الموضوع: عايز مدرسة اودي فيها ابني

ياجماعه ممكن كمان تدولي علي مدارس اسلاميه في الأسكندريه؟

هل المدارس النضيفه بتقبل الأطفال من اولي ابتدائي علي طول من غير مايكون دخل حضانه رسميه اللي بتدي شهاده ولا لازم يكون دخل ْkg1,2 في مدرسة من المدارس اللي في نفس المستوي؟

انا ابني دولقتي في حضانه بدرس نفس المنهج وماشاء الله بيتعلم حاجات كتيير ومش عارف بقي فرق السعر يستاهل ولا لآ

والمصيبه اني مكنتش اعرف موضوع النتقديم بدري ده ومش عارف هلحق اقدم في اي مدرسة ولا لآ

المشاركة الأصلية كتبت بواسطة mohamed_selim

روح اسحب استماره و بعدين شوف هتعمل ايه لأن الدفع بيكون بعد مده حسب كل مدرسه
بالنسبه للفصل انا مكنتش بدور عليه بس اسمحلى لما انت فى المدرسه بتغرس فى الاطفال ان الولاد لوحدهم و البنات لوحدهم و فى الباص لأ ده هيسبب بلبله للطفل و هيحس ان فى حاجه مش مظبوطه و يبقى عنده تساؤلات مش هتعرف تجاوبه عليها او تقنعه بالمنطق !!!

يعني انا لو رحت بكره او بعده وسحبت الأستماره وقدمتها ممكن اجي بعد كده اقرر اني مدخلوش المدرسة؟
يعني مجرد مااقدم الاستماره حتي لو كان اخر يوم في التقديم اللي هو بعد بكره واللي هكون لسه مقررتش اني هستمر في القاهره ولا لآ ممكن بعد كده اكمل تقديم عادي او مكملش؟

ايه ده التقديم بدا وقرب يخلص انا ابنى حيتم 4 سنين وشهرين عند بداية الدراسة ده اقدملو kg ولا ايه انا برضو فى مدينة نصر وروحت مدرسة القاهرة الدوليه هى المدرسة معقولة وفيها حزم بس حسيت انهم مش محترفين وعايز ادور على حاجة تانية ومش مهم اوى الناحية الدينية لان بصراحة ماعرفش اللى حيعلمو دين ده فاهم دين ازاى او ممكن يزرع مفاهيم غلط جوا الطفل ولا لا وناوى ان انا ووالدتو اللى نقوم بالدور ده المهم عندى اللغة والتربية والعلم وامكنياتى لغاية 10000 فى السنة
ياترى اروح فين عايز حاجة فى مدينة نصر او القاهرة الجديدة

المشاركة الأصلية كتبت بواسطة abo_farah

يا جدعان تقديم مدارس ايه دلوقتى انا مصدوم............... انا كنت فاكر ان التقديم فى شهر 5

اعمل ايه دلوقتى................
حد يعرف حاجه عن العلا .......خلصت تقديم وهى بكم

فين العلا دي؟ وانا كمان زيك مصدوم وكنت فاكر ان التقديم قبل الممدرسة بشويه مش قبلها بسنه

المشاركة الأصلية كتبت بواسطة hamzawy

ايه ده التقديم بدا وقرب يخلص انا ابنى حيتم 4 سنين وشهرين عند بداية الدراسة ده اقدملو kg ولا ايه انا برضو فى مدينة نصر وروحت مدرسة القاهرة الدوليه هى المدرسة معقولة وفيها حزم بس حسيت انهم مش محترفين وعايز ادور على حاجة تانية ومش مهم اوى الناحية الدينية لان بصراحة ماعرفش اللى حيعلمو دين ده فاهم دين ازاى او ممكن يزرع مفاهيم غلط جوا الطفل ولا لا وناوى ان انا ووالدتو اللى نقوم بالدور ده المهم عندى اللغة والتربية والعلم وامكنياتى لغاية 10000 فى السنة
ياترى اروح فين عايز حاجة فى مدينة نصر او القاهرة الجديدة

لو وصلتو لحاجه دلوني ياجدعان

مدرسة نور الأيمان سمعت كلام وحش عن الأدارة وانهم مستغلين شويه ومش تستاهل الفلوس مع انها كتعليم ودين كويسه بس بيستهبلو شوينين في الفلوس واخر ميعاد للتقدين بكره

مدرسة روووتس للأسف مختلطه بس بيقولو كويسه في التعليم وفيها حزم بس دورت علي النت لقيت ناس بتشتم في الأدارة برده والمديره

شكلها هترسي علي فيوتشر لكي جي 1 و2 وبعد كده ابقي انقله الفاروق او اجيال لو رحت الأسكندريه

انا حتي الان مستقر علي منارة الأيمان كبديل للفاروق بس المشكله انها اخرها بكره ومش عارف ايه الحاجات المطلوبه عشان اروح اسحب الأستماره
كلهم بيطلبو صور وارواق تانيه
هل لو رحت اقدم بكره لازم يبقي معايا الأوراق دي؟ ولا ممكن اسحب الأستماره ويبقي كده حجزت وبعدين ابقي اجيب الأوراق دي

في اسواء الحالات هتبقي مدرسة فيوتشر وخصوصا انها جنب البيت وفي طريقي للشغل كل يوم بس ناس قالتلي انها استثماريه بحته ومش بيهتمو بالتعليم بالرغم من ان مديري في الشغل عياله فيها وبيقولو معقوله

بكره ان شاء الله هعرف اذا كنت هكمل في القاهره ولا لآ وعلي اساسه لو كده هروح علي طول اقدم بس يارب الحق
ولا انتو رايكم ايه؟
هل اروح اقدم وخلالاص النهارده ولو كملت هنا يبقي خير وبركه ولو مكملتش يبقي مش مشكله تمن ال Application?

يعني مفيش مشكله لو عملت الأبليكيشن ومروحتش بعد كده؟
هما عندهم تقديم اونلاين بس مش عارف ايه نظامه

بكره هشوف وهكلمهم لو شغال هقدم اونىلاين ولو مش شغال هروحلهم