هام جدا ...........سيينا 1600cc حساس الكرنك بيعمل اية ؟

انا حصل معايا مشكلة .....

انا كنت في كرفور الصحراوي ووصلت انا والعائلة وركنت في البارك وطلعن عملت شوبنج ...لحد كدة عادي جدا

لما خلصت جيت ادور العربية ما بتدرش ...المارش بيلف وكل حاجة لكن مش عاوزة تلقط وتدور..
فصلت كابل البطرية وانتظرت شوية وووصلته تاني واجي ادور المارش بيلف ولكن ما بتدورش برضة وفيها بنزين وكل حاجة..

اخر ما غلبت كلمت الميكانيكي بتاعي وقالي ادلق مية ناحية فلتر الهوا وهي هتدور معاك.
وفعلا دلقت المية راحت العربية دارت وقلت اشهد ان لا اله الا الله وسألته يعني اية المشكلة؟؟؟
قالي لازم تغير حساس الكرنك علشان ما تعملهاش معاك تاني.
ا
لسؤال اية وظيفة حساس الكرنك دة ؟؟؟ وهل لو غيرته هحس بتحسن في اداء العربية لانها كانت كويسة ولا هو علاقتة بموضوع الدوران بس ؟؟؟؟

مع خالص شكري مقدما لكل ن سيقراء ويساهم في الرد

اية يا جماعة الموضوع عويص كدة

مش عارف بالظبط ايه وظيفته بس انا فاكر اني غيرته هو و الموبينه لان كان بيحصل عندي ان العربيه فجأه تبرجل جامد جدا ولمبة الانجكشن تنور بعد ماغيرتهم الموضوع ماتكررش تاني

كانت بتبرجل يعني صوت الموتور بيعلي ويوطى كل شوية ؟؟؟

حساس الكرنك بيتسخدم مع الاسبراتير الالكتروني وبيعرف كومبيوتر العربيه امتي يرسل اشاره الاشعال للبوجيه بما اني مفيش حاجه في الاسبراتير الالكتروني بتعرف الكومبيوتر وضع البستم ومين من السلندرات الاربعه جاهز للاشعال .. اتمنى اكون وصلتلك المعلومه

اقتباس:

---

المشاركة الأصلية كتبت بواسطة DONYO

كانت بتبرجل يعني صوت الموتور بيعلي ويوطى كل شوية ؟؟؟

---

لا مكنش بيعلى ويوطى كان لليه صوت غريب كده كأنه بيخبط في بعضه (كأنه جرار زراعي) غير ان ال rpm مكنش بيعلى مع البنزين وطبعا مفيش سحب
كان الحل الوحيد ساعتها اني اسيبها مبطله 10 دقائق وارجع ادورها تاني تشتغل طبيعي جدا

اقتباس:

---

المشاركة الأصلية كتبت بواسطة macdiv

حساس الكرنك بيتسخدم مع الاسبراتير الالكتروني وبيعرف كومبيوتر العربيه امتي يرسل اشاره الاشعال للبوجيه بما اني مفيش حاجه في الاسبراتير الالكتروني بتعرف الكومبيوتر وضع البستم ومين من السلندرات الاربعه جاهز للاشعال .. اتمنى اكون وصلتلك المعلومه

---

اولا اشكرك جدا على ردك
بس انا ما عنديش اسبراتير اصلا بس انا فهمت الفكرة واكرر شكري ليك على اهتمامك

اقتباس:

---

المشاركة الأصلية كتبت بواسطة newcastle

لا مكنش بيعلى ويوطى كان لليه صوت غريب كده كأنه بيخبط في بعضه (كأنه جرار زراعي) غير ان ال rpm مكنش بيعلى مع البنزين وطبعا مفيش سحب
كان الحل الوحيد ساعتها اني اسيبها مبطله 10 دقائق وارجع ادورها تاني تشتغل طبيعي جدا

---

اشكرك يا باشا
اعتقد اني هروح للميكانيكي ينضفة الاول وبعدين لو اتكررت تاني هغيره.

اقتباس:

---

المشاركة الأصلية كتبت بواسطة DONYO

اولا اشكرك جدا على ردك
بس انا ما عنديش اسبراتير اصلا بس انا فهمت الفكرة واكرر شكري ليك على اهتمامك

---

مفيش عربيه مفهاش موزع شرر ،،، او اسبراتير !!!! بس تسميته في السوق بتختلف ..من اسبراتير الي بوبيته او موبينه الكتروني حسب نظام العربيه ،،،الاسبراتير مش لازم يبقي كوز اسود او طوبي و فيه شكوش بيلف :dontudear:

نضف حساس الكرنك وان شاء الله تتحل المشكله دى وابقا طمننا

بس انا عاوز اعرف المكان اللى انت دلقت فيه ميه فين بالظبط وايه علاقه الميه بالحساس

سؤال ايه علاقة حساس الكرنك ب انك تدلق ميه على فلتر الهوا ؟؟؟؟؟؟؟

اقتباس:

---

المشاركة الأصلية كتبت بواسطة macdiv

مفيش عربيه مفهاش موزع شرر ،،، او اسبراتير !!!! بس تسميته في السوق بتختلف ..من اسبراتير الي بوبيته او موبينه الكتروني حسب نظام العربيه ،،،الاسبراتير مش لازم يبقي كوز اسود او طوبي و فيه شكوش بيلف :dontudear:

---

يا باشا بالراحة عليا شوية انت لو كنت قلت موبينة الكتروني كنت هفهم علي طول :crashcomputer5: لكن برضة اشكرك بشدة على اهتمامك

اقتباس:

---

المشاركة الأصلية كتبت بواسطة misoalex

نضف حساس الكرنك وان شاء الله تتحل المشكله دى وابقا طمننا

بس انا عاوز اعرف المكان اللى انت دلقت فيه ميه فين بالظبط وايه علاقه الميه بالحساس

---

اقتباس:

---

المشاركة الأصلية كتبت بواسطة eng_ghazaly

سؤال ايه علاقة حساس الكرنك ب انك تدلق ميه على فلتر الهوا ؟؟؟؟؟؟؟

---

انا دلقت المية جنب فلتر الهوا من ناحية الموتور ودة غالبا علشان حساس الكرنك في الحته دي والمية هتبرده ( دة على حسب كلام الميكانيكي)

[QUOTE=DONYO;3874166790]يا باشا بالراحة عليا شوية انت لو كنت قلت موبينة الكتروني كنت هفهم علي طول :crashcomputer5: لكن برضة اشكرك بشدة على اهتمامك

على فكره انا كنت بالراحه ...ايه اللي حسسك ان انا بزعأ ...الفيس الاحمر ؟

[QUOTE=macdiv;3874166869]

اقتباس:

---

المشاركة الأصلية كتبت بواسطة DONYO

يا باشا بالراحة عليا شوية انت لو كنت قلت موبينة الكتروني كنت هفهم علي طول :crashcomputer5: لكن برضة اشكرك بشدة على اهتمامك

على فكره انا كنت بالراحه ...ايه اللي حسسك ان انا بزعأ ...الفيس الاحمر ؟

---

ايوة الفيس الاحمر........وعلى كل حال اشكرك

اقتباس:

---

المشاركة الأصلية كتبت بواسطة donyo

انا دلقت المية جنب فلتر الهوا من ناحية الموتور ودة غالبا علشان حساس الكرنك في الحته دي والمية هتبرده ( دة على حسب كلام الميكانيكي)

---

بص انت عربيتك زى عربيتى فلتر الهوا على الشمال فى العلبه المربعه طالع منه خرطوم ولافف من ورا الموتور داخل فى الموتور من فوق فى اليمين
اانت دلفت ميه جنب العلبه المربعه بتاعه الفلتر ناحيه سير الكاتينه والديناممو كده ولا الناحيه التانيه ناحيه كوعه الميه جنب البطاريه

اقتباس:

---

المشاركة الأصلية كتبت بواسطة misoalex

بص انت عربيتك زى عربيتى فلتر الهوا على الشمال فى العلبه المربعه طالع منه خرطوم ولافف من ورا الموتور داخل فى الموتور من فوق فى اليمين
اانت دلفت ميه جنب العلبه المربعه بتاعه الفلتر ناحيه سير الكاتينه والديناممو كده ولا الناحيه التانيه ناحيه كوعه الميه جنب البطاريه

---

لأ يا باشا من ناحية سير الكاتينة والدينامو

انصحك تغيره وبسرعه لانه هيعملها معاك تاني وهو الحساس دا كده مالوقش مقدمات تقول انه قرب يبوظ ..هو تمنه 170 تقريبا وهو عبارة عن سلك طوله 15 سم تقريبا ومكانه تحت الموتور من اليمين.

اقتباس:

---

المشاركة الأصلية كتبت بواسطة mohamedraof

انصحك تغيره وبسرعه لانه هيعملها معاك تاني وهو الحساس دا كده مالوقش مقدمات تقول انه قرب يبوظ ..هو تمنه 170 تقريبا وهو عبارة عن سلك طوله 15 سم تقريبا ومكانه تحت الموتور من اليمين.

---

يعني رأيك بلاش موضوع التنضيف دة واغير علي طول ؟

اقتباس:

---

المشاركة الأصلية كتبت بواسطة donyo

يعني رأيك بلاش موضوع التنضيف دة واغير علي طول ؟

---

بص يا باشا ممكن تعمل زي مانا عملت اول لما عملها معايا ..انا رحت اشتريت واحد وخليته معايا ومركبتوش واسبوع كده وفصل تاني والعربيه دايره..وحلف ماهو شغال تاني..رحت جبت كهربائي ركبلي الجديد في ثواني..هو ميزته انه سلك في فيشه على كل طرف يعني مش هتعمل لحامات ولا حاجه.

انا موضوع الدوارة دة طلع عينى و مكنتش عارف ايه اللى بيخلى العربية متدورش و فى الاخر اكتشفت انه حساس الكرنك ... و امبارح غيرته و العربية ماشاء الله بقت بتدور فى ثانية ... حسبى الله و نعم الوكيل فى حساس الكرنك دة

خلاص يا رجال كدة لازم يتغير على طول وهبقى اقولكم

اقتباس:

---

المشاركة الأصلية كتبت بواسطة donyo

خلاص يا رجال كدة لازم يتغير على طول وهبقى اقولكم

---

يريت تصور القديم و الجديد و توريهملنا ...

اقتباس:

---

المشاركة الأصلية كتبت بواسطة macdiv

يريت تصور القديم و الجديد و توريهملنا ...

---

عنييا يا باشا يوم الخميس بالكتير اكون خلصت