على فكره فتيس الفورد نفس تصميم ال dsg بتاع vw بالمللي الفرق ان ده 6 سرعات و ده 7 سرعات
عرض للطباعة
على فكره فتيس الفورد نفس تصميم ال dsg بتاع vw بالمللي الفرق ان ده 6 سرعات و ده 7 سرعات
طيب كويس اعلى اوبشن فى الفورد هتكون ال ب184 الف يعنى لية بقى مش منتشرة
عارفين لية عشان الشعب المصرى خدت على العربية اللى تتباع بسهولة وصيانتها سهلة عشان كدة بيدور دايما على الكورى
الهوندا سيفيك 2012 انا ركبتها وقولت احكم على الطبيعة بعيدا عن الصور ولاكن محالفنيش الحظ وسوقتها الانطباع عن الفئة الفول اوبشن اتوماتيك 176.000 اللون اسود
السيارة شكلا من الخارج غريب وبدون اى ملامح فى الفئة دة
من الداخل كماليات فقيرة حتى خامات الابواب معجبتنيش كلة بلاستيك كوالتى بتاعتة غير جيدة والانتريور كذلك وواضح دة فى اللون الفاتح يعنى متفجأتش بحاجة او لاحظت شىء مميزة فى سيارة بالسعر دة
بالعكس بالنسبالى الموديل 2011 افضل واتمنى اقتنائة وطبعا انا مش لازم اجيب اعلى فئة ب 200.000 علشان احس بالعربية وااخذ على توكيل هوندا فى رفع السعر لفئة سيارات اعلى يبقى المفروض
يتم رفع الكوالتى والخامات وحتى الكماليات على الاقل زى السعودية والطبيعى ان هوندا بتنزل ب 1.8 مش لسة 1.6 وبالسعر دة لو خلاف ذلك كان السعر بقى اقل كانت حتبقى مقبولة الى حد ما
-----
وانا من راى افضل وفى نفس الفئة السعرية :
Vw jetta 2012
ford focus 2012
2012 Peugeot 408
انا مع حضرتك فى ان اغلب الشعب المصرى بيتجة للكورى ولاكن احب اوضح ان مش كل الشعب المصرى معاة المبلغ دة بسهولة بيتجة للكورى لانة بيبص على السعر فى متناول مرتبة والاكثر بيقسط
بلاش اعلى فئة اقل فئة فى الفورد فوكاس 154.000 هل مش منتشرة علشان فيها عيب او سيئة لا بالعكس كتير نفسة يقتنيها بس السعر غالى علية فبيتجة لسيارة اقل فى السعر وفيها الاوبشن والكماليات
وانا بستغرب فعلا ان حد يشترى بديل كورى فى السعر دة . ولاكن هنا السعر عامل اساسى فى ان السيارة الجيدة مش بتنتشر وبنشوف اشياء غريبة فى الشارع كتير وبيتقال عليها عربيات .
متأكد يا باشا من المعلومة دى؟؟!!! :duh:
أصل الـESP مابينزلش فـ الفئة دى بالسعر ده.. يعنى الجولف6 بينزل فقط على الـGT (الـ1.4 TSI 160HP تربو+سوبرتشارجر)..!!
وما بينزلش على الجولف الـ1.6 DSG, وأعتقد ولا الأسترا الـ1.6 (الأسترا تربو فيها ESP)
آه و البرافو الـ150 حصان T-JET كان بينزل عليها, بس دى برضه GT.. :rolleyes:
Edit: كنت سألت فـ فكرى جروب, و قالولى انه بينزل فـ المونديو بس..؟؟!!!
الصراحة مش متأكد من معلوماتهم برضه؟؟ ياريت تأكدلنا..
+1
صحيح, بس فيه فروقات كبيرة فى الـArchitecture بينهم, رغم ان الـ2 Dual-Clutch برضه.
كل الريفيوهات ان فتيس الـDSG أسرع فـ الـShiftــات.. وأفضل فـ استهلاك البنزين,
لكن فتيس الفورد الـPowerShift أفضل أداءا فى الزحمة (مفيش الـHesitation بتاع الـDSG) وانعم فـ النقلات..؟؟!!!
والحقيقة أنا مش قادر أــverify الكلام ده, لأنى ماجربتش غير الـDSG, الـPowerShift اللى جربته كان Wet-Clutch بتاع الفولفو... :crashcomputer5:
+111
هههههههههههههههههههههه
جاااااااااااااامدة أوى "وبيتقال عليها عربيات"..
وفعلا, مش قادر أعرف ازااااااااااااااى ممكن واحد يدفع 150-160 ألف فـ عربية كورى؟؟؟!!!
أصل طالما وصلت للرقم ده.. يبقى اركب "عربية" بجد بقى..؟؟!!! :duh:
أقل واجب زود عليهم حاجة بسيطة وهات هوندا مثلا..
ولو انت يهمك اعادة البيع والفلوس.. طب من الأول كان ليه تدفع فلوس فـ عربية ماتستاهلش, لو عايز توفر كنت تجيب كورى برضه بس أرخص سيكا؟؟!!! :duh::duh:
عموما ده رأيى, وهى وجهات نظر..
العربيه تحفففففه بجد والشبكه من قدام وشكلها روعة بسم الله ماشاء الله
[QUOTE=formulator;3874174008]متأكد يا باشا من المعلومة دى؟؟!!! :duh:
أصل الـESP مابينزلش فـ الفئة دى بالسعر ده.. يعنى الجولف6 بينزل فقط على الـGT (الـ1.4 TSI 160HP تربو+سوبرتشارجر)..!!
وما بينزلش على الجولف الـ1.6 DSG, وأعتقد ولا الأسترا الـ1.6 (الأسترا تربو فيها ESP)
آه و البرافو الـ150 حصان T-JET كان بينزل عليها, بس دى برضه GT.. :rolleyes:
Edit: كنت سألت فـ فكرى جروب, و قالولى انه بينزل فـ المونديو بس..؟؟!!!
الصراحة مش متأكد من معلوماتهم برضه؟؟ ياريت تأكدلنا..
السلام عليكم،
انا شوفتها مكتوبة على لوحة المواصفات اللي في معرض اباظة في التجمع الخامس ،،، بس ممكن نسأل نتأكد ولو ان مش معقول تكون مكتوبة غلط ده غير انها كمان مكتوبة على موقع فورد مصر بتاع فكري جروب ،،، حاجة ثانية هو ان ال ESP يكون مقصور على ال GT دي معلومة جديدة بالنسبة لي لان مثلا الجيتا والباسات بينزلوا بيه ومش GT ،، والله اعلم.
بدون الدخول فى مقارنات ومين احسن ومين اوحش , انا هرد بس على النقطة دى
موضوع بيع العربية بسهولة او صعوبة دة راجع لثقافة الناس وطريقة تفكيرها اكتر منها كفاءة العربية والامثلة كتير زى اللانوس والفرنا مثلا بالرغم من قدم الموديل وتواضع الاداء بس لسة بيتباعوا زيرو والناس بتبعها دلوقتى مستعملة 12 سنة اغلى من لما اشتراتها زيرو
مثلا اللانسر البومة والشارك بالرغم من نجاح البومة فشلت الشارك واهوا الاتنين لانسر والمفروض الشارك اعلى , سيفيك 92 واواخر تسعينات ... الخ ..
للأسف التجار متحكمين فى السوق بيرفعوا وينزلوا على مزاجهم وكلوا مبنى على الاشاعات زى الميجان لما قضوا عليها بسبب الاشاعات .
الناس بتحكم على العربيات الكورى واليابانى بحكم العشرة وعلى خلفية موديلات التسعينات عربيات معظمها كربراتير , زجاج كهربا والتكييف واللون الميتاليك اوبشنز وبالتالى لما هتتقارن بالاوروبى اللى كان وصل للانجيكشن وال abs والايرباجز ومعقد اكتر البسيط هيكسب وخصوصا ان ثقافة التوكيلات مكنتش موجودة اوى فى الوقت دة , لكن النهاردة لما بدأت التكنولوجيا والالكترونيكس توصل للكورى واليابانى وبقت العربيات معقدة زيها زى الاوروبى هيفضل الناس مؤيدة للكورى واليابانى دائما بحكم البساطة وسهولة الاصلاح ورخص قطع الغيار ؟؟
للأسف السوق المصرى ملهوش اى معايير , عربيات كتير تعبانة مالية البلد وبتتباع هوا وعربيات اكتر محترمة جدا ومحدش بيشوفها لأنها مغضوب عليها
عربيات عمالة تغلى وتغلى والناس بتشترى وعربيات تانية مهما نزلت بسعر معقول مقارنة بالمنافسين بردة متتباعش