اللى فيكم من سنى اكيد يفتكر العربية رمسيس الملاكى الصغيرة اللى كانت شبه ال 128 العادة بس على صغير (كانت قد السيات 133 او الزاستافا 750 تقريبا) وببابين فقط وموتور 2 سلندر تبريد هوا من ورا وصوتها عامل زى صوت الموتوسيكل ، وكانت بتعملها شركة وسائل النقل الخفيف (الترامكو فيما بعد) فى فترة السبعينات

العربية دى كانت مالية مصر فى تلك الحقبة وبعدين اختفت شيئا فشيئا حتى انقرضت، بس الغريب انى بشوف البعض منها احيانا لا يزال يسير بمعجزة ما فى الشوارع
من زمان وانا بحاول ادور على صور للمذكورة دون ان يحالفنى الحظ، لحد ما لقيت مشاركة من احد اصدقائنا على المنتدى وهو homm_49 موضح فيها اسم الشركة اللى احنا خدنا منها تصميمات السيارة دى ، وده ساعدنى انى الاقى لها العديد من الصور على الشبكة

بالمناسبة: العربية دى هى اللى ظهر بيها عادل إمام فى فيلم "غاوى مشاكل" واظن برضه -بس مش متأكد -هى اللى كانت راكبها سهير رمزى فى فيلم(الرجل الذى فقد عقله)

هسيبكم مع الصور علشان الشباب اللى سمعوا عنها كتير وميعرفوش شكلها يعرفوه، واللى من سنى وفاكرين العربية دى لما هيشوفوا الصور هيحسوا انهم رجعوا سنين كتير جدا لورا

















وده كروكى لمحركها ذو ال 2 سلندر المبرد بالهواء سعة 580 سى سى