اخيرا هنخلص من جشع التجار

**SAMEH_FOUAD** · 08-03-2012 01:12 PM

اذيكوا ياوحوش الهونداوية يارب تكونوا بخير

طبعا اثار الاخ ابو لوجين نقطة حول كيف يمكن الاستغناء عن جشع التجار ونقوم نحن بايستراد القطع المطلوبة وطبعا هيبقى سعرها ارخص من اللى عند التاجر بكتير

والحمد لله فضلت ماشى ورا الموضوع بهدف تحقيقة لحد ماربنا اكرمنى ان الاقى الاخ اسلام بيبدأ فى تنفيذ هذا المشروع وطبعا قعدنا نتكلم على اننا نظبط الدنيا دية بحيث ان كل اللى محتاجينة الهونداوية من قطع غيار او اى اكسسوارات اننا نجيبها من الخارج بسعر التكلفة بتاعتها كاملة
سعر قطع الغيار + الشحن فقط لاغير ولو مرة مثلا استدعى الامر اننا نسافر لاننا كنا بنفكر فى الموضوع انى اسافر انا واسلام ونجيب قطع الغيار من الخارج ودة عشان ضمان سلامة قطع الغيار وجودتها بس عشان الشغل اجلنا الفكرة مؤقتا

والحمد لله ياجماعة بنسبة 90% دلوقتى بنقترب من تحقيق دة وزى ماقال اسلام الموضوع هيتعمل بدون هامش ربح الموضوع كلة هيتعمل بناء على حساب التكلفة فقط ودة عشان الهونداوية

وطبعا احنا ان شاء الله ممكن نجمع حاجات مطالبنا كلنا من قطع غيار او اكسسوارات ونطلبها من الخارج

وللعلم لو مثلا اى عضو عايز حاجة معينة او مش موجودة يقول عليها بس يكون جاد فى كلامة وان شاء الله هنجيبهالة فى خلال 10 ايام

وان شاء الله هنظبط موضوع التكلفة على قد مانقدر واسلام هيكلم اصحابة فى قطع الغيار اللى هتيجى من برة بحيث انة يدخلها مع الكونتينر بتاعهم وممكن نتحاسب على مبلغ تافهة فى الشحن لو الحاجات خدت جزء كبير شوية من الكونتينر

المهم بإذن الله نوصل اننا بقدر الامكان مانقعش تحت رحمة التجار اللى بجد الحاجة بقت غالية جدا جدا وقربت لاسعار الجديد مع انهم بيجيبوها ارخص من كدة بكتير

والله المستعان وايدينا مع بعض ان شاء الله ونبقى اول قسم فى المنتدى عمل الموضوع دة بالاكتفاء الذاتى

واى جديد هوافيكم بية , واى حد محتاج حاجة يقولى وان شاء الله نجيبهالة فى وقت قريب وبسعر ارخص ونحاول كمان نجيبهالة لحد هنا فى القاهرة

**SAMEH_FOUAD** · 08-03-2012 01:22 PM

الاكثر قطع الغيار هتكون استيراد , والجديد بردة هنحاول ندخلة بس المشكلة ان لازم واحد مننا يكون هو اللى بيشترى عشان يبقى شايف الحاجة وفاهمها

**No Comment** · 08-03-2012 01:29 PM

فكرة كويسة طبعاً ... معاكم قلباً وقالباً .
بس اللى هيسافر ويختار الحاجة خبرته فى الهوندا بموديلاتها أيه ...؟
والحاجات اللى هتيجى هتكون جديدة ولا مستعمل على جديد ...؟
ولازم تبقى مواتير وحاجات كبيرة .. ولا ممكن حاجات صغيرة من اجزاء العربية زى الكبالن والرفارف والاكسسوارات النادرة ...؟
وده هيرجعنى لأول سؤال خبرة اللى هيشترى ويشحن الحاجة من هناك وقدرته على التمييز بين الجيد والسئ فى القطع خصوصاً فى المستعمل .
دى حبة اسئلة جت على بالى على السريع كدة ... مع لما الناس تخش تكمل اسئلة واستفسارات .

**SAMEH_FOUAD** · 08-03-2012 01:44 PM

كل الاسئلة دية هجاوب عليها ان شاء الله يوم السبت او الاحد

وبالنسبة لجودة قطع الغيار دة ان شاء الله ماتقلقوش منها لانى اللى هيجب هناك بيجيب عربيات متقطعة حالتها نظيفة جدا ودة كان واضح فى اكتر من محركين اسلام كلمنى عليهم وبيقولى حالتهم كانت فابركية

وبالنسبة للسفر هو مافيش حد فينا هيسافر على الاقل لحد الوقت الراهن

واللى هيجيب الحاجات دية من برة تجار مخضرمين بردة وفاهمين فى الهوندا

تكلفة السفر والكلام دة كلة لو حد فينا سافر لكن لحد دلوقتى احنا بنرتب اننا نجيب قطع الغيار من برة مع حاويات لاصدقاء اسلام عشان التكلفة تكون مقتصرة فقط على سعر قطع الغيار وان شاء الله يكون الموضوع موفق ويكمل على خير

ماتقلقوش الموضوع احنا بنظبطة من جميع النواحى وربنا يسهل ونعمل خطوة ايجابية وايديكوا بردة معانا ياهونداوية

**SAMEH_FOUAD** · 08-03-2012 01:46 PM

المشاركة الأصلية كتبت بواسطة ahmedeihab

معاك يا سامح
بس فيه حاجه
مصاريفكوا هتتقسم على كل اللى طالبين قطع غيار من بره
زى مصاريف السفر و الكلام ده
هتتقسم على كل الناس اللى عايزه الحاجات اللى هتيجى فى اول شحنه
و هكذا كل مره
و يبقى فى واحد هنا فى مصر
لو انتوا سافرتوا
هو اللى بيقفش الفلوس من الناس لضمان الجاديه فى الشراء
و متشتريش اى حاجه غير لما يكون مدفوع تمنها مسبقا ولو حتى ربع المبلغ اللى هتشترى بيه
و هيبقى شامل المصاريف بتاعت الناس اللى سافرت
و شامل اسعار قطع الغيار و الشحن
و لو عايز حد يقوملك بلقصه دى
انا محاسب
و تحت امرك فى اى وقت
احنا نخدم حرف ال h
و كل اللى معاهم هوندا
^_^

تسلم ياغالى انا عارف والله يابو حميد واكيد لو اى حاجة فى المحاسبة وقفت قدامنا هقولك على طول