف ونشوفك عن قريب فى العباسية

هههههههههههههههه شكلها فى العباسيه طبعا
بس و انا جواها
اوعوا تنسوا تجولى يا جدعان
ده انا ازعل اووووى
^_^

يا باشا ربنا يخليهالك و يبارك لك فيها و يحفظهالك.

بس ليه سؤال .. هو حضرتك طالب ولا بتشتغل؟ .. و ايه هدفك فى الحياة؟ و ايه الخطوات اللى بتعملها عشان تحقق الهدف ده؟

هههههههههه

حلوة الموضوع ده

انا كمان بعمل احيانا زيك كده

مابقاش عاوز انزل منها
و لو قعدت يومين تلاتة ماركبهاش .. بتوحشني
و لو جريت و شديت بيها .. اطبطب علي الدركسيون و اقولها شاطرة يا لولو
و كل ما انزل منها اقول في سري ... I love this car ( ايوة بقولها بالعنجليزي )

مراتي بتغيير منها جدا و خصوصا لما ادلع العربية

المشاركة الأصلية كتبت بواسطة kar!m

يا باشا ربنا يخليهالك و يبارك لك فيها و يحفظهالك.

بس ليه سؤال .. هو حضرتك طالب ولا بتشتغل؟ .. و ايه هدفك فى الحياة؟ و ايه الخطوات اللى بتعملها عشان تحقق الهدف ده؟

الحمد لله بشتغل محاسب فى شركه متخرج بقالى سنه و نص
هدفى فى الحياه ابقى مخضرم فى مواتير الهوندا
الخطوات اللى بعملها
انى ببحث فى كل مجال هوندا و ادخل فيه و اعرف ايه احسن المواتير و افضلهم و اوحشهم
و طريقه معالجه المشاكل اللى فيها
ان شاء الله ربنا يكرمنى و مسافر كمان وقت صغير امريكا
هروح هناك احاول انى افتح مركز صيانه هوندا
بس ده مش هييجى غير لما ابقى مخضرم فى المواتير
و ان شاء الله لو سافرت و انا لسه فيه شويه حاجات نقصانى
طبعا زمايلى فى المنتدى هيفدونى و بالاخص عصابه الهونداويه
^_^

المشاركة الأصلية كتبت بواسطة semsem kane

شوف يابو حميد انا عارف ان كل واحد فينا بيحب عربيتة وخصوصا لما تكون هوندا وفاهم ومقدر يعنى اية هوندا اياً كانت موديل اية او سنة كام
يعنى انا قريب منك بس من بعيد لانة مثلا وانا معدى على العربية كل يوم الصبح وماشوفهاش مثلا يوم ولا حاجة اقولها وحشتينى بس مش كل مرة يعنى واحافظ عليها وامسح فيها وانظفها واهتم بيها الحمد لله ولازم كل اسبوع اعملها صيانتها بأيدى وفعلا بحبها لدرجة انى عاملها background على الموبايل واللاب توب ومصورها صور اكتر منى شخصيا

بس الصراحة اول مرة اشوف حد متعلق بعربيتة كدة , بس انا فعلا لما بشد مع عربيات جامدة تكون معديانى فى كل حاجة واشد معاها وابهدلها بروح قايلها تسلميلى ياحبيبتى يارافعة راسى دايما

وساعات فعلا بحس ان العربية بتتحول لوحش وانا بشد بعكس اما بكون ماشى لوحدى وبجرى مش عارف لية

هو انا عارف حاجة واحدة ان مع الحب الشديد للحاجتك ممكن يبقى فية استجابة من الطرفين متسألنيش ازاى

ماهو ده اللى مجننى يا عم سامح
طب هقولك على موقف حصل معايا امبارح
دخلت احط بنزين فى بنزينه جنبينا فى الهرم
الكلام ده كان الساعه 11 بليل
لقيت عربيه هيونداى جيتز ماسكه الطريق مخيطاه و جاى قارص مقولكوش
قمت قايلها يلا يا كتكوته
حسيت انها قالتلى يلا يا حبيبى و هعملك اللى انت عايزه
قمت كابس بنزين لقيت العربيه بتسحب اكتر من سبحها العادى لحد ما وصلت للواد ده
و دخل كمان عيل بتاع نوبيرا فى النص
بتاع النوبيرا اديتله على عينه لكن بتاع الجيتز عربيه هات باك كان بياخد الغرزه فى اقل من منت
اقسم بالله قلتلها بقا يا حبيبتى هتكسفينى ولا اييييه
لقيت العربيه بتسحب سحب ناااااااااااااااار و الار بى ام بقا يوصل لل 7 مستريح علما بأنها اتوماتيك
لحد ما وصلت جنب الجيتز مرايه فى مرايه و كنا ماشيين 120 فى شارع الهرم حته صغيره كده جنب بعض
حسيت انها بتقولى ادينى كيك داون يا احمد
اديتلها الكيك داون العربيه طااااااارت من مكانها حسيت ان فيها نايتروس
معرفش ده بجد ولا بيتهيألى
الراجل ابص فى المرايه عمال بيعد بيعد بيعد بيعد بيعد و عمال اغرز بيها لحد ما اختفى من المرايه تماما
فى مطب عند شارع العريش قمت مدى انتظار وواقف عليه و بمشى واحده واحده
على ما نزلت من المطب لقيت الزبون ده جاى و قام فاتح الازاز
و قالى برافو يا باشا
قولتله متقوليش انا قولها هى هى اللى كانت سايقه انا معرفش حاجه عن الشده ددى
فا بيقولى هى مين
قالى اااااااااه صباح الفل يا ابو الشباب
الواد حس انى شارب مثلا او مجنون او الكلام ده
مرضتش بقا اطول معاه
و قام ماشى و انا قمت داخل عند العريش شربت عصير قصب
و شربتها مايه علشان مش هينفع تشرب عصير قصب
و قمت واخد بعضى و مروح
يا جدعااااااان الحقونى
انا حالتى بقت تسووء و حبى ليها بقا يزيد كل مره بركبها
بس بحبها بردو
^_^

المشاركة الأصلية كتبت بواسطة bonanza

هههههههههه

حلوة الموضوع ده

انا كمان بعمل احيانا زيك كده

مابقاش عاوز انزل منها
و لو قعدت يومين تلاتة ماركبهاش .. بتوحشني
و لو جريت و شديت بيها .. اطبطب علي الدركسيون و اقولها شاطرة يا لولو
و كل ما انزل منها اقول في سري ... I love this car ( ايوة بقولها بالعنجليزي )

مراتي بتغيير منها جدا و خصوصا لما ادلع العربية

هههههههههههههههههههه انا بقا
بيحصل معايا غير كده
ابويا بيقولى انت هتتجنن قريب بسببها
و امى تقعد تدعيلى تقولى يابنى انت لو اتجوزت هتطلق مراتك بسبب حبك للعربيه بلطريقه دى
و انا اقولها لاء انا لا عايز اتجوز ولا حاجه انا بحب عربيتى
^_^