حد غير البلى الخلفى فى الشاهين قبل كده ؟؟؟

**Elawany13** · 07-03-2012 04:58 PM

بسم الله الرحمن الرحيم
السلام عليكم ورحمة الله وبركاته

حد غير البلى الخلفى فى الشاهين قبل كده ؟؟؟
عندى فى العجلة الشمال لما بمشى على طريق مكسر
بسمع صوت نقره من ورا
كنت مفكر ان حاجه فى الشنطة أو الاستبن هوه اللى بيعمل الصوت
مرة فضيت الشنطة تماما ومشيت بيها لاقيت الصوت موجود
سألت الميكانيكى قالى البلى ورا بايظ
بس ممكن تمشى عليه على ما يعمل معاك صوت
ماشى بيها بقالى شهووووووووور
بس لاحظت اليومين دول ان صوت التخبيط زاد عن حده فى المطبات
ولاقيت كذا واحد بيقولى ايه التخبيط ده !!!
قولت مبدهاش بقى لازم اغيرهم

سألت النهاردة على البلى قالى الواحد بـ 20 جنيه صناعته ايطالى
الميكانيكى قالى هات البلى وهنفك العجل وتروح المكبس يركب هناك علشان البلى ميبوظش

والميكانيكى بيقولى غير الاتنين بالمرة
رغم ان البلى اللى فى اليمين حالته كويسه مش زى الشمال

حد ليه تجارب فى الموضوع ده ينصحنى بأى حاجه

**Elawany13** · 08-03-2012 03:32 PM

اشتريت البلى ده
الواحده بـ 20 جنيه ... الإثنين بـ 40 جنيه
مكتوب عليه إيطالى

**Elawany13** · 08-03-2012 08:57 PM

المشاركة الأصلية كتبت بواسطة saadelden

انت بتحس بخشونه و انت ماشي ؟
صوت ونه علي بعض السرعات ؟

بلي العجل بيعمل مشاكل كتير و ساعات عيبه بيكون انه ركب غلط
ف طبعا خلي بالك لازم يركب علي مكبس مش دق
و مهم جدا تشحيم البليه كويس جدا

منور يابشمهندس
لا مش حاسس بخشونة ولا حاسس بونة
بس جايز انا اللى مبحسش لإن كذا واحد يركب معايا (مرة كهربائى ومرة سواق تاكسى)وقالى البلى عاوز يتغير
وزى ما قولت كذا واحد واقف بره قالى ايه التخبيط اللى بيحصل ده من ورا
الحاجه اللى بحسها لما بكون ماشى على طريق ترابى مكسر بيحصل صوت نقرات زى ما يكون حد بيخبطلى على الصاج من عند العجلة الشمال
الميكانيكى مسك العجلة وبيهزها بتعمل الصوت ... مبوشة ياعنى .. وواضح انها بايظة
بس اليمين بيقول فيه تبويش بسيط مش زى الشمال
السؤال دلوقتى لازم أغير الاتنين ؟؟؟
مع العلم ان البلى اللى راكب هوه البلى الفاببريكة بتاع العربية
خايف اغير اليمين كمان وراكب واحده جديدة متكونش بنفس جوده الأصلية

**Sehsss** · 09-03-2012 11:48 AM

متابع

**Elawany13** · 09-03-2012 10:52 PM

المشاركة الأصلية كتبت بواسطة mrghost

انا غيرت البليه اليمين ورا بس غيرتها برغم انها كانت سليمه (كنت فاكرها بايظه وفى الاخر طلع العيب من فرده الكاوتش ضربت سلك وعملت عالى وواطى وانت عامله رفه ) المه مغيرتها بس كانت تقريبا ب 50 جنيه يابانى على ما اعتقد وفعلا رحت لخراط ركبها على مكبس

منور يابشمهندس
جبت منين البلية اليابانى اللى بـ 50 جنيه ؟؟؟
أنا دورت فى السوق مفيش غير البلية الإيطالى بـ 20 جنيه
واحد صاحبى عنده 131 بيقولى كان فيه زمان بلى رومانى بـ 70 جنيه الواحده
بس بيقول كان بلى محترم وممتاز ومعمر

**Elawany13** · 09-03-2012 10:54 PM

المشاركة الأصلية كتبت بواسطة saadelden

ياباشا كفايه عليها اوي كدا
دا انت لو غيرت الاربعه كمان يبقى خير و بركه!
عربيتك موديل 2004 يعني البلي شغال بقاله 8 سنين ما شاء الله ,ف اكيد هايظهر فيه مشاكل

لو راجعت كتالوج الصيانه بتاع عربيتك هتلاقي البلي بيتغير كل 40 الف تقريبا و بليه الكردان بردو ليها مده
يعني يعتبر صيانه دوريه للعربيه

علي فكره شركه النصر شغاله لغايه دلوقتي و عندهم قطع غيار اصليه
انا كنت هاروح اشوفهم يوم الخميس الي فات فرع غمره بس حصل حريق ف غمره و الدنيا كانت مقلوبه ف اجلت الموضوع شويه

على بركة الله
نغير الاتنين وربنا ييسر الأمور
شكرا يابشمهندس

-

-

-

الموضوع: حد غير البلى الخلفى فى الشاهين قبل كده ؟؟؟

LinkBack

أدوات الموضوع

عرض

حد غير البلى الخلفى فى الشاهين قبل كده ؟؟؟ - انشر الموضوع فى :

-

-

-

-

المواضيع المتشابهه

كل البلى مغشوش واله اية

كل البلى مغشوش واله اية

سؤال عن البلى

رومان البلى

تلف البلى الامامى

الكلمات الدلالية لهذا الموضوع

المفضلات

المفضلات

ضوابط المشاركة