انا عربيتي موديل 2008 , مازودتش المية بتاع الريداتير ولا عمري غيرت بوجيهات ولا تيل ولا عملت صيانة للتكييف ولا غيرت الكاوتش الاصلي ولا استعملت الاستبن ولا غيرت بطارية (انا اشتريت بطارية جافة وحطيتها في العربية الصني واخدت بتاع الصني حطيتها في عربية تانية فيات ولسة شغالة لحد دلوقتي) والعربية ماشية 40500 كيلو وكل ما اروح للميكانيكي واقولة تيل ولا بوجيهات يقولي كويسين ماتغيرهمش واغير زيت وفلتر زيت وامشي
اللي اشتريتة بالضبط للعربية : ازاز امامي جريش ب210 جنية وفاتوس خلفي ديبو ب200 جنية وعلامة للطاسة ب10 جنية و6 جراكن موبيل 3000 ب650 جنية و4 فلاتر ب100 جنية وفلتر هوا كان ب30 جنية وترصيص وزوايا ب40 جنية وغطا ووتر بروف ب120 جنية وفامية ب35 جنية وستاير خلفية كبس ب50 جنية وجوالي 3500 لتر بنزيت 92 ب7000 جنية وترخيص في المرور ب2000 جنية لحد 2014