المشاركة الأصلية كتبت بواسطة elsheikh2010
اخي العزيز انا كنت محتار حيرتك وبالأخص انه عندي زي ما باين من بياناتي انه معايا بيجو 505 وحش كاسر باشيل عليها كل ما تتخيله لدرجة مرة انا كنت مسافر كان فاضل اشيل دولاب يبقى جبت عفش عروسة كامل ده بالإضافة للركاب الي كانوا معايا وبأعدي المطب باااااااااااااششششششششششش شا وعليه كنت مقرر اني اركب لوجان وقعدت احسبها لقيت بعد ما قرأت عن قطع الغيار ومشاكل الميكانكية الي بيشتغلوا فيها وكمان واحد صاحبي معاه بيشكرلي فيها جدا بس قالي لازم الصيانة في التوكيل ععشان لو ظبط الماتور برةه بيبهدلك ويتعبك وكمان اللانوس شكلها رخم ومع أخويا بأحس اني قاعد في شلطة مش كرسي فأستخرت الله واشتريت الفيرنا :- ورأي فيها عربية عادية مش فلكية ..... ثباتها معقول جدالحد 130 وده شئ مرضي .... ماتور جبار جدا وعلى العكس صوته واطي جداً وبالتالي التكيف ما بيأثرش فيه يعني ثلاجة لدرجة انه أخري معاه 2 ما شاء الله لا قوة إلا بالله ... وعلى فكرة عالية مش واطية بمعنى اني ركبت معايا ثلاثة سيدات وانتم عارفيناحجام سيداتنا ايه والحمد لله عمري ما حكيت بس بأخد المطب بهدؤ و أخيرا وليس آخر وهو ده الشئ الي خالاني اجيبها قطع غيار متوافرة لدرجة انك ممكن تلاقيها في الصيدليات وكمان سهلة الصيانة لدرجة انك ممكن تصينها بنفسك والدليل على كمية التاكسيات الفيرنا الي شغالة في البلد وسائقين التاكسي ما شاء الله مافيش انصح منهم يعني مش هايشتروا حاجة مش قد كده ... وعلى فكرة التوكيل بتاعها مش وحش قوي بالمقارنة بمعظم التوكيلات في بلدنا وكمان فيه ميزة مش موجودة في اللوجان انك لو حبيت تبيع هتلاقي طوابير واقفة على باب بيتك لدرجوة واحد صاحبي معاه فيرنا مقلوبة مرتين ومعروف انها مقلوبة مرتين ولما حب يبيع باع في 5 دقائق بسعر جميل جدا ... نيجي بقى للعيوب أولا تقفيل وحش بس مش جداً ... ممكن تسمع صوت شخاليل وما تعرفش جايه منين ال وكمان فرامل ضعيفة ولكن الزملاء قالوا انها بتتحسن لو غيرت الجنط وجبت جنط 14 وكمان الكنبة الي ورا بتشيل اتنين و كويس عليها كده والشنطة مش كبيرة يعني شنطة كبيرة واحدة هاند باج وكام كيس كده ....
الخلاصة ومعلش طولت عليك ..... معاك فلوس أو مأمن على العربية يبقى عليك وعلى اللوجان ... موظف حكومة زي وعايز عربية ناعمة وهادية وتكييف جبار وعائلية نوعأ ما واعتمادية بنسبة معقولة ولحد ماربنا يكرمك بفلوس عشان تجيب فئة أعلى عليك وعلى الفيرنا وبلاش خالص اللانوس
معلش طولت عليك بس حبيت للأمانة اوضحلك الصورة كاملة