مهو ده اللى قالقنى
ياعنى البلى العادى ده اللى فى الصورة هيعيش قد ايه تقريبا ؟
والبلى الأصلى اللى بتقول عليه صناعته ايه ؟ وسعره كام ؟
للأسف انا مش من القاهره علشان اعرف اروح اجيبه
عرض للطباعة
تجربتى كاملة مع الميكانيكى والخراطين
:patch2:
روحت للميكانيكى
فك العجلتين الخلفيتين وفك الأكسين فى 5 دقائق
وفعلاً لاقينا فيه بوش بسيط هوه سبب الصوت اللى بيحصل فى المطبات
وبعدين قالى روح المخرطة يفكوا البلى القديم ويركبوا البلى الجديد على المكبس
وأوعى حد يدق عليه وإلا هتلاقى البلى فرط والأكس يخرج من العربية وانت ماشى وتبقى كارثة
............................................
روحت للمخرطة حط الأكس على المكبس وحركة لفوق وفك البلى القديم
وديه صورة البلى القديم
(بلى الفابريكة بتاع العربية صناعته تركى ومحفور عليه)
الغريب ان شكلهم حلو جدا واللى يشوفهم يقول عليهم جداد
أنا كنت متخيل إنى هلاقيهم متبهدلين !!!
[img3]http://img205.imageshack.us/img205/3361/img00199201203111144.jpg[/img3]
وبعدين ركب البلى الجديد ودخل بالمكبس
وديه صورة البلى الجديد
[img3]http://img546.imageshack.us/img546/7523/img00191201203081324.jpg[/img3]
مكتوب عليه إيطالى وسعر الواحده 20 جنيه
الاثنين بـ 40 جنيه
وفيه حاجه زى ورده كبيرة كده كانت ركبه فوق البلى واتخلعت لما فكه
سخنها على البورى علشان تتمدد
وبعدين حطها فوق البلى علشان تمسكه
والخراط خد مصنعية 20 جنيه
............................................
رجعت للميكانيكى وقولتله بالمرة شوف تيل الفرامل علشان انا حاسس ان الفرامل ضعفت شوية
قالى خد الطنبورتين دول على الخراط بتاع تيل الفرامل وامسح الشفه الصغيره ديه
روحت عملتها بـ 10 جنيه للطمبورتين
وقالى كمان خزنتين الفرامل الخلفيتين بيهربوا زيت وعاوزين يتغيروا
نزلت اشتريت خزنتين فرامل جداد ايطالى الواحده بـ 25جنيه
جبت الاتنين بـ 50 جنيه
وديه صورة خزنتى الفرامل الخلفيتين
واللى تحت صورة خزنة فرامل من القدام اللى اتخلعوا
[img3]http://img205.imageshack.us/img205/9444/img00192201203092045.jpg[/img3]
قولتله بالمرة نغير زيت الفرامل بص على الزيت كان لونة عامل زى السمنة السايحه أو العسل المصفر قالى الزيت ممتاز ولما جه يركب الخزنتين بتوع الفرامل فيه زيت نزل على الأرض لاقيته حد صابعه فيهم وتذوقهم(ههههههههه) وقالى زيت الباكم ده مغشوش طعمه حلو ولاد اللذين بيشغشوه بجلوكوز نغيره أحسن ... قولتله على البركة
روحت اشتريت علية زيت باكم تقريبا 400 ملل لونها أحمر على أسود إسمها بندكس
مكتوب عليها dot3 سعرها 13 جنيه
فك قربة زيت الباكم وغلسها بالبنزين
وحط الزيت الجديد طبعا أبيض شفاف تماما:verygood:
وفتح عند خزن الفرامل الأمامية والخلفية وفضل يكرك ويزغزغ فى الفرامل لحد ما نزل الزيت القديم من المواسير
وقفل الشغل وخد مصنعية 30 جنيه
............................................
أخدت العربية جربتها على الطرق المكسرة
طبعا مزيكة حسب الله اللى كنت بسمعها من العجلة الخلفية شمال بالذات اختفت
والفرامل بقت ممتازة ولله الحمد
ربنا ييسر الحال وتكون كل حاجه اتعملت صح
وربنا يسهل والبلى يعمر فى العربية
على العموم انا محتفظ بالبلى القديم ولو جت فرصة ولقيت نوعيه بلى أفضل
لما انزل القاهره أو اسكندرية هشتريهم
فى انتظار الإفادة من الأخوة
ياريت يقولوا نوع البلى الأصلى وسعره وموجود فين
وياريت يكون فى اسكندرية علشان انا تقريبا مبنزلش القاهرة ومعرفش فيها حاجه
:3_3_102[1]:
............................................
البلى الnsk اليابانى الأصلى وسعره مش غالى
الأورام وبى ار سى والكلام التانى ده مضروب
أنت قلقتنى والله .... ربنا يستر
أشكرك يا أخى على النصيحة
فيه من البلى اليابانى ده لشداد الكاتينه ؟؟؟
علشان هغيره قريب ان شاء الله
ياريت لو حد يعرف مكان البلى اليابانى فى اسكندرية يقولى هو فين بالظبط وأنا هشتريه وأحتفظ بيه
وياريت لو حد اشتراه قريب يقول سعره كام ؟
ألف مبروك يا صديقى على الصيانة ونتا كده عملت الصح ربنا يباركلك فيها يارب
ياريت مترميش الخزن بتاعت العجل اللى ورا وراجع زيت الكرونة بعد الشغل ده
الله يبارك فيك يا أخى الفاضل
بالنسبة لزيت الكارونة العربية كان وضعها أفقى وموقعش منها زيت لما فك الأكسات
يادوب الأكسات كان عليها زيت بس
تفتكر زيت الكارونة يكون نقص بردوا مع العلم انى كنت مغير أولسيه كارونة قريب ومزود الزيت وكله تمام ؟؟
بالنسبة لخزن الفرامل القديمة هما عندى ومحتفظ بيهم أنا متعود مرميش حاجه
بس ياترى بتقول كده ليه ؟؟
الجداد مضروبين هما كمان ؟؟؟
واضح من صورة الخزنة القديمة السابقة انها كانت بتهرب زيت
وكان فيه زيت تحتها
بس الزيت فى علبة الباكم ملاحظتش انه نقص بصورة ملحوظة
جزاك الله خيراً على نصائحك
الف مبروووووووووووووووك !! :)
اقتباس:
الحرص واجب
صح معاك حق
الأفضل للكشف على زيت الكارونة انى أروح البنزينة يشوفوها ؟
ولا انزل انا تحتها وأفك الطبة العلوية فى الكارونة ؟
لو نزل منها زيت يبقى تماما
لو محتاجه زيت ابقى ازوده فى البنزينة
اقتباس:
انا مبغيرش الخزن القديمة إلا لما تكون عاملة بيضاوى ومينفعش يتركبلها كاوتش
مش بتهرب غير من الجنبين وده بسبب عدم إحكام الجلد بتاعها ولو جابت من حته تانية يبقى ارميها وخلاص
ياعنى ايه عامله بيضاوى ؟؟
كان ممكن يتغيرلها كاوتش بس ؟؟
أما الميكانيكى مجبليش سيرة تغيير الكاوتش ليه !!!
والكاوتش بتاع الخزنة موجود فى السوق وكويس ؟
طيب اغسل الخزن القديمة الأصلية بتاعت العربية
بالبنزين واحتفظ بيها ولا البنزين يبوظها ؟
اقتباس:
بس الزيت فى علبة الباكم ملاحظتش انه نقص بصورة ملحوظة
ده قبل تغيير الخزن ولا بعد ما قفل و أخد هوا ؟؟
قبل تغيير الخزن مكنش فيه نقص واضح فى علبة زيت الباكم
لإنى بتابعها على طول وواخد بالى
بس لما فك الطمبورة كان واضح ان فيه زيت بيهرب من الفرامل
وشوفته بعينى
والضعف فى الفرامل لاحظته مؤخراً ياعنى خلال الأسبوع الماضى فقط
ياعنى ممكن كان التهريب فى الزيت كان لسه فى بدايته
اقتباس:
ربنا يديلك الصحة ويباركلك فى صحتك وعافيتك
تعبتك معايا
الله يكرمك يا أخى الحبيب ويباركلك فى صحتك وعافيتك وأهلك